Read luganda 1 Samuel 1 Bible Online

1 Samuel 1 - luganda bible

1 Samuel 1

¹Agbe̱ne̱ nū ko ye̱ ni dše̱ Ramataim-Zofim ye̱ Efraim goṅ le̱ no̱, egbe̱i dši Elkana, ni Efraimnyo Zuf bi Tohu bi Elihu bi Ieroham le̱ bi ni; [1]

²ni eye̱ ṅāmei enyo̱, mokome gbei dši Hana, ni mokome hũ gbei dši Penina; ni Penina ye̱ bii, ši Hana le̱ ebe̱ bi. [2]

³Ni dā afi le̱ ne̱ke̱ nū ne̱ dše̱o̱ emaṅ eyaä *Šilo eyaso̱leo̱ ni ešãa afo̱le ehã Iehowa Zebaot. Ni Hofni ke̱ Pinehas, Eli bihĩĩ enyo̱ le̱, yeo̱ oso̱foi ye̱ dše̱i ame̱hãa Iehowa. [3]

⁴Ni ebaä mli ake gbĩ ni Elkana šãa afo̱le le̱, ehãa eṅã Penina ke̱ ebihĩĩ ke̱ ebiyei le̱ fẽ ame̱gbe̱nā;

⁵ši Hana le̱, ehãale̱ mei enyo̱ gbe̱nā, edšake̱ Hana esumoo̱; ši Iehowa eṅá emũsũ nā.

⁶Ni ebienye le̱ hũ woo̱ emli la naakpa, beni afe ní egbĩgblĩ emli, edšake̱ Iehowa eṅã́ emũsũ nã.

⁷Ni nakai efeo̱ dā afi: ké̱ ame̱te Iehowa we le̱, no ewoo̱ emli la nakai; ke̱ke̱ le̱ efeo̱le̱ yāfó ni eyee nii.

⁸Ni ewù Elkana kē̱o̱le̱ ake̱: Hana, mẽba ofóo̱? ni mẽba oyee nii? ni mẽba hũ oyeo̱ otšui? Ani mihĩĩ mihãão fè bihĩĩ nyoṅma?

⁹Ke̱ke̱ ni beni ame̱ye nii ni ame̱nu noko ye̱ Šilo se̱ le̱, Hana te ši; ši oso̱fo Eli tá sẽi no̱ ye̱ Iehowa so̱lemo̱tšũ le̱ šĩnātšo le̱ mase̱i.

¹⁰Ni eyakpa Iehowa fai, ni efó āhũ, edšake̱ ew̌ere̱ eho ehe.

¹¹Ni ewo ši ni ekē̱: Iehowa Zebaot! Ke̱dši ookwe̱ oweyō amanehũlũ ne̱, ni ookaimi, ni ohĩe kpaṅ oweyō no̱, ši moṅ oohã oweyō binū le̱, no le̱ maṅõle̱ ma-hã Iehowa ewala gbĩĩ fẽ, ni *asōyi nā esaṅ eyiteṅ. [4]

¹²Ni eba mli ake̱, beni ehĩe so̱lemo̱ le̱ āhũ ye̱ Iehowa hĩe le̱, Eli kadi enābu.

¹³Edšake̱ Hana le̱, etšui mli ewieo̱ ye̱, enābui ke̱ke̱ tšṍmoo̱, ši anua egbē; nohewo̱ le̱ Eli susu ake̱ eto̱ dā̃.

¹⁴Ni Eli kē̱le̱ ake: Mẽ beyino̱ noṅṅ ni ooto̱ dā̃ ke̱-yaši? Hã owein le̱ atšere̱ ye̱ ohĩe!

¹⁵Ši Hana here no̱ ni ekē̱: Dabi, minuntšo̱! midši yō ko ní miw̌ere̱ eho mihe; minuko wein lo dā̃ ko ni wa, ši moṅ *mifo̱se misusuma miſĩe ši ye̱ Iehowa hĩe. [5]

¹⁶Kābu oweyõ ake yakagbomo ko; edšake̱ miko̱mo̱ ke̱ mimlila ní awoo̱ so̱ṅṅ nā miwieo̱ ye̱ ke̱-baši bene̱ ne̱.

¹⁷Ke̱ke̱ ni Eli here no̱ ni ekē̱: Ya ye̱ hedšo̱le̱ mli, ni Israel Nyoṅmo̱ le̱ aahăo onibimo̱nii ni obile̱ le̱!

¹⁸Ni ekē̱: Hã oweyō hĩe aba nyam ye̱ ohĩe! Ke̱ke̱ ni yō le̱ yiṅ ete, ni eyaye nii, ni ehĩe efee to̱tō̱to̱ doṅṅ.

¹⁹Ni ame̱te ši lebi mãṅkpa, ni ame̱-yadšá ye̱ Iehowa hĩe, ni ame̱kũ ame̱se̱, ni ameba ame̱we ye̱ Rama. Ni Elkana le eṅã Hana, ni Iehowa *kaile̱. [6]

²⁰Ni eba mli ake̱, beni ekē̱ eše̱o̱ afi nākplo̱ le̱, Hana ena mũsũ ni efo̱ binū, ni ewole̱ gbe̱i ake̱ Samuel; edšake̱ ekē̱: Iehowa ṅõ mibale̱ ye̱.

²¹Ni nū Elkana le̱ ke̱ ewe le̱ fẽ yiṅ te ni ame̱yašã dā afi afo̱le le̱ ke̱ ešiwō le̱ nō le̱ ame̱hã Iehowa.

²²Ši Hana le̱ eyaa; edšake̱ ekē̱ ewù le̱ ake̱: Dša atše gbekẽ le̱ fufo̱ dãni mi-ke̱le̱ aate, ní eyapue ye̱ Iehowa hĩe, ni ehĩ dše̱i kwrā.

²³Ni ewṅ Elkana kē̱le̱ ake: Femo̱ noni hĩ ye̱ ohĩe; hĩ ši ke̱-yaši beyino̱ ní ootšele̱ fufo̱ dã; Iehowa ahã ewiemo̱ le̱ aba mli ke̱ke̱! Ni yō le̱ hĩ ši, ni ehã ebi le̱ fufo̱ ke̱-yaši beyino̱ ní etšele̱.

²⁴Ni beni etšele̱ fufo̱ le̱, eṅõle̱ ke̱-te, ni ehĩe tšinahĩĩ etẽ ke̱ ṅmā̃ mãmu efa kome ke̱ wein to̱ kome, ni eke̱le̱ ba Iehowa we le̱ ye̱ Šilo; ni gbekẽ le̱ edako.

²⁵Ni ame̱gbe tšinanū kome, ni ame̱-ke̱ gbekẽ le̱ ba Eli ṅõ.

²⁶Ni yō le̱ kē̱: O, minuntšo̱, gbĩĩabo̱ ní osusuma hĩe kã ne̱, minuntšo̱, midši yō le̱ ni badamo̱ omase̱i ye̱ bĩe̱ ne̱, ni ekpa Iehowa fai le̱.

²⁷Ne̱ke̱ gbekẽ ne̱ he fai mikpa le̱; ni Iehowa ehãmi *noni mibale̱ le̱. *K. 17.

²⁸Nohewo̱ le̱ mi hũ *mike̱le̱ eke Iehowa; ake̱le̱ eke Iehowa ewala gbĩĩ abo̱ fẽ! Ni ame̱dšá Iehowa ye̱ dše̱i. [7]