Read luganda 1 Samuel 17 Bible Online

1 Samuel 17 - luganda bible

1 Samuel 17

¹Agbe̱ne̱ Filistibii le̱ bua ame̱tai le̱ anā ke̱-kpe ni ame̱bawu, ni ame̱nā bakpe ši ye̱ Soko ni dši Iuda nõ le̱, ni ame̱babo̱ nsra ye̱ Soko ke̱ Azeka teṅ ye̱ Efes-Damim.

²Ni Saul ke̱ Israel hĩĩ le̱ hũ babua ame̱he nā ke̱-kpe, ni ame̱babo̱ nsra ye̱ Ela dšō̱ le̱ṅ, ni ame̱gbá ame̱wo Filistibii le̱.

³Ni Filistibii le̱ dſere goṅ le̱ ekome hĩeši, ni Israelbii le̱ hũ dſere goṅ le̱ ekome hĩeši, ní dšō̱ kã ame̱teṅ.

⁴Ke̱ke̱ ni nũ tatše̱lo̱ ko dše̱ Filistibii le̱ ansra le̱ mli edše kpo, atšé̱o̱ egbe̱i ake̱ Goliat, ni edše̱ *Gat, ni eke̱le̱ dši ninetalo̱i ekpa ke̱ klakate kome. [113]

⁵Ni ebu akō̱ble fai, ni ewo akō̱ble dama, ni edama le̱ tšīmo̱ dši akō̱ble šekeli akpei-enumo̱,

⁶ni ewo akō̱ble tſakoto ye̱ enãdši ke̱ akō̱ble tše̱ṅ ye̱ ekõdši ateṅ;

⁷ni ekplo̱ nā tšo tamo̱ mamalòlo̱ agbatšo, ni ekplo̱ le̱ yitšo ṅmẽo̱ dade šekeli ohai-ekpa; ni etše̱ṅhĩelo̱ nyie ehĩe.

⁸Ni ebaho edamo̱ ši, ni ebo etšé̱ Israel tabilo̱i le̱ ni ekē̱ame̱ ake̱: Mẽba nyedše kpo nyebagbá ta ne̱? Ani mi le̱, dšee Filistinyo dšimi, ni nye hũ Saul tšũdši dšinye? Nyefāa nŭ kome nyehãa nyehe, ni ekpleke ši ke̱-ba miṅõ!

⁹Ke̱dši euyẽ eke̱mi wu ni egbemi le̱, no le̱ wo̱o̱tšṍmo̱ nyetšũdši; ši ke̱dši mi hũ minyẽle̱ ni migbele̱ le̱, no le̱ nye hũ nyeatšṍmo̱ wo̱tšũdši, ni nyesúmo̱wo̱!

¹⁰Ni Filistinyo le̱ kē̱: Mi le̱ *mībo̱ Israel tabilo̱i le̱ ahora ṅme̱ne̱: nyedšiea nū kome nyehãami, koni wo̱wu! [114]

¹¹Ši beni Saul ke̱ Israel mū le̱ fẽ nu nakai wiemo̱i le̱ ni Filistinyo le̱ wie le̱, ṅmiṅmi mõme̱ame̱ ni ame̱še gbeyei naakpa.

¹²Ši David le̱ *nakai Efratnyo ni dše̱ Betlehem-Iuda ni atšé̱o̱le̱ Išai le̱ bi dšile̱; ni eye̱ bihĩī kpānyo̱; ni Saul yino̱ le̱ nū le̱ egbo̱ ni eye afii pī. [115]

¹³Ni Išai bihĩĩ onukpai etẽ le̱ ke̱ Saul ete ta le̱; ni ebihĩĩī etẽ ni te ta le̱ agbe̱ii dši *Eliab, ekromo̱bi le̱, ke̱ esē̱ho Abinadab le̱ ke̱ Šama moni dši etẽ le̱. [116]

¹⁴Ši David dši ame̱teṅ gbekẽ, ni onukpai etẽ le̱ ke̱ Saul ete;

¹⁵ši David le̱ ké̱ fe le̱ edše̱o̱ Saul ṅõ le̱ eyaä ni eyakwe̱o̱ etše̱ tōi le̱ ye̱ Betlehem.

