Read luganda Rut 2 Bible Online

Rut 2 - luganda bible

Rut 2

¹Ni Naomi wù le̱ wekunyo ko ye̱ ni dši niiatše̱ kple, edše̱ Elimelek weku le̱ mli, ni egbe̱i dši Boaz.

²Ni Rut, Moabyō le̱, ke̱ Naomi ake̱: Hã maya ṅmõdši le̱ amli, ni mayanyie moni mihĩe aaba nyam ye̱ ehĩe le̱ se̱ maye akoko kpe̱kpe̱o! Ni eke̱le̱ ake̱: Ya, mibi!

³Ni ete ni eyaye kpe̱kpe̱o ye̱ mei ni foo̱ akoko le̱ se̱ ye̱ ṅmõdši le̱ amli; ni eba mli ake̱ eyadše Boaz ni dše̱ Elimelek weku le̱ mli le̱ ṅmõši.

⁴Ni na, Boaz dše̱ Betlehem ba, ni eke̱ nikpalo̱i le̱ ake̱: Iehowa afata nyehe! Ni ame̱ke̱le̱ ake̱: Iehowa adšō̱o!

⁵Ni Boaz ke̱ etšũlo̱ ni eke̱-to enikpalo̱i le̱ ano̱ le̱ ake̱: Nẽ oblayō ne̱?

⁶Ni tšũlo̱ ni aṅõ-to nikpalo̱i le̱ ano̱ le̱ to he ake̱: Moab oblayō ni ke̱ Naomi dše̱ Moab šikpoṅ le̱ no̱ ba le̱ ni.

⁷Ni ebake̱: Mīkpao fai, hã ma-nyie nikpalo̱i le̱ ase̱ maye kpe̱kpe̱o ye̱ akoko kei le̱ ateṅ ni mabua nā. Ni eba ni ekã ehe ke̱-dše̱ lebi āhũ ke̱-baši be ne̱; etáá šĩa tũtu ko.

⁸Ke̱ke̱ ni Boaz ke̱ Rut ake̱: Mibi, ōbo toi? Kāya ni oyaye kpe̱kpe̱o ye̱ mokroko ṅmõši, ni osā okadše̱ bie̱ ne̱ hū, ši moṅ kpe̱te̱mo̱ miblayei le̱ ahe ye̱ bie̱ noṅṅ.

⁹Ohĩe ahĩ ṅmõ ni ame̱foo̱ akoko le̱ ye̱ mli le̱ no̱, ni onyie ame̱se̱; na, mi-wo miblahĩĩ le̱ akitã ake̱ moko akagba onã. Ni ké̱ kũmai mīyeo le̱, ya gbé̱i le̱ ahe ni oyanu noni oblahĩĩ le̱ eyaye̱ le̱ eko.

¹⁰Keke̱ ni eke̱ ehle bu ši, ni eho ekũla šikpoṅ, ni eke̱le̱ ake̱: Mēhewo̱ ni mihĩe eba nyam ye̱ ohĩe, ni otšeo̱ ohĩe ohãami, mi mokpõṅ ne̱?

¹¹Ni Boaz to he hãle̱ ake̱: Nii ni ofe ohã ošāyō le̱ ye̱ owù gbēle le̱ se̱ le̱, agbami ſẽ pe̱pēpe̱, bo̱ni *ošĩ otše̱ ke̱ onye ke̱ šikpoṅ ni afo̱o ye̱ no̱ le̱, ni oyiṅ ke̱-ba maṅ ko ní olee oto sá le̱ mli le̱. [5]

¹²lehowa atoö onii ní otšu le̱ nã-dšiaṅ, ni Iehowa, Israel Nyoṅmo̱ le̱, mo fĩdši ašiši abo ni obaba ne̱, awoö nyõmo̱ šišīši!

¹³Ke̱ke̱ ni ekē: Hã mihĩe aba nyam ye̱ ohĩe, minuntšo̱! ake̱ nõ kẽ ni oše̱dše mimī, ni oke̱ oweyō ewie ye̱ mlihĩle̱ le̱ nã le̱, tše̱ mi ke̱ oweyei le̱ eko tete yee egbo̱.

¹⁴Ni beni še̱ niyeli be le̱, Boaz kē̱le̱ ake̱: Tši oba bie̱, ni obaye abolo le̱ eko, ni oke̱ otrõma le̱ atšo̱ ašiṅ le̱ mli! Ni eba ebatá nikpalo̱i le̱ amase̱i; ni ame̱hãle̱ ablefo̱ ni ašĩ le̱ eko, ni ekpe ni tto̱, ni eſe̱ eko.

¹⁵Ni heni ete ši eyaye kpe̱kpe̱o le̱, Boaz wo eblahĩĩ le̱ akitã ake̱: Nyehãa eyea kpe̱kpe̱o ye̱ kei ni afĩmo̱ le̱ ateṅ hũ, ni nyekanyãfĩale̱.

¹⁶Ni asaṅ nyefãmo̱a eko ye̱ nyamfĩĩ le̱ ahe nyefiea ši nyehãale̱, ni eye kpe̱kpe̱o, ni nyekadše̱ale̱! [6]

¹⁷Ni eye kpe̱kpe̱o ye̱ ṅmõ le̱ ši ke̱-yaši gbe̱ke̱nãši, ni egbẽ noni eye kpe̱-kpe̱o le̱, ni efe akoko aaſe efa kome.

¹⁸Ni ewó ke̱-te maṅ; ni ešãyō le̱ na noni eyakō̱lo̱ le̱. Ni edšie noni eye eto̱ ni ſe̱ le̱ ehãle̱.

¹⁹Ni ešāyō le̱ kē̱le̱ ake̱: Nẽgbe̱ ote oyaye kpe̱kpe̱o ye̱ ṅme̱ne̱, ni nẽghe̱ oya-tšu nii ye̱? Moni tše ehĩe ehão le̱, aadšō̱le̱! Ni egba ešāyō le̱ mo ṅõ ni eyatšu nii ye̱, ni ekē̱: Nū ni miyatšu nii ye̱ eṅõ ṅme̱ne̱ le̱ gbe̱i dši Boaz.

²⁰Ni Naomi ke̱ ešāyō le̱ ake̱: Iehowa, moni ehãko emo̱bo̱nale̱ se̱ afo ye̱ hĩekãlo̱i ke̱ gbohĩĩ fē ano̱ le̱, aadšõle̱! Ni Naomi kē̱le̱ ake̱: Nū le̱ wo̱ mo ni, wo̱weku le̱ mli niyelo̱i le̱ eko dšile̱.

²¹Ni Rut, Moabyō le̱, ke̱ ake̱: Bēle̱ nohewo̱ ni esā ekēmi ake̱: Kpe̱te̱mo̱ miblahĩĩ le̱ ahe ke̱-yaši beyino̱ ni ame̱agbe minikpamo̱ le̱ fē nā le̱.

²²Ni Naomi kē ešāyō Rut ake̱: Ehĩ, mibi, ake̱ oke̱ eblayei le̱ anyie, ni aka-haoö ye̱ mokroko ṅmõši.

²³Ni ekpe̱te̱ Boaz oblayei le̱ ahe ke̱ kpe̱kpe̱o le̱ yeli āhũ ke̱-yaši beyino̱ ni agbe akoko ke̱ ṅmã fẽ kpamo̱ nā; ni eke̱ ešāyō le̱ hĩ ši.