Read luganda 1 Samuel 14 Bible Online

1 Samuel 14 - luganda bible

1 Samuel 14

¹Agbe̱ne̱ eba mli ake̱ gbĩ ko le̱ Saul bi Ionatan le̱ kē̱ oblanyo ni hĩee̱ etawũnii le̱ ake̱: Ba ní wo̱te Filistibii le̱ asrafoi ni yo̱ se̱ le̱ gbe̱ le̱ aṅõ! Si ekē̱ē̱ etše̱.

²Ši Saul ye̱ Gibea nāgbēhe le̱ ye̱ akututšo ni yo̱ Migron le̱ šiši; ní ta ní fata ehe le̱ aafe hĩĩ ohai-ekpa.

³Ni Ahia, ni dši Eli bi *Pinehas bi Ikabod nyemi Ahitub hĩ le̱, dši Iehowa oso̱fo ye̱ Šilo, ni ewoo̱ efod le̱. Ši maṅ le̱ lee ake̱ Ionatan ete. [84]

⁴Ši tšṍmo̱hei ni Ionatan taoo̱ atšṍ ke̱-yatua Filistibii le̱ asrafoi le̱ ateṅ le̱ te̱sā ní nā ba ye̱ fã kome ne̱, ni te̱sā ni nã ba ye̱ fã kome ne̱ hũ; ni ekome gbe̱i dši Bozez, ni ekome hũ gbe̱i dši Sene.

⁵Ekome le̱ nã mã kōyigbe̱ ye̱ Mikmaš ṅe̱le̱no̱, ni ekome hũ nã mã wuoyigbe̱ ye̱ Geba ṅe̱le̱no̱.

⁶Ni Ionatan kē̱ oblanyo ni hĩe etawūnii le̱ ake̱: Ba ní wo̱te ne̱ke̱ fōlo̱i ne̱ asrafoi le̱ aṅõ! Ekole̱ Iehowa aatšu nii ahãwo̱; edšake̱ nokonoko etšĩĩ *Iehowa nā ake̱ eke̱ mei pī lo mei fiõ aahere yiwala! [85]

⁷Ni etawūniihĩelo̱ le̱ kē̱le̱ ake̱: Femo̱ nofẽno ni yo̱ otšui mli; tšṍ ohe; na, mifata ohe bo̱ni osumoo̱.

⁸Ke̱ke̱ ni Ionatan kē̱: Na, wo̱bafo mli ke̱-ya gbomei le̱ aṅõ, ni wo̱dšie wo̱he kpo wo̱tšõame̱.

⁹Ke̱dši ame̱ṅã wo̱yi ake̱: Nyewaä ke̱-yaši beyino̱ ní wo̱o̱baninanye le̱! no le̱ wo̱o̱wa wo̱damo̱ wo̱nādšiaṅ ní wo̱kwo̱ṅ ke̱-yaṅ ame̱ṅõ.

¹⁰Ši ke̱dši ame̱aṅã̀ wo̱yi ake̱: Nyekwo̱a ke̱-baã wo̱ṅõ le̱! no le̱ wo̱o̱te; edšake̱ Iehowa eṅõame̱ ewo wo̱deṅ. Ni ene̱ atšṍ okadĩ ahãwo̱.

¹¹Ni beni ame̱yi enyo̱ le̱ fẽ ame̱dšie ame̱he kpo ame̱tšõ Filistibii le̱ asrafoi le̱, Filistibii le̱ kē̱: Na, Hebribii le̱ mīdše kpo ke̱-mīdše̱ bui ní ame̱yatētē ame̱he ye̱ mli le̱ amli.

¹²Ni asrafoi le̱ here Ionatan ke̱ eta-wūniihlelo̱ le̱ no̱ ake̱: Nyekwo̱a ke̱-baä wo̱ṅõ ni wo̱tšõnye noko! Ke̱ke̱ ni Ionatan kē̱ etawūniihĩelo̱ le̱ ake̱: Kwo̱ ke̱-nyie mise̱ ke̱-ba; ši Iehowa eṅõame̱ ewo Israel deṅ!