¹⁶Ši Filistinyo le̱ tšio̱ be̱ṅke̱o̱ dā lebi ke̱ gbe̱ke̱, ni ebadamoo̱ ši, ni nakai ehĩe gbĩĩ nyoṅmai-edſe̱ so̱ṅṅ.

¹⁷Ke̱ke̱ ni Išai kē̱ ebi David le̱ ake̱: Nõ mãmu efa kome ne̱ ke̱ abolo akwā-bo̱i nyoṅma ne̱, ni oša foi oya nsra le̱ṅ oke̱-yahã onyemimei le̱.

¹⁸Ni oṅõ kēsui klatai nyoṅma ne̱ ohã akpetše̱ le̱, ni okwe̱ bo̱ni onyemimei le̱ yo̱, ni oke̱ ame̱he okadi ko aba.

¹⁹No mli le̱ Saul ke̱ ame̱ ke̱ Israel hĩĩ le̱ fẽ ye̱ Ela dšō̱ le̱ṅ, ame̱ke̱ Filistibii le̱ mīwu.

²⁰Ni David te ši lebi mā̃ṅkpa, ni etu tōi le̱ ewo no̱kwe̱lo̱ le̱ deṅ, ni ewó nii le̱ ni eṅō-ſie no̱ take̱ bo̱ni Išai fã́le̱ le̱, ni ebaše̱ ſīlii anābuame̱ he le̱; ši tabilo̱i le̱ edše kpo ame̱mībo̱ oše ke̱-ya ta le̱ nā.

²¹Ši Israel ke̱ Filistibii le̱ fẽ egbá, ta mīkwe̱ ta hĩe.

²²Ke̱ke̱ ni David šī edšatsu le̱ ehã moni kwe̱o̱ dšatšui le̱ ano̱ le̱, ni eša foi ke̱-te ta le̱ṅ, ni eyaṅã enyemimei le̱.

²³Ni beni eke̱ame̱ wieo̱ lolo le̱, na, tatše̱lo̱ le̱ ní atšē̱o̱ egbe̱i ake̱ Goliat ní dši Filistinyo ní dše̱ Gat le̱, fã ke̱-dše̱ Filistibii le̱ ata le̱ mli ke̱-ba, ni ebawie nakai wiemo̱i le̱ noṅṅ, ni David nu.

²⁴Ši beni Israel hĩĩ le̱ na nū le̱, ame̱fẽ ame̱dšo foi ye̱ ehĩe, ni ame̱še gbeyei naakpa.

²⁵Ni Israelbii le̱ ateṅ moko kē̱ ake̱: Nto nyemīna nū ni baã ne̱? Israel ahorabō̱ kẽ ebaä ne̱, ni aaba mli ake̱ moni aagbele̱ le̱, maṅtše̱ aafele̱ niiatše̱ agbo, ni eeṅõ ebiyō ehäle̱ gblã, ni eehã etše̱ we le̱ aye ame̱he ye̱ Israel!

²⁶Ke̱ke̱ ni David kē̱ hĩĩ le̱ ní eke̱-damo̱ ši le̱ ake̱: Meni aafe ahã moni aagbe Filistinyo ne̱, níi eedšie ahorabō̱ ne̱ ye̱ Israel no̱ le̱? Edšake̱ namo po dši ne̱ke̱ Filistinyo fõlo̱ ne̱, ni ebo̱ö̱ Nyoṅmo̱ hĩekãlo̱ le̱ tai le̱ ahora ne̱?

²⁷Ni mei le̱ herele̱ no̱ nakai noṅṅ ake̱: Ne̱ke̱ ke̱ ne̱ke̱ abafe ahã moni aagbele̱ le̱.

²⁸Ši enyemi nukpa Eliab nu beni eke̱ hĩĩ le̱ wieo̱ le̱; ni Eliab mli wo David la ni ekē̱: Mẽba oba bie̱? ni namo ošī tōi fiō ní yo̱ ṅã le̱ no̱ le̱ ohã? Mi le̱ mile olahō ke̱ otšuiṅ nifõdšianii le̱ momo, ake̱ ta le̱ kwe̱mo̱ hewo̱ kẽ oba ne̱!

²⁹Ni David kē̱: Meni mife? Ani ene̱ dšee sane ní he dšraä?

