Read luganda 1 Samuel 15 Bible Online

1 Samuel 15 - luganda bible

1 Samuel 15

¹Ni Samuel kē̱ Saul ake̱: Mi *Iehowa tšũ ake̱ mibafo̱o mũ miwoõ emaṅ Israel no̱ maṅtše̱ le̱; nohewo̱ le̱ agbe̱ne̱, bo Iehowa wiemo̱i le̱ agbẽ toi. [95]

²Bo̱ni Iehowa Zebaot kē̱ ne̱: Mihĩe ye̱ noni Amalek fe Israel le̱ no̱, bo̱ni ewole̱ ká ye̱ gbe̱teṅ, beni edše̱ Mizraim ebaã le̱. [96]

³Nohewo̱ le̱ ya ni oyatſia *Amalek nii, ni nyefeaame̱ ke̱ nii fẽ ni ame̱yo̱ le̱ musu, ni okabā ame̱yi, ši ogbe nū ke̱ yō, gbekẽ ke̱ fufo̱õ, tšina ke̱ tõ, yoma ke̱ tedši fẽ. [97]

⁴Ni Saul hã ayakpẽ maù le̱ ke̱-ba, ni ekaneame̱ ye̱ Telaim, hĩĩ naneno̱nyielo̱i akpei-ohai-enyo̱, ke̱ Iuda hĩĩ hū akpei-nyoṅma.

⁵Ke̱ke̱ ni Saul ba Amalek maṅ le̱ he, ni ebawo ká ye̱ dšō̱ le̱ṅ.

⁶Ni Saul kē̱ *Kenbii le̱ ake̱: Nye le̱ nyeyaã, nyedšea Amalekbii le̱ ateṅ nyeyaä, koni mikakpãtãnye ke̱ame̱ fẽ hĩe; edšake̱ nye le̱ nyefe Israelbii le̱ fẽ edšũrõ, beni ame̱dše̱ Mizraim ame̱baã le̱. Ke̱ke̱ ni Kenbii le̱ dše Amalekbii le̱ ateṅ ame̱te. [98]

⁷Ke̱ke̱ ni Saul gbe Amalekbii le̱ ke̱-dše̱ Havila ke̱-yaši Šur ní yo̱ Mizraim hĩe le̱.

⁸Ni emõ Amalekbii le̱ amaṅtše̱ Agag le̱ hĩekãlo̱, ši maṅ mū le̱ fẽ le̱ efeame̱ musu ye̱ klante nā.

⁹Ši Saul ke̱ maṅ le̱ bā Agag yi, ke̱ tōi ke̱ tšinai ní hĩ fè fẽ le̱ ke̱ koloi ní eſiſī le̱ ke̱ tõgwanteṅbii ke̱ nofẽno ní hĩ le̱, ni ame̱sumo̱o̱ ake̱ ame̱feo̱ame̱ musu; ši nofẽno ni dši yakanoko ní abe̱ he nitšumo̱ le̱, no ame̱fe musu.

¹⁰Ke̱ke̱ ni Iehowa wiemo̱ ba Samuel ṅõ ake̱:

¹¹Miſa mihe ake̱ miwo Saul maṅtše̱; edšake̱ ekpale ye̱ mise̱, ni eyee mikitãi le̱ ano̱. Ni edo̱ Samuel, ni eblo̱ etšé̱ Iehowa nyõṅnyõṅ fẽ.

¹²Ni Samuel te ši mãṅkẽ mrã, koni eke̱ Saul ayakpe lebi, ni abatſa Samuel adafi ake̱: Saul eba Karmel, ni na, ebamã kũnimyeli kaimo̱nõ ehã ehe, ni ekũ ese̱ ete ni ekpleke ši ke̱-te Gilgal.

¹³Ni beni Samuel še̱ Saul ṅõ le̱, Saul kē̱le̱ ake̱: Iehowa adšō̱o! Miye Iehowa kitã le̱ no̱.

¹⁴Ni Samuel kē̱: Ši meni dši tōi ablo̱mo̱ ní dſere mitoiṅ ne̱, ke̱ tšinai ablo̱mo̱ hũ ni minuo̱ ne̱ mo̱?

¹⁵Ni Saul kē̱: Amalekbii le̱ aṅõ ame̱ke̱-dše̱, maṅ le̱ bã tōi ke̱ tšinai ni hĩ fè fẽ le̱ ayi, koni ame̱ke̱-basã afo̱le ame̱-hã Iehowa, o-Nyoṅmo̱ le̱; ši nii ní eſe̱ le̱ wo̱feame̱ musu.

¹⁶Ke̱ke̱ ni Samuel kē̱ Saul ake̱: Damo̱ ši ni magbao noni Iehowa kē̱mi nyō ne̱ṅ! Ni ekē̱le̱ ake̱: Wiemo̱!