¹³Ni Ionatan nyie enidši ke̱ enãdši ano̱ ke̱-kwo̱, ni etawūniihĩelo̱ le̱ hũ nyie ese̱. Ni *ame̱ſieſie ši ye̱ Ionatan hĩe; bĕle̱ etawūniihĩelo̱ mīgbegbẽame̱ ke̱-nyie ese̱. [86]

¹⁴Ni mei ni Ionatan ke̱ etawūniihĩelo̱ le̱ gbe kleṅkleṅ le̱ aafe mei nyoṅmai-enye̱, ye̱ šikpoṅ ni dale̱ aafe tšinai nta hũme̱ mlidšã no̱.

¹⁵Ni ṅmiṅmi ba nsra le̱ṅ ye̱ ṅã le̱ no̱ ke̱ ta mū le̱ fẽ ne̱; asrafoi le̱ ke̱ nihalo̱i le̱, ame̱ hũ ṅmiṅmi mõme̱ame̱; ni šikpoṅ hoso, ni etšṍ Nyoṅmo̱ he ṅmiṅmi.

¹⁶Ni Saul hebulo̱i ni yo̱ Gibea ye̱ Benyamin le̱ yakwe̱ le̱, na, asafo le̱ mli mītšere̱, ni ame̱mīgbe̱ ame̱mīſã.

¹⁷Ke̱ke̱ ni Saul kē̱ mei ni fata ehe le̱ ake̱: Nyekanea mei le̱ ni nyekwe̱a moni edše wo̱teṅ! Ni ame̱kane, ni na, Ionatan ke̱ etawūniihĩelo̱ le̱ be̱.

¹⁸Ni Saul kē̱ Ahia ake̱: Yaṅō *Nyoṅmo̱ adeka le̱ ke̱-ba bie̱! Edšake̱ no mli le̱ Nyoṅmo̱ adeka le̱ ye̱ Israelbii le̱ aṅõ. [87]

¹⁹Ni eba mli ake̱, beni Saul ke̱ oso̱fo le̱ wieo̱ lolo le̱, bù ní abú ye̱ Filistibii le̱ ansra le̱ṅ le̱ mli bawa. Ke̱ke̱ ni Saul kē̱ oso̱fo le̱ ake̱: Su onine!

²⁰Ni Saul ke̱ mei le̱ fẽ ni fata ehe le̱ bua ame̱he nã ke̱-kpe, ni ame̱te ta le̱ nā; ni na, *mofẽmo klante kā enanyo no̱, ni abú babaō dientše̱. [88]

²¹Ni asaṅ Hebribii ní ke̱ Filistibii le̱ yo̱ sá, ni ke̱ame̱ dše̱ šikpoṅ ní bo̱leame̱ ke̱-kpe le̱ no̱ ke̱-ba nsra le̱ṅ le̱, ame̱ hũ ame̱bafata Israelbii ni ke̱ Saul ke̱ Ionatan yo̱ le̱ ahe.

²²Ni Israelbii fẽ ni eyatẽtē ame̱he ye̱ Efraim goṅ le̱ no̱ le̱, beni amenu ake̱ Filistibii le̱ edšo foi le̱, ame̱ hũ ame̱ba-nyie ame̱se̱ wā ye̱ ta le̱ṅ.

²³Ni Iehowa here Israel yiwala nakai gbĩ le̱. Ni tawū le̱ foṅ ke̱-teke Bet-Aven.

²⁴Ni Israelbii le̱ na nõ nakai gbĩ le̱; edšake̱ Saul ekã kitã efõ maṅ le̱ no̱ ake̱: Alomo̱ mofẽmo ní aaye noko dãni dše aana, koni ato̱ mihe owele ye̱ mihenye̱lo̱i le̱ ano̱! Nohewo̱ le̱ maṅ le̱ mli mokomoko esaa enā noko.

²⁵Ni mei le̱ fẽ yaše̱ kō ko mli, ni wò dſere šikpoṅ le̱.

²⁶Ni beni maṅ le̱ še̱ ko le̱ mli le̱, na, wò tšereo̱ ſieo̱ ši ne̱; ši mokomoko ke̱ enine woo edāṅ; edšake̱ maṅ le̱ mīše kitã le̱ gbeyei.

