Read luganda 1 Samuel 8 Bible Online

1 Samuel 8 - luganda bible

1 Samuel 8

¹Ni eba mli ake̱, beni Samuel egbo̱ le̱, ewo ebihĩĩ le̱ kodšole̱i ye̱ Israel no̱.

²Ni ekromo̱bi le̱ gbe̱i dši Ioel, ni ebi ni dši enye̱ le̱ gbe̱i dši Abia; ame̱-dši kodšolo̱i ye̱ Beeršeba. [45]

³Ši ebihĩĩ le̱ enyiee egbè̱i le̱ ano̱, ši moṅ ame̱yadi se̱námo̱ se̱, ni ame̱hehēo̱ nyōṅnii, ni ame̱tšṍo̱ kodšomo̱ hĩe ame̱-buo̱ ši. [46]

⁴Ke̱ke̱ ni Israel onukpai le̱ fẽ bua ame̱he nā, ni ame̱ba Samuel ṅõ ye̱ *Rama, [47]

⁵ni ame̱bakē̱le̱ ake̱: Na, ogbo̱, ni obihĩĩ le̱ enyiee ogbè̱i le̱ ano̱: nohewo̱ le̱ agbene̱ *wo maṅtše̱ ohãwo̱, koni ekodšowo̱ tamo̱ dšeṅmãdšimãdši le̱ fẽ. [48]

⁶Ši sane le̱ eṅõõ Samuel nā, beni ame̱kē̱ ake̱: Hãwo̱ maṅtše̱ ní akodšowo̱ le̱. Ni Samuel so̱le etšé̱ Iehowa.

⁷Ni Iehowa kē̱ Samuel ake̱: Nibii fẽ ní maṅ le̱ kē̱o̱o le̱, bo ame̱gbē toi! Edšake̱ dšee bo ame̱kwa, ši mi moṅ ame̱-kwa, ake̱ mikaye ame̱no̱ maṅtše̱.

⁸Bo̱ pe̱ ní ame̱fe ke̱-dše̱ gbĩ no̱ ni midšĩeame̱ ke̱-dše̱ Mizraim āhũ ke̱-baši ṅme̱ne̱, ni ame̱ṅõ-kwami, ni ame̱yasúmo̱ nyoṅmo̱i krokomei le̱, nakai noṅṅ ame̱-ṅõ-feo̱ bo hũ ne̱.

⁹Nohewo̱ le̱ agbene̱ bo ame̱gbē toi; ši kẽle̱ gba mli kpo ohãame̱, ni otšõame̱ maṅtše̱ ni baye ame̱ne̱ le̱ gbe̱nānii!

¹⁰Ni Samuel dšadše Iehowa wiemo̱i le̱ fẽ etšõ maṅ le̱ ni bio̱le̱ maṅtše̱ le̱.

¹¹Ni ekē̱: Maṅtše̱ ní baye nyeno̱ le̱ gbe̱nā ne̱: Eeṅõ nyebihĩĩ le̱ ehã ehe, ni eeṅõame̱ eto eſīlii ahe ni ame̱kwe̱ ekpo̱ṅo̱i le̱, ni ame̱dšodšō foi ke̱-nyie eſīlii le̱ ahĩe.

¹²Ni eewowōame̱ mei akpekpei ke̱ mei nyoṅmai-enumo̱-enumo̱ no̱ asafoiatše̱mei ehã ebe, ni eehã ame̱hũ ešĩkpoṅ, ni ame̱kpa enibānii le̱, ni ame̱tšu etawūnii ke̱ eſīlii le̱ ahe nii.

¹³Ni nyebiyei le̱ hũ eeṅô-fe tšofã-ke̱-ṅma futulo̱i ke̱ nihōlo̱i ke̱ abološãlo̱i.

¹⁴Ni eeṅõ nyeṅmõdši ke̱ nyeweintromi ke̱ nyemũtromi ní hĩ fè fẽ le̱ ehã etšũdši.

¹⁵Ni nyenidũmo̱nii le̱ ke̱ nyeweintromi amli nii le̱ amlidšāi nyoṅma mli ekomekome le̱ eeṅõ ni eke̱-ahã epiafoi ke̱ etšũ-dši le̱.

¹⁶Ni nyetšũdši ke̱ nyeweyei ke̱ nye-blahĩĩ fe̱fe̱dši ke̱ nyetedšii eeṅõ ni eke̱-atšu enii.

¹⁷Eeṅõ nyetōi le̱ amlidšāi nyoṅma mli ekomekome; ni nyeatšṍmo̱ etšũdši.

¹⁸Ni nakai gbĩ le̱ no̱ le̱ nyeablo̱ ye̱ nyemaṅtše̱ ní nyetao nyehã nyehe le̱ he-wo̱, ni Iehowa efoṅ nyedāṅ!

¹⁹Ši kēle̱ maṅ le̱ ekplẽẽ Samuel toi-bō, ni ame̱kē̱: Dabi! ši dša maṅtše̱ ye wo̱ne̱ kẽ,

²⁰koni we̱ hũ wo̱tamo̱ dšeṅmãdši le̱ fẽ, ní wo̱maṅtše̱ le̱ akodšowo̱, ni efã ke̱-nyie wo̱hĩe, ni ewu wo̱tai le̱!

²¹Ni beni Samuel nu maṅ le̱ wiemo̱i le̱ fẽ le̱, edšadše etšõ Iehowa.

²²Ni Iehowa kē̱ Samuel ake̱: *Bo ame̱gbẽ toi, ni owo maṅtše̱ ohãame̱! Ni Samuel kē̱ Israel hĩĩ le̱ ake̱: Nyeteṅ mo-fẽmo aya le̱dientše̱ emaṅ! [49]