Read luganda 1 Samuel 20 Bible Online

1 Samuel 20 - luganda bible

1 Samuel 20

¹Ni David dšo foi ke̱-dše̱ Naiot ye̱ Rama, ni eba ni ebakē̱ ye̱ Ionatan hĩe ake̱: Meni mife? meni dši mitõmo̱? ni meni eša po mife otše̱ hewo̱ ni etaoo̱mi egbe ne̱?

²Ni ekē̱le̱ ake̱: Dabida! ogboṅ! na, mitše̱ efee noko wulu lo noko bibiō, ake̱ dša ewó mitoi no̱ dã; ni mẽhewo̱ mitše̱ aaṅõ sane ne̱ atēmi? Ebe̱ṅ!

³Ni David sã kã kitã ni ekē̱: Le otše̱ le ake̱ mihĩe eba nyam ye̱ ohĩe hewo̱ ni ekē̱: Ionatan akale ene̱, ni mībado̱le̱; ši kẽle̱, gbĩĩabo̱ ni Iehowa hĩe kã ní bo hũ osusuma hĩe kã ne̱, ye̱ṅ ake̱ nanefã kome pe̱ kã mike̱ gbĕle teṅ!

⁴Ke̱ke̱ ni Ionatan kē̱ David ake̱: Nofẽno ní osusuma taoo̱ le̱, kē̱mo̱, ni mafe mahāo!

⁵Ni David kē̱ Ionatan ake̱: Na, wó̱ le̱ nyõṅ hē badše, ni kũle̱ sa ake̱ mike̱ maṅtše̱ ayatá ši aye nii; ši hã maya, koni mayatē mihe ye̱ ṅã le̱ mli ke̱-yaši gbĩ ní dši gbĩ etẽ le̱ gbe̱ke̱.

⁶Ke̱dši otše̱ ná bi miši le̱, no le̱ kē̱mo̱ ake̱: David bimi gbe̱ kpẽkpē̃kpẽ ake̱ ēša foi ke̱-ya Betlehem, emã le̱ṅ; edšake̱ āšã afi afo̱le ye̱ dše̱i ahã weku le̱ fẽ.

⁷Ke̱dši ekē̱ ne̱ke̱ ake̱: Odšogbāṅ! le̱, bēle̱ otšũlo̱ baná hedšo̱le̱; ši ke̱dši emli fũ le̱, ná ole ake̱ emã efõṅ no̱ mĩ́ ye̱ emli.

⁸Nohewo̱ le̱ agbe̱ne̱ femo̱ otšũlo̱ edšũrõ; edšake̱ oke̱ otšũlo̱ *ekpãṅ Iehowa kpãṅmo̱! Ši ke̱dši efõṅ ko ye̱ mihe le̱, no le̱ bodientše̱ gbemi; ši mẽhewe̱ ookplami oyahã otše̱? [137]

⁹Ši Ionatan kē̱: Ene̱ akagbaleo fō̃ṅfõ! Ke̱dši male šrao ake̱ mĩtše̱ emã efõṅ no̱ mĩ́ yo̱ ohe le̱, ani mikē̱ṅo?

¹⁰Ke̱ke̱ ni David kē̱ Ionatan ake̱: Ké̱ aleenō otše̱ aṅmẽo nāša ko le̱, namo po aabakē̱mi?

¹¹Ni Ionatan kē̱ David ake̱: Ba ní wo̱dše kpo wo̱te ṅã le̱ no̱! Ni ame̱yi enyo̱ le̱ fẽ ame̱dše kpo ame̱te ṅã le̱ no̱.

¹²Ni Ionatan kē̱ David ake̱: Iehowa, Israel Nyoṅmo̱ le̱, aaye odase, ké̱ mika mitše̱ mikwe̱ wó̱ lo wó̱se̱ be ne̱ yino̱ pe̱pē̱pe̱, ni mina ake̱ ekpakpa ko ye̱ hã David, ni mitšũũ abaa oṅõ abawóó otoi no̱ le̱:

¹³no le̱ Iehowa afe Ionatan ne̱ke̱ ke̱ ne̱ke̱! Ši ke̱dši mitše̱ mīsumo̱ ake̱ efeo efõṅ le̱, mabawó otoi no̱, ni madšieo gbe̱ ni oya ye̱ hedšo̱le̱ mli, ni Iehowa ke̱o ahĩ ši take̱ bo̱ni eke̱ mitše̱ hĩ ši le̱.

