Read luganda 1 Samuel 7 Bible Online

1 Samuel 7 - luganda bible

1 Samuel 7

¹Ni Kiriat-Iearimbii le̱ ba ni ame̱ba-wó Iehowa adeka le̱, ni ame̱ke̱-te Abinadab we le̱ ye̱ goṅkpo̱ le̱ no̱, ni ame̱wo ebi Eleazar oso̱fo, koni eba Iehowa adeka le̱ he.

²Ni eba mli ake̱ adeka le̱ tše̱ ye̱ *Kiriat-Iearim, edšake̱ eye afii nyoṅmai-enyo̱ So̱ṅṅ, ni Israel we le̱ fẽ ye Iehowa he ṅko̱mo̱. [40]

³Ke̱ke̱ ni Samuel kē̱ Israel we le̱ fẽ ake̱: Ke̱dši nyeke̱ nyetšui fẽ mīkũ nyese̱ ke̱-ba Iehowa ṅõ le̱, no le̱ *nyedšiea maṅse̱ nyoṅmo̱i le̱ ke̱ Aštarot le̱ ke̱-dšea nyeteṅ, ni nyesãa nyetšuii nye-hãa Iehowa, ní nyesúmo̱ale̱ kometō, ni eedšienye ke̱-adše̱ Filistibii le̱ adeṅ. [41]

⁴Ke̱ke̱ ni Israelbii le̱ dšie *Baalim ke̱ Aštarot ame̱ſie, ni ame̱súmo̱ Iehowa kome. [42]

⁵Ni Samuel kē̱: Nyebuaä Israel fẽ nā ye̱ *Mizpa, ni makpa Iehowa fai mahãnye. [43]

⁶Ni ame̱babua ame̱he nã ye̱ Mizpa, ni ame̱ye̱ nu ni ame̱fo̱se ame̱ſie ši ye̱ Iehowa hĩe, ni ame̱ye buada ye̱ nakai gbĩ le̱ no̱, ni ame̱kē̱ ye̱ dše̱i ake̱: Wo̱fe Iehowa šiši eša! Ni Samuel kodšo Israelbii le̱ ye̱ Mizpa.

⁷Ni beni Filistibii le̱ nu ake̱ Israelbii le̱ ebabua ame̱he nã ye̱ Mizpa le̱, Filistibii le̱ alumei le̱ fã ke̱-banina Israel. Ni beni Israelbii le̱ nu he le̱, ame̱še Filistibii le̱ agbeyei.

⁸Ni Israelbii le̱ kē̱ Samuel ake̱: *Kāfõ blo̱mo̱ ke̱ Iehowa, wo̱-Nyoṅmo̱ le̱, tšé̱mo̱ ke̱ wo̱ hãmo̱, koni ehere wo̱yiwala ye̱ Filistibii le̱ adeṅ! [44]

⁹Ni Samuel ṅõ gwanteṅbi ní yeo̱ fufo̱, ni eṅōle̱ ešã šã-afo̱le mū ehã Iehowa; ni Samuel blo̱ tšé̱ Iehowa hã Israel, ni Iehowa herele̱ no̱.

¹⁰Ni beni Samuel šãa šã-afo̱le le̱, Filistibii le̱ tši be̱ṅke̱ ni ame̱ke̱ Israelbii le̱ abawu. Ši Iehowa hã nyoṅmo̱ šimo̱ wā wo Filistibii le̱ ye̱ nakai gbĩ le̱ no̱, ni eſieame̱, ni agbeame̱ ye̱ Israel hĩe.

¹¹Ni Israelbii le̱ fã ke̱-dše Mizpa, ni ame̱nyie Filistibii le̱ ase̱, ni ame̱tſiaame̱ nii āhũ ke̱-yaši Bet-Kar šiši.

¹²Ke̱ke̱ ni Samuel wó te̱ ni eṅõ-mã Mizpa ke̱ Šen teṅ, ni etšē̱ egbe̱i Eben-Ezer, ekē̱: Bie̱ Iehowa eye ebuawo̱ ke̱-baši!

¹³Nakai afe aba Filistibii le̱ aši, ni ame̱baa Israel kpokpai le̱ ano̱ doṅṅ. Ni Samuel yino̱ le̱ fẽ le̱ Iehowa nine kã Filistibii le̱ ano̱.

¹⁴Ni asaṅ mãdšimãdši le̱ ni Filistibii le̱ šõ ye̱ Israel deṅ le̱, akpale ahā Israel ekoṅ ke̱-dše̱ Ekron āhũ ke̱-yaſie Gat, ni ame̱he šikpõdši le̱ hũ Israel šõ ye̱ Filistibii le̱ adeṅ. Ni toiṅdšo̱le̱ ba Israel ke̱ Amorbii le̱ ateṅ.

¹⁵Ni Samuel kodšo Israel ewala gbĩĩ abo̱ fẽ.

¹⁶Ni dã afi le̱ eyakpaã ši ke̱-nyieo̱ Betel ke̱ Gilgal ke̱ Mizpa ni ekodšoo̱ Israel ye̱ dše̱mei fẽ.

¹⁷Ni ekũo̱ ese̱ ke̱-baã Rama, edšake̱ dše̱i ewe yo̱, ni dše̱i noṅṅ ekodšoo̱ Israel ye̱; ni emã afo̱lešãlate̱ ehã Iehowa ye̱ dše̱i.