³⁰Ni etšṍ ehe ke̱-dše̱ emase̱i ehã mokroko, ni ewie bo̱ni ewie le̱ noṅṅ. Ni mei le̱ to he hãle̱ ekoṅ tamo̱ bo̱ni ame̱-kē̱le̱ tšutšu le̱.

³¹Ni beni anu David wiemo̱i ni ewie le̱, ayatšĩ tã atšõ Saul, ni etšũ ayaṅõle̱.

³²Ni David kē̱ Saul ake̱: Mokomoko tšuĩ akafã ye̱ ehewo̱: otšũlo̱ aate eke̱ ne̱ke̱ Filistinyo ne̱ ayawu.

³³Ni Saul kē̱ David ake̱: Onyẽṅ oke̱ ne̱ke̱ Filistinyo ne̱ ayakpe ni oke̱le̱ awu; edšake̱ bo le̱ gbekẽ dšio, ni le̱ le̱ nū tawulo̱ dšile̱ ke̱-dše̱ egbekẽbiiasi.

³⁴Ni David kē̱ Saul ake̱: Otšũlo̱ kwe̱o̱ etše̱ tōi, ni ké̱ dšata lo ošišibriši ba bamõ tōbi ko ke̱-dše̱ tōi le̱ ateṅ le̱,

³⁵midšeo̱ kpo miyatiuo̱le̱, ni mitſaäle̱ nõ, ni midšieo̱le̱ ye̱ edãṅ; ni ké̱ ete ši ewomi le̱, mimõ etšëṅ, ni mĩtſiaäle̱ nii, ni migbeo̱le̱.

³⁶Dšata ke̱ ošĩšĩbriši po le̱ otšũlo̱ egbe, ni ne̱ke̱ Filistinyo fõlo̱ ne̱ aatšṍ tamo̱ ame̱teṅ mokome, ake̱ nõ kẽ ní ebo̱ö̱ Nyoṅmo̱ hĩekãlo̱ le̱ tai le̱ ahora ne̱!

³⁷Ni David sā kē̱: Iehowa, moni dšiemi ke̱-dše̱ dšata ke̱ ošišibriši le̱ deṅ le̱, le̱ eedšiemi ke̱-adše̱ Filistinyo ne̱ deṅ! Ke̱ke̱ ni Saul kē̱ David ake̱: Ya, ni Iehowa ke̱o aya!

³⁸Ni Saul ke̱ etadei wo David, ni eṅõ akō̱ble fai ebule̱, ni esā eṅõ dama ewole̱.

³⁹Ni David ṅmõ eklante le̱ ye̱ etade le̱ no̱, ni eka nyiemo̱; edšake̱ ekako ekwe̱ko dã. Ni David kē̱ Saul ake̱: Minyẽṅ mike̱ ene̱mei aya, edšake̱ mikako mikwe̱ko dã! Ni David dšie ye̱ ehe.

⁴⁰Ni eko̱ *edẽhĩeme̱tšo le̱ ehĩe, ni eyahala fo̱bite̱i enumo̱ ye̱ fā le̱ṅ, ni eṅõ-wo etōkwe̱lo̱i akotoku ni ehĩe le̱ mli, ni eke̱ ekromia le̱ ehĩe edẽ, ni etši ebe̱ṅke̱ Filistinyo le̱. [117]

⁴¹Ni Filistinyo le̱ nyie ke̱-mība, ni ebabe̱ṅke̱ David; ni etše̱ṅhĩelo̱ le̱ nyie ehĩe.

⁴²Ni beni Filistinyo le̱ fõ ehĩe ni ena David le̱, ebuule̱; edšake̱ gbekẽ dši-le̱, *ni etšuo̱õ ke̱ ehĩe fe̱o. [118]

⁴³Ni Filistinyo le̱ kē̱ David ake̱: Ani gbṍ dšimĩ ni obaä mino̱ ke̱ tšo lo? Ni Filistinyo le̱ tšé̱ enyoṅmo̱ eke̱-lomo̱ David.

⁴⁴Ni Filistinyo le̱ kē̱ David ake̱: Ba miṅõ, ni maṅō *ohelo mahã ṅwei lofõdši ke̱ ṅãṅ koloi! [119]

⁴⁵Ke̱ke̱ ni David kē̱ Filistinyo le̱ ake̱: Bo le̱ ōba miṅõ ke̱ klante ke̱ akplo̱ ke̱ tše̱ṅ; ši mi le̱ miba oṅõ ye̱ Iehowa Zabaot ni dši Israel tai ní obo̱ö̱ame̱ ahora le̱ a-Nyoṅmo̱ le̱ gbe̱i amli!