²⁷Ši Ionatan nuu beni etše̱ kã kitã efõ maṅ le̱ no̱ le̱; nohewo̱ le̱ eṅõ tšo ni ehĩe le̱ nã etšo̱ wò-agbaku le̱ mli, ni eṅõ enine ewo edāṅ, ni ehĩṅme̱ii ano̱ tšere̱le̱.

²⁸Ke̱ke̱ tabilo̱i le̱ ateṅ moko here no̱ ake̱: Otše̱ ekã kitã efõ maṅ le̱ no̱ ake̱: Alomo̱ mofẽmo ní aaye noko ṅme̱ne̱! Ni maṅ le̱ mīto̱ biti.

²⁹Ni Ionatan kē̱: Mitše̱ ewo šikpoṅ le̱ amane mli; nyekwe̱a, bo̱ni mihĩṅme̱ii ano̱ etšere̱mi, ní misa minā wó ne̱ fiō le̱.

³⁰Edši ake̱ ṅme̱ne̱ maṅ le̱ ye ame̱henye̱lo̱i le̱ anihānii ní ame̱na le̱ bo̱ni ame̱sumoo̱ kũle̱, ani agbeṅ Filistibii le̱ āhũ fè ne̱ke̱?

³¹Ni nakai gbĩ le̱ ame̱gbe Filistibii le̱ ke̱-dše̱ Mikmaš ke̱-yaši Ayalon. Ni eto maṅ le̱ butū.

³²Ni maṅ le̱ tšẽ ke̱-te nihānii le̱ ane̱, ni ame̱mõme̱ tōi ke̱ tšinai ke̱ tšinabii ni ame̱gbeame̱ ye̱ šikpoṅ; ni maṅ le̱ ye ke̱ *lá le̱. [89]

³³Ni ayagba Saul ake̱: Na, maṅ le̱ mife eša mīši Iehowa, ake̱-ni ame̱yeo̱ nii ke̱ lá le̱. Ni ekē̱: Nyetõ! Nyekokloa te̱ kpeteṅkple nyebahãami!

³⁴Ni Saul kē̱: Nyegbe̱a nyeſãa maṅ le̱ṅ, ni nyekē̱aame̱ ake̱: Mofẽmo ke̱ etšina aba ni mofẽmo ke̱ etō aba miṅõ ye̱ bie̱, ni nyebagbeaame̱ ye̱ bie̱ ni nyeye, ni nyekaye ke̱ lá le̱ ni nyeke̱-mīfe eša nyemīši Iehowa! Ni maṅ mū le̱ fẽ le̱, mofẽmo hĩe etšina ke̱-ba nakai nyō le̱ṅ, ni ame̱bagbe ye̱ dše̱i.

³⁵Ni Saul mã afo̱lešãlate̱ ehã Iehowa. Ene̱ dši kleṅkleṅ afo̱lešãlate̱ ni emã ehã Iehowa.

³⁶Ni Saul kē̱: Nyehãa wo̱kplekea ši ke̱-nyiea Filistibii le̱ ase̱ nyōṅ, ni wo̱-haame̱ ke̱-yaši dšetše̱remo̱ we̱le̱ṅṅ, ni wo̱kašĩ ame̱teṅ mokomoko! Ni ame̱kē̱: Nofẽno ni hĩ ye̱ ohĩe le̱, femo̱! Ke̱ke̱ ni oso̱ſo le̱ kē̱: Nyehãa wo̱tšia wo̱be̱ṅke̱a bie̱ ke̱-yaä Nyoṅmo̱ ṅō!

³⁷Ni Saul *bi Nyoṅmo̱ ake̱: Ani mikpleke ši ke̱-nyie Filistibii le̱ ase̱ lo? Ani oodšieame̱ owo Israel de̱ṅ lo? Ši ehããle̱ hetō nakai gbĩ le̱. [90]

³⁸Ke̱ke̱ ni Saul kē̱: Nyetšia nyebe̱ṅke̱a bie̱, nye maṅ le̱ mli onukpai le̱ fẽ; ni nyekwe̱a ake̱ nyeana nõ mli ni eša ne̱ yo̱ ṅme̱ne̱ lo!

