Read luganda 1 Samuel 3 Bible Online

1 Samuel 3 - luganda bible

1 Samuel 3

¹Ni gbekẽ Samuel le̱ súmoo̱ Iehowa ye̱ Eli hĩe. Ni nakai gbĩĩ le̱ amli le̱ Iehowa dāṅ wiemo̱ *he ekaa; niinā faṅṅ ko be̱. [25]

²Ni eba mli ye̱ nakai be le̱ mli ake̱ Eli yakã ši ye̱ ewō̱he le̱; no mli le̱ ehĩṅme̱ii ano̱ ebõi hã, ni enaa nii dšogbāṅ;

³ni Nyoṅmo̱ kane le̱ náko agbo, ni Samuel te eyakā ši ye̱ Iehowa so̱lemo̱tšũ le̱ṅ heni Nyoṅmo̱ adeka le̱ yo̱ le̱.

⁴Ni Iehowa tšé̱ Samuel, ni ehere no̱ ekē̱: Nami!

⁵Ni eša foi ke̱-te Eli ṅõ ni ekē̱: Nami, edšake̱ ōtšé̱mi! Ni ekē̱: Mitšé̱koö, kù ose̱ ni oyakã ši ekoṅ! Ni ekũ ese̱ eyakā ši.

⁶Ni Iehowa sā tšé̱le̱ ekoṅ ake̱: Samuel! Ni Samuel te ši ni eyiṅ ete Eli ṅõ ni ekē̱: Nami, edšake̱ ōtšé̱mi! Ni ekē̱: Mitšé̱koö, mibi; kù ose̱ ni oyakã ši ekoṅ.

⁷No mli le̱ Samuel náko ale Iehowa, ni asaṅ anáko adšie Iehowa wiemo̱ le̱ kpo atšõle̱.

⁸Ni Iehowa sā tšé̱ Samuel noni tĩa šii etẽ. Ni ete ši ni eyiṅ ete Eli ṅõ ni ekē̱: Nami, edšake̱ ōtšé̱mi! Ke̱ke̱ ni Eli bayo se̱ ake̱ Iehowa ni tšé̱o̱ gbekẽ le̱.

⁹Nohewo̱ le̱ Eli kē̱ Samuel ake̱: Yakã ši, ni aaba mli ake̱, ke̱dši etšé̱o le̱, okē̱ ake̱: Wiemo̱, Iehowa! ši otšũlo̱ mībo toi! Ni Samuel te eyakã ši ye̱ ewō̱he le̱.

¹⁰Ke̱ke̱ ni Iehowa ba ni ebadamo̱ ši, ni etšé̱le̱ tamo̱ tšutšu le̱ ake̱: Samuel, Samuel! Ni Samuel kē̱: Wiemo̱, ši otšũlo̱ mībo toi!

¹¹Ni Iehowa kē̱ Samuel ake̱: Na, mibafe noko ye̱ Israel pam, ni mofẽmo ní aanu he le̱, etoii enyo̱ le̱ fẽ mli aafele̱ heṅṅ.

¹²Nakai gbĩ le̱ mahã nibii fẽ ní miwie ye̱ Eli we le̱ he le̱ aba mli, ke̱-dše̱ šišidšē ke̱-yaši nāgbē.

¹³Edšake̱ mikē̱le̱ ake̱ makodšo ewe le̱ ke̱-ate nāno̱, ye̱ nōša ní ele le̱ hewo̱, edšake̱ ebihĩĩ le̱ edše ame̱he yakagbomei, ni etutuu ehĩe ewooame̱. [26]

¹⁴Ni nohewo̱ le̱ mikã Eli we le̱ yino̱ kitã ake̱: Ke̱dši ake̱ gbē-afo̱le lo niyenii-afo̱le ko aakpãtã ahā Eli we le̱ nõša le̱ ke̱-yaši nāno̱ fĩ!

¹⁵Ni Samuel ho kã ši ke̱-yaši lebi, ni egble Iehowa we le̱ sĩnāi le̱. Ni Samuel mīše gbeyei ake̱ eedšadše ninã le̱ etšõ Eli.

¹⁶Ni Eli tšē̱ Samuel ni ekē̱: Samuel, mibi! Ni ekē̱: Nami!

¹⁷Ni ekē̱: Mẽ wiemo̱ Iehowa ke̱o wie le̱? Kāšiumĩ no̱; ke̱dši ošiumi wiemo̱i fẽ ni eke̱o wie le̱ eko no̱ le̱, Nānyoṅmo̱ afeo ne̱ke̱ ke̱ ne̱ke̱!

¹⁸Ke̱ke̱ ni Samuel dšadše wiemo̱i le̱ fẽ etšõle̱, ni ešiuule̱ eko no̱. Ni ekē̱: Iehowa ni; *noni hĩ ye̱ ehĩe le̱, efe! [27]

¹⁹Ni Samuel bada, ni Iehowa ke̱le̱ ye̱, ni ehã ewiemo̱i le̱ ekomeflo afe yaka.

²⁰Ni Israel fẽ ní dše̱ Dan āhũ ke̱-yaſie Beeršeba le̱ ná le ake̱ Samuel le̱ Iehowa gbalo̱ ano̱kwafo ni.

²¹Ni Iehowa kã he dšieo̱ ehe kpo ye̱ Šilo; edšake̱ Iehowa tšṍo̱ ewiemo̱ le̱ no̱ edšieo̱ ehe kpo etšõo̱ Samuel ye̱ Šilo.