⁴⁶Ṅme̱ne̱ gbĩ ne̱ Iehowa aadšieo awo mideṅ, ní magbeo, ni mafo oyi, ni maṅõ Filistibii ata le̱ mli gbohĩĩ le̱ mahã ṅwei lofõdši ke̱ šikpoṅ le̱ no̱ koloi awuyelo̱i ṅme̱ne̱, koni šikpoṅ mū le̱ fẽ aana ale ake̱ Nyoṅmo̱ ko ye̱ Israel,

⁴⁷ni asafo ní ekpe ne̱ fẽ aaná ale ake̱ dšee klante lo akplo̱ Iehowa ke̱-hereo̱ mo yiwala; edšake̱ Iehowa nõ dši ta le̱, ni eeṅõnye ewo wo̱deṅ!

⁴⁸Ni eba mli ake̱, beni Filistinyo le̱ te ši ni enyie ke̱-baä eke̱ David abakpe le̱, David he fe oyá, ni eša foi eke̱ Filistinyo le̱ yakpe ye̱ tagbámo̱he le̱.

⁴⁹Ni David ke̱ enine wo ekotoku le̱ mli ni eko̱ te̱ ye̱ mli, ni efõ akromia le̱, ni etſa Filistinyo le̱ hĩenā, ni te̱ le̱ bote ehĩeṅtšoṅ, ni egbē ši ni ehĩe yabu ši.

⁵⁰Ni David ke̱ akromia ke̱ te̱ le̱ ye Filistinyo le̱ no̱ kũnim, ni etſa Filistinyo le̱ nõ ni egbele̱, tše̱ David ehĩee klante ko.

⁵¹Ke̱ke̱ ni David ša foi, ni eyaho edamo̱ Filistinyo le̱ no̱, ni emõ eklante le̱ egbla ke̱-dše̱ ehebo le̱ mli, ni egbele̱, ni eṅõ-fo eyi. Ni beni Filistibii le̱ na ake̱ ame̱tatše̱lo̱ le̱ egbo le̱, ame̱dšo foi.

⁵²Ke̱ke̱ ni Israel ke̱ Iuda hĩĩ le̱ te ši, ni ame̱bo̱ oše, ni ame̱yanyie Filistibii le̱ ase̱ ke̱-yaši dšō̱ le̱ mli ke̱ Ekron agbói le̱ anā. Ni Filistibii le̱ apilafoi le̱ nyõnyõi ye̱ Šaaraim gbe̱ le̱ no̱ āhū ke̱-yaſie Gat ke̱ Ekron tō̃.

⁵³Ni Israelbii le̱ kũ ame̱se̱ ke̱-dše̱ Filistibii le̱ ase̱nyiemo̱ le̱ mli, ni ame̱-baha ame̱nsrai le̱ amli nii.

⁵⁴Si David ko̱ Filistinyo le̱ yitšo le̱, ni eke̱-ba Ierusalem; ši etawūnii le̱ eke̱-yato ebū le̱ṅ.

⁵⁵Ši beni Saul na David yaā eke̱ Filistinyo le̱ ayakpe le̱, ekē̱ tatše̱ *Abner ake̱: Namo bi dši ne̱ke̱ oblanyo ne̱, Abner? Ni Abner kē̱: Gbĩĩabo̱ ni osusuma hĩe kā ne̱, maṅtše̱, milee! [120]

⁵⁶Ni maṅtše̱ le̱ kē̱: Bo le̱ bi mo bi ni dši oblanyo le̱.

⁵⁷Ni beni David eyagbe Filistinyo le̱ ni ekũ ese̱ eba le̱, Abner ṅõle̱, ni eke̱le̱ ba Saul hĩe, ni ehĩe Filistinyo le̱ yitšo le̱ ye̱ edẽ.

⁵⁸Ni Saul kē̱le̱ ake̱: Namo bi dšio, oblanyo? Ni David kē̱: Otšũlo̱ Išai, Betlehemnyo le̱, bi dšimi.