¹⁷Ni Samuel kē̱: Ani dšee beni *odši bibiō ye̱ bodientše̱ ohĩe le̱, ni otšṍ Israel akutšei le̱ ayitšo, ni Iehowa fe̱o mũ woö Israel no̱ maṅtše̱? [99]

¹⁸Ni Iehowa tšūo ni ekē̱: Ya ni oyafe Amalekbii ešafelo̱i le̱ amusu, ni oke̱ame̱ awu ke̱-yaši beyino̱ ni ookpãtã ame̱hĩe kwrakwra!

¹⁹Ni mẽhewo̱ mo̱ ni oboo Iehowa gbē toi, ni otšē̱ ke̱-te nihānii ano̱, ni ofe noni dši efõṅ ye̱ Iehowa hĩe ne̱?

²⁰Ši Saul kē̱ Samuel ake̱: Miho Iehowa gbē toi, ni mite hégbe̱ ni Iehowa tšũmi le̱, ni mike̱ Agag, Amalek maṅtše̱ le̱, eba, ni Amalekbii le̱ mifeame̱ musu.

²¹Ši maṅ le̱ ṅõ nihānii le̱ amli tōi ke̱ tšinai ní dši musunii le̱ amli ekpakpai le̱, koni ame̱ke̱-bašã afo̱le ame̱hã Iehowa, o-Nyoṅmo̱ le̱, ye̱ Gilgal.

²²Ši Samuel kē̱: Ani Iehowa náa šā̃-afo̱lei ke̱ gbē-afo̱lei ahe tšui tamo̱ Iehowa gbē toibō lo? Na, *toibō hĩ fè afo̱le, ni ninumo̱ hũ hĩ fè tōagboi afo̱. [100]

²³Edšake̱ atũatšemo̱ le̱ etamo̱ klame̱ eša noṅṅ, ni toiwale̱ tamo̱ wo̱ṅdšámo̱ ke̱ amãgãdšámo̱! Gbĩĩabo̱ ni okwa Iehowa wiemo̱ le̱ ne̱, le̱ hũ *ekwao maṅtše̱ le̱ yeli! [101]

²⁴Ni Saul kē̱ Samuel ake̱: Mife eša, edšake̱ mitõ Iehowa kitã le̱ ke̱ bo hũ owiemo̱i le̱ ano̱; edšake̱ miše maṅ le̱ gbeyei ni miyabo ame̱gbẽ toi.

²⁵Nohewo̱ le̱ agbe̱ne̱, oke̱ mihe eša afami, ni oke̱mi aku se̱ ke̱-ya, ni ma-yadšá Iehowa!

²⁶Ši Samuel kē̱ Saul ake̱: Mike̱o ekũũ se̱ ke̱-yaa; edšake̱ okwa Iehowa wiemo̱ le̱, ni Iehowa hū ekwao maṅtše̱yeli ye̱ Israel no̱.

²⁷Ni beni Samuel tšṍ ehe ni eyaã le̱, emō ebò le̱ nāmū le̱ mli, ni egbá.

²⁸Ni Samuel kē̱le̱ ake̱: Iehowa *egbá oke̱ Israel maṅtše̱yeli le̱ teṅ ṅme̱ne̱, ni eṅõ-hã onanyo ko ní hĩ fèo. [102]

²⁹Ni asaṅ moni dši Israel hewale̱ le̱ maleṅ, ni eſaṅ ehe hũ; edšake̱ dšee gbomo dšile̱ ní eeſa ehe! [103]

³⁰Ke̱ke̱ ni ekē̱: Mife eša; ši kẽle̱ wo mihĩe nyam ye̱ mimaṅ onukpai le̱ ke̱ Israel hĩe, ni oke̱mi akũ se̱ ke̱-ya, ni mayadšá Iehowa, o-Nyoṅmo̱ le̱!

³¹Ke̱ke̱ ni Samuel kũ ese̱ ke̱-nyie Saul se̱; ni Saul yadšá Iehowa.

³²Ni Samuel kē̱: Nyeke̱ Agag, Amalekbii amaṅtše̱ le̱, abaä miṅõ! Ni Agag ba eṅõ ke̱ mīše̱. Ni Agag kē̱: Le̱le̱ṅ, ake̱ gbĕle dšōmo̱ le̱ efoṅ ke̱-te!

³³Ni Samuel kē̱: Bo̱ni oklante ehã yei etšṍmo̱ mei ní be̱ bii le̱, nakai onye hũ aatšṍ moni be̱ bi ye̱ yei ateṅ! Ni Samuel flo̱ Agag mli dukuduku ye̱ Iehowa hĩe ye̱ Gilgal.

³⁴Ke̱ke̱ ni Samuel yiṅ ke̱-te Rama; ni Saul hũ yiṅ ke̱-te ewe ye̱ Saul Gibea.

³⁵Ni Samuel baa ebanaa Saul doṅṅ ke̱-yaši egbĕle gbĩ no̱; edšake̱ Samuel ye ṅko̱mo̱ ye̱ Saul hewo̱, ni Iehowa ſa ehe ake̱ ewo Saul maṅtše̱ ye̱ Israel no̱.