Read luganda Rut 4 Bible Online

Rut 4 - luganda bible

Rut 4

¹Ni Boaz te maṅ le̱ koi le̱ ši, ni eyatá ši ye̱ dše̱i. Ke̱ke̱ le̱ na, niyelo̱ le̱ ni Boaz tšĩ etã le̱ hoo̱ ne̱, ni ekē̱: Kwe̱, ašimaši ba ni obatá bie̱! Ni eba ni ebatá ši.

²Ni etšé̱ maṅ onukpai le̱ ateṅ mei nyoṅma ke̱-ba, ni ekē̱: Nyebatráa bie̱! Ni ame̱batrá ši.

³Ni ekē niyelo̱ le̱ ake̱: Šikpoṅ kuku ni dši wo̱nyemi Elimelek šikpoṅ kuku le̱, Naomi ni dše̱ Moab šikpoṅ le̱ no̱ ba le̱ mīhō.

⁴Hewo̱ le̱ midſēṅ ake̱: Mawó otoi no̱, ni ohe ye̱ mei ni trá bie̱ ne̱ ke̱ mi-maṅ onukpai le̱ ahĩe. Ke̱dši ookpõ le̱, kpõ; ši ke̱dši okpõõ le̱, kē̱mo̱mi, ni male; edšake̱ moko be̱ ní aakpõ ake̱ dša bo, ni ose̱ le̱ mi. Ni ekē: Makpõ. [10]

⁵Ke̱ke̱ ni Boaz kē̱: Gbĩ ni oohe šikpoṅ le̱ ye̱ Naomi deṅ le̱, dša oṅõ Rut, Moabyō le̱, ni dši moni egbo le̱ ṅã le̱ nakai gbĩ le̱ noṅṅ, koni *atē moni egbo le̱ gbe̱i ši ye̱ egboši šikpoṅ le̱ no̱. [11]

⁶Ke̱ke̱ ni niyelo̱ le̱ kē̱: Minyēṅ makpõ, koni mikafite midientše̱ migboši šikpoṅ le̱; yakpõ migbe̱nānii le̱ ohã ohe, edšake̱ minyēṅ makpõ!

⁷Ši *blema le̱, ké̱ ākpõ noko lo atša ke noko ye̱ Israel le̱, noni ake̱-mãa sane-fẽ-sane he tšo ne̱: Mokome dšieo̱ etokota ehãa enanyo, ni ene̱ ake̱-yeo̱ odase ye̱ Israel. [12]

⁸Nohewo̱ le̱ niyelo̱ le̱ kē Boaz ake̱: Hemo̱ ohã ohe! ni edšie etokota le̱.

⁹Ni Boaz kē̱ onukpai le̱ ke̱ maṅ le̱ fẽ ake̱: Nyedši odaseſoi ṅme̱ne̱, ake̱ mihe nofēno ní dši Elimelek nõ ke̱ nofẽno ni dši Kilion ke̱ Malon nõ le̱ ye̱ Naomi deṅ;

¹⁰asaṅ Rut, Moabyō, ni dši Malon ṅã le̱ hũ mihe le̱, ni etšṍ miṅã, koni matē moni egbo le̱ gbe̱i ši ye̱ egboši šikpoṅ le̱ no̱, beni afe ni moni egbo le̱ gbe̱i akalādše ye̱ enyemimei ateṅ ke̱ emaṅ le̱ mli; nyedši odasefoi ṅme̱ne̱.

¹¹Ni maṅbii le̱ fẽ ni yo̱ maṅ le̱ koi le̱ ši le̱ ke̱ onukpai le̱ kē: Wo̱dši odasefoi! Iehowa ahã yō le̱ ni baä owe le̱ atamo̱ Rahel ke̱ Lea ni ame̱yi enyo̱ le̱ pe̱ ame̱mã Israel we le̱, ni otšṍ gbomo agbo ye̱ Efrata, ni ogbe̱i ahehe ye̱ Betlehem!

¹²Ni ſĩei ni Iehowa aatšṍ oblayō ne̱ no̱ ahão le̱, ahã owe le̱ atšṍ tamo̱ *Perez ni Tamar ke̱ Iuda ſo̱ le̱ we le̱. [13]

¹³Ni Boaz ṅõ Rut ni etšṍ eṅã, ni eba eṅõ, *ni Iehowa hã ená mũsũ ni efo̱ binū. [14]

¹⁴Ni yei le̱ kẽ Naomi ake̱: Yidšiemo̱ ahã Iehowa, moni hãã gbošiniyelo̱ abo̱o ṅme̱ne̱ le̱, ni ehí egbe̱i ahehe ye̱ Israel.

¹⁵Ni le̱ eetše̱ owala yi se̱ ni eekwe̱o ye̱ ogbo̱ le̱ mli; edšake̱ ošāyō ni sumoo̱o ni ehĩ hío fè bihĩĩ kpawo tete le̱ fo̱le̱!

¹⁶Ni Naomi he gbekẽ le̱, ni eṅõle̱ ewo emliši, ni etšṍekwe̱lo̱.

¹⁷Ni ekūṅyei le̱ wole̱ gbe̱i ame̱kē̱: Afo̱ binũ ahã Naomi; ni ame̱tšē̱ egbe̱i ake̱ Obed; le̱ dši David tše̱ Išai le̱ tše̱. [15]

¹⁸Agbe̱ne̱ Perez sešibii ne̱: Perez fo̱ Hezron, [16]

¹⁹ni Hezron fo̱ Ram, ni Ram fo̱ Aminadab, [17]

²⁰ni Aminadab fo̱ *Nahăšon, ni Nahăšon fo̱ Salmon, [18]

²¹ni Salmon fo̱ Boaz, ni Boaz fo̱ Obed,

²²ni Obed fo̱ Išai, ni Išai fo̱ David. [19]