¹⁴Ni dšee gbĩĩ abo̱ ni mihĩe kã lolo ne̱ ke̱ke̱, ni ofemi Iehowa edšũrõ ní mikagbo,

¹⁵ši asaṅ kāhã omlihĩle̱ le̱ se̱ mīfo ye̱ miwe le̱ no̱ gbĩkogbĩko; dabi, be mli ni Iehowa aaflo̱ David henye̱lo̱i le̱ ateṅ mofẽmo ke̱-dše̱ šikpoṅ le̱ no̱ eſie le̱ tete, kāhã ese̱ mīfo.

¹⁶Ke̱ke̱ ni Ionatan ke̱ David we le̱ kpãṅ ni ekē̱: Iehowa aawo David henye̱lo̱i le̱ anyõmo̱!

¹⁷Ni Ionatan sā hã David kã kitã ekoṅ ye̱ *esuome̱ ní eke̱-sumeo̱le̱ le̱ he-wo̱; edšake̱ esumoo̱le̱ take̱ bo̱ni esumoo̱ le̱dientše̱ ehe. [138]

¹⁸Ni Ionatan kē̱le̱ ake̱: Wó̱ le̱ nyõṅ hē badše ni ababi oši, edšake̱ osẽi le̱ no̱ bakã eflo.

¹⁹Ni ke̱ oye gbĩĩ etẽ le̱, kplekemo̱ ši mrãmrã ke̱-ba hēgbe̱ ni oyatē ohe ye̱ ye̱ nitšumo̱ gbĩ le̱ no̱ le̱, ni ohĩ Ezel te̱ le̱ mase̱i.

²⁰Ni mi le̱ mibatšẽrẽ gãimlibii etẽ ke̱-ya mase̱igbe̱, tamo̱ noni oti mitſaä.

²¹Ni na, mibatšũ oblanyo le̱ ake̱: Yatao gãimlibii le̱! Ke̱dši mikē̱ oblanyo le̱ ake̱: Na, gãimlibii le̱ ye̱ ose̱gbe̱ ye̱ bie̱ ne̱, kŏ̱lo̱mo̱! le̱, no le̱ ba, edšake̱ hedšo̱le̱ ye̱ hão, ni sane ko be̱, gbĩĩabo̱ ní Iehowa hĩe kã le̱!

²²Ši ke̱dši mikē̱ gbekẽ le̱ ne̱ke̱ ake̱: Na, gãimlibii le̱ etekeo! le̱, no le̱ ya, edšake̱ Iehowa edšieo gbe̱.

²³Ši wiemo̱ ni mike̱o wie ne̱, na, Iehowa afe mike̱o teṅ odase ke̱-ya nāno̱!

²⁴Ke̱ko̱ ni David yatē ye̱ ṅã le̱ no̱. Ni eba mli ye̱ nyõṅ hẽ le̱ ne̱ ake̱ maṅtše̱ le̱ ho etá ši ni ebaye nii.

²⁵Ni maṅtše̱ le̱ tá esẽi le̱ no̱ ye̱ hégbe̱ ni etáa dā le̱, ye̱ sẽi ni mã gbogbo he le̱ no̱; ši Ionatan te ši damo̱ ši, ni Abner tá Saul mase̱i, ši David gbe̱he le̱ kã eflo.

²⁶Kẽle̱ Saul ekē̱ē̱ nokonoko nakai gbĩ le̱; edšake̱ esusu ake̱: Bene̱ noko efele̱, ni ehe tšee, le̱le̱ṅ ake̱ ehe tšee ši. [139]

²⁷Ni eba mli ake̱ dšetše̱reno̱ ni dši nyõṅ hẽ le̱ no̱ gbĩ ní dši gbĩ enyo̱ le̱, David gbe̱he le̱ kã eflo ekoṅ, ni Saul kē̱ ebi Ionatan ake̱: Mẽhewo̱ ni Išai bi le̱ baa niyeli nyè ke̱ ṅme̱ne̱ fẽ ne̱?

