Read luganda 1 Samuel 18 Bible Online

1 Samuel 18 - luganda bible

1 Samuel 18

¹Ni eba mli ake̱, beni eke̱ Saul ewie egbe nā le̱, Ionatan tšui mõ David, ni Ionatan sumo̱le̱ tamo̱ le̱dientše̱ ehe.

²Ni Saul hũ *ṅõle̱ nakai gbĩ le̱ noṅṅ, ni ekplẽẽ ni ekũ ese̱ ke̱-ya etše̱ we le̱ doṅṅ. [121]

³Ni *Ionatan ke̱ David kpãṅ, edšake̱ ēsumo̱le̱ tamo̱ le̱dientše̱ ehe noṅṅ. [122]

⁴Ni Ionatan dšie ebò ní yo̱ ehe le̱, ni eṅõ-hã David, ke̱ etadei le̱ āhũ ke̱-mõ eklante le̱ ke̱ egai le̱ ke̱ emlifĩnō le̱ fẽ.

⁵Ni David yaã heſẽhe ni Saul tšũo̱le̱ le̱, ni *eyayeo̱ omanye; ni Saul ṅõle̱ to hĩĩ tawulo̱i le̱ ano̱, ni esa maṅ mŭ le̱ fẽ ke̱ Saul tšũdši le̱ hũ ahĩe. [123]

⁶Ši eba mli ake̱, beni David kũ ese̱ ke̱-dše̱ Filistinyo le̱ gbẽ mli ni ame̱baä le̱, *yei le̱ dše̱ Israel madši le̱ fē mli ba ke̱ lala ke̱ dšõ̀, ni ame̱bakpe maṅtše̱ Saul ke̱ midši ke̱ nyã́mo ke̱ ṅoṅoi. [124]

⁷Ni yei le̱ ní ſe̱o̱ le̱ woo̱ lala ni ame̱herehereo̱ no̱ ake̱: Saul egbe ekpei-kpei le̱, ši *David egbe ekpei-nyoṅma-nyoṅmai le̱! [125]

⁸Ni Saul mli wo la naakpa, ni wiemo̱ ne̱ eṅõõ enā, ni ekē̱: Ame̱ṅõ akpei-nyoṅma-nyoṅmai ame̱ba David, ši mi le̱, ame̱ṅõ akpei-kpei ame̱hãmi: ni meni eſe̱le̱ doṅṅ ake̱ dša maṅtše̱yeli le̱!

⁹Ni ke̱-dše̱ nakai gbĩ le̱ no̱ ke̱-yaä le̱ Saul dšie ehĩe eka David.

¹⁰Ni eba mli ake̱ dšetše̱reno̱ le̱ Nyoṅmo̱ hã *mumo̱ fõṅ ko bayi Saul no̱, ni egri ye̱ šĩa le̱; ni David mītſa saṅkũ tamo̱ bo̱ni efeo̱ dāne̱ le̱, ni Saul hĩe ekplo̱ le̱ ye̱ edeṅ. [126]

¹¹Ni Saul *fõ akplo̱ lo̱, ekē̱: Matšu David ke̱-mõ gbogbo le̱! Ni David w̌i ehe šii enyo̱ so̱ṅṅ. [127]

¹²Ni Saul še David gbeyei, edšake̱ Iehowa ke̱le̱ ye̱, ši Saul le̱ edše ese̱.

¹³Nohewo̱ le̱ Saul dšiele̱ ke̱-dše̱ ehe, ni ewole̱ mei akpe no̱ asafoiatše̱; ni enyieo̱ maṅ le̱ hĩe ke̱-yaä ke̱-baä.

¹⁴Ni David *yeo̱ omanye ye̱ egbe̱i fẽ mli, edšake̱ Iehowa ke̱le̱ ye̱. [128]

¹⁵Ni beni Saul na ake̱ eyeo̱ omanye dāne̱ le̱, ešele̱ ko̱kō̱ko̱.

¹⁶Ši Israel ke̱ Iuda fẽ sumoo̱ David, edšake̱ le̱ enyieo̱ ame̱hĩe ke̱-yaä ke̱-baä.