³⁹Edšake̱ gbĩĩabo̱ ní Iehowa, Israel yiwalaherelo̱ le̱, hĩe kã ne̱, ke̱dši mibi Ionatan tete mli ni yo̱ le̱, dša agbele̱! Ši tabilo̱i le̱ ateṅ mokomoko efoo edāṅ.

⁴⁰Ke̱ke̱ ni ekē̱ Israel fẽ ake̱: Nye le̱ nyeyea afã kome, ni mi ke̱ mibi Ionatan hũ aye afã kome. Ni maṅ le̱ kē̱ Saul ake̱: Noni hĩ ye̱ ohĩe le̱, femo̱!

⁴¹Ni Saul kē̱ Iehowa, Israel Nyoṅmo̱ le̱, ake̱: Bu atẽṅ! Ni *egbē Saul ke̱ Ionatan ne̱, ni maṅ le̱ dše mli. [91]

⁴²Ni Saul kē̱: Nyefõa mi ke̱ mibi Ionatan hũ no̱ ošiki! Ni egbẽ Ionatan no̱.

⁴³Ke̱ke̱ ni Saul kē̱ Ionatan ake̱: Tšõmo̱mi *noni ofe! Ni Ionatan tšõle̱ ni ekē̱: Sa ke̱ke̱ mike̱ tšo ni mihīe le̱ nā sa wŏ fiō misa minā; ni na, mibagbo! [92]

⁴⁴Ni Saul kē̱: Kē̱ dšee gbo oogbo fĩ, Ionatan, Nyoṅmo̱ afemi ne̱ke̱ ke̱ ne̱ke̱!

⁴⁵Ši maṅ le̱ kē̱ Saul ake̱: Aso Ionatan ni etšu ne̱ke̱ yiwalaheremo̱ nitšumo̱ kpeteṅkple ne̱ ye̱ Israel le̱ agbo? Akaba mli nakai! Gbĩĩabo̱ ní Iehowa hĩe kã ne̱, eyiteṅ tšo̱i kome akanyõ šikpoṅ; edšake̱ Nyoṅmo̱ eke̱-tšu nii ṅme̱ne̱ ne̱! Ni maṅ le̱ here Ionatan yiwala ní agbeele̱.

⁴⁶Ni Saul fõ Filistibii le̱ ase̱nyiemo̱ ṅi ekũ ese̱ ke̱-ba. Ni Filistibii le̱ yiṅ ke̱-te ame̱dientše̱ ame̱dšē̱hei.

⁴⁷Ni beni Saul ye Israel no̱ maṅtše̱ le̱, eke̱ ehenye̱lo̱i fẽ ni bo̱lele̱ ke̱-kpe le̱ wu, eke̱ Moab ke̱ Amonbii le̱ ke̱ Edom ke̱ Zoba maṅtše̱mei le̱ ke̱ Filistibii le̱ wu. Ni hefẽhe ni etšṍ ehe ke̱-te le̱, eyeo̱ kũnim.

⁴⁸Ni efe ekã ni egbe Amalekbii le̱, ni edšie Israel ke̱-dše̱ ame̱halo̱i le̱ adeṅ.

⁴⁹Agbe̱ne̱ Saul *bihĩĩ dši Ionatan ke̱ Išwi ke̱ Malkišna; ni ebiyei enyo̱ le̱ hũ agbe̱ii ne̱: kromo̱bi le̱ gbe̱i dši Merab, ni gbekẽ le̱ gbe̱i dši Mikal. [93]

⁵⁰Ni Saul ṅã le̱ gbe̱i dši Abinoam, Ahimaaz biyō le̱. Ni *eta le̱ no̱ tatše̱ le̱ gbe̱i dši Abner, Saul tše̱kwẽ Ner bi le̱. [94]

⁵¹Ni Saul tše̱ Kiš ke̱ Abner tše̱ Ner le̱, Abiel bii ni.

⁵²Ni ake̱ Filistibii le̱ wu ta ní nā wa naakpa ye̱ Saul yino̱ le̱ fẽ. Ni ké̱ Saul na nū hewalo̱ ko lo nū ekãlo̱ ko pe̱ le̱, ke̱ke̱ le̱ eṅõle̱ ke̱-ba eṅõ.