²⁸Ni Ionatan here Saul no̱ ni ekē̱: David bimi gbe̱ kpẽkpē̃kpẽ ake̱ eya Betlehem,

²⁹ni ekē̱: Ṅmẽmi gbe̱ ni maya, edšake̱ wo̱weku le̱ mīšã afo̱le ye̱ mā le̱ṅ, ni minyemi le̱ eše̱mi ake̱ miba; nohewo̱ le̱ agbe̱ne̱, ke̱dši mihĩe eba nyam ye̱ ohĩe le̱, hã ni maya ni mayasra minyemimei le̱! Nohewo̱ ni ebaa maṅtše̱ okplõ le̱ he ne̱.

³⁰Ke̱ke̱ ni Saul mli fũ wo Ionatan naakpa, ni ekē̱le̱ ake̱: Bo yō fõṅ ke̱ atũatšelo̱ bi! Ani milee ake̱ oṅō Išai bi le̱ ofe onanyo ni oke̱-wo bodientše̱ ohe ke̱ onye yayaiaṅ hĩegbĕle?

³¹Edšake̱ gbĩĩabo̱ fẽ ni Išai bi le̱ hĩe kã ye̱ šikpoṅ le̱ no̱ le̱, bo ke̱ omaṅtše̱yeli le̱ fẽ damo̱ṅ ši. Nohewo̱ le̱ agbe̱ne̱ tšũ ni ayaṅõle̱ abahãmi; edšake̱ gbĕle bi dšile̱!

³²Ni Ionatan here etše̱ Saul le̱ no̱ ni ekē̱le̱ ake̱: Mẽba aagbele̱? meni efe?

³³Ke̱ke̱ ni Saul *fõle̱ akplo̱ le̱ ni eke̱-gbele̱. Ni Ionatan ke̱-na ake̱ etše̱ emã no̱ mĩ́ ake̱ eegbe David. [140]

³⁴Ni Ionatan ke̱ mlifũ ní nā wa te ši ke̱-dše̱ okplõ le̱ he, ni eyee nii ye̱ nakai nyõṅ le̱ no̱ gbĩ ní dši gbĩ enyo̱ le̱ no̱; edšake̱ David sane mīdo̱le̱, ake̱ etše̱ ewole̱ hĩegbĕle ne̱ke̱.

³⁵Ni eba mli ake̱ dšetše̱reno̱ lebi le̱ Ionatan dše kpo ke̱-te ṅã le̱ no̱ ye̱ be ni eto David le̱ mli, ni eke̱ gbekẽ fiō ko nyie.

³⁶Ni ekē̱ egbekẽ le̱ ake̱: Ša foi ni oyatao gãimlibii le̱ ní mitšẽrẽ le̱! Ni beni gbekẽ le̱ ša foi pe̱ le̱, etšẽ gãimlibi le̱ ke̱-tekele̱.

³⁷Ni beni gbekẽ le̱ yaše̱ heni gãimlibi ní Ionatan tšẽ le̱ yo̱ le̱, Ionatan blo̱ gbekẽ le̱ yise̱ ni ekē̱: Ani dšee gãimlibi le̱ etekeo le̱ lo?

³⁸Ni Ionatan sā blo̱ gbekẽ le̱ yise̱ ekē̱: Femo̱ mrãmrã, ohe afe oyá, kadamo̱ ši! Ni Ionatan gbekẽ le̱ kŏ̱lo̱ gãimlibii le̱ ni eke̱-ba enuntše̱ le̱ ṅõ.

³⁹Ši gbekẽ le̱ lee mli eko, Ionatan ke̱ David ke̱ke̱ le sane le̱.

⁴⁰Ke̱ke̱ ni Ionatan ṅõ enibii le̱ ehã egbekẽ le̱, ni ekē̱le̱ ake̱: Baho, ni oke̱-ya maṅ.

⁴¹Beni oblanyo le̱ ete le̱, David te ši ke̱-dše̱ wuoyigbe̱ le̱, ni eke̱ *ehĩe babu ši ni ekoto ši šii etẽ; ni ame̱ſo̱ſō̱ ame̱he nā, ni ame̱fófṍ ame̱ſie ame̱he ne̱ āhũ, ši David nõ teke no̱. [141]

⁴²Ni Ionatan kē̱ David ake̱: Ya ye̱ hedšo̱le̱ mli! gbĩĩabo̱ kẽ ni wo̱yi enyo̱ le̱ fẽ wo̱kãmo̱ kitã ye̱ Iehowa gbe̱i ano̱ ake̱: Iehowa afe mike̱o ke̱ miseši ke̱ bo hũ oseši teṅ odase ke̱-ya nãno̱ le̱!