¹⁷Ni Saul kē̱ David ake̱: Na mibiyō nukpa Merab le̱, mike̱le̱ bahão gblã; bo le̱ femo̱ ekã ohãmi ke̱ke̱, ni owu Iehowa tai le̱! Edšake̱ Saul kē̱: Mi le̱ minine akata ehe, ši Filistibii le̱ moṅ anine ágbele̱!

¹⁸Ni David kē̱ Saul ake̱: Namo dši-mi, ni namei dši miwekumei alo mitše̱ weku le̱ ye̱ Israel, ni matšṍ maṅtše̱ šānū?

¹⁹Ši eba mli ake̱, beni še̱ be ni kũle̱ aaṅõ Saul biyō Merab le̱ ahã David le̱, *akele hã Adriel, Meholatnyo le, gblã. [129]

²⁰Ši Saul biyō Mikal le̱ mīsumo̱ David, ni beni atſa Saul adafi le̱, sane le̱ sa ehĩe.

²¹Ni Saul kē̱: Mike̱le̱ aahãle̱, ni etšṍ tšõne ehãle̱, ní Filistibii le̱ anine ágbele̱. Ni Saul kē̱ David ake̱: Ṅme̱ne̱ obatšṍ mĩšānū noni dši šii enyo̱!

²²Ke̱ke̱ ni Saul fã́ etšũdši le̱ ake̱: Nyetšṍa nu šĩši nyeke̱ David awiea ake̱: Na, maṅtše̱ le̱ tšuĩ ye̱ ohe, ni etšũdši le̱ mīsumo̱ osane, nohewo̱ le̱ agbe̱ne̱ tšṍ *maṅtše̱ šānū! [130]

²³Ni Saul tšũdši le̱ wie ne̱ke̱ wiemo̱i ne̱ ame̱wo David toiĩaṅ; ši David kē̱: Ani efeo̱nye ake̱ maṅtše̱ šānū tšṍmo̱ le̱ ſe̱mo̱ sane ni? Ši mi le̱, ohĩafo dšimi, ni abuumi tūtu ko.

²⁴Ni Saul tšũdši le̱ yakē̱le̱ ekoṅ ake̱: Bo̱ni David kē̱ ne̱.

²⁵Ni Saul kē̱: Nyekē̱a David ne̱ke̱: Maṅtše̱ taoo w̌ē̱nii ko, ake̱ dša Filisti-bii le̱ afõnālõi oha ke̱ke̱, koni ake̱-to maṅtše̱ he owele ye̱ ehenye̱lo̱i le̱ ano̱. Ši Saul susu ake̱ eke̱-ahā enyõ ye̱ Filĩsti-bii le̱ anine nā.

²⁶Ni beni etšũdši le̱ yakē̱ David ne̱ke̱ wiemo̱i ne̱, eṅṍ David nā ake̱ eke̱ ene̱ aatšṍ maṅtše̱ šānū; ni gbĩĩ le̱ še̱ko.

²⁷Ni David te ši ni eyiṅ ete, le̱ ke̱ ewebii le̱, ni eyagbe Filistibii le̱ ateṅ hĩĩ ohai-enyo̱. Ni David ke̱ ame̱fōnālōi le̱ ba, ni akane ahã maṅtše̱ le̱ pe̱pē̱pe̱, koni etšṍ maṅtše̱ le̱ šānū. Ni Saul ṅõ ebiyō Mikal ehãle̱ gblã.

²⁸Ni Saul na ni ekpá ši ake̱ Iehowa ke̱ David ye̱, ni ake̱ Saul biyō Mikal le̱ mīsumo̱le̱.

²⁹Ni Saul sā *še David gbeyei babaō fè tšutšu le̱, ni Saul tšṍ David henye̱lo̱ egbĩĩ le̱ fẽ. [131]

³⁰Ni Filistibii le̱ alumei le̱ dšeo̱ kpo baã; ni ebaä mli ake̱ befẽbe ni ame̱fã ta le̱, David yeo̱ omanye fē Saul tšũdši le̱ fẽ, ni egbe̱i hehe naakpa.