Read Gaddi 1 कुरिन्थियों 11 Bible Online

1 कुरिन्थियों 11 - Gaddi bible

1 कुरिन्थियों 11

¹तुहै मेरै सांईयै चाल चलन रखा जियां अऊँ मसीह सांईयै चाल चलदा।

²हे विस्वासी भाईओ, अऊँ तुसिओ सरांदा कि तुहै मिन्जो याद करदै हिन; अतै जैड़ी शिक्षा मैंई तुसिओ सौंपुरी हिन, तंयारा पालन करदै हिन।

³पर अऊँ चाहन्दा कि तुहै ऐह जाणी लैन कि हरेक मर्द रा सिर मसीह ही हा, अतै जनानी रा सिर मर्द हा, अतै मसीह रा सिर प्रमात्मां हा।

⁴जैडा मर्द सिर घटी करी प्रार्थना या भविष्‍यवाणी करदा हा, ता सो अपणै सिरा रा अर्थात मसीह रा अपमान करदा।

⁵पर जैड़ी जनानी नंगे सिरै प्रार्थना या भविष्‍यवाणी करदी हा ता सो अपणै सिर अर्थात घरावाळै रा अपमान करदी हा अतै सो गंजी भूणै रै बराबर हा।

⁶अगर जनानी दुप्पटा ना ला ता बाळा भी कटाई लेय्आ; अगर जनानी तांयें बाळ कटणा या मुण्डन करना शर्मा री गल्ल हा ता दुप्पटा लगा।

⁷हा, मर्दा जो सिर घटना जरूरी निय्आ, क्ओकि सो प्रमात्मैं रा स्वरूप अतै महिमा हा; पर जनानी मर्दा री महिमा हा।

⁸क्ओकि मर्दा री रचना जनानी थऊँ ना भच्छुरी, पर जनानी री रचना मर्दा थऊँ भच्छुरी हा,

⁹अतै मर्द जनानी तांयें ना बणाऊरा, पर जनानी मर्दा तांयें बणाऊरी हा।

¹⁰ठेरैतांये अक्क जनानी जो अपणै सिरा जो घटना जरूरी हा जैत थऊँ पता लगदा कि सो अधिकार रै अधीन हा क्ओकि स्वर्गदूत हेरू करदै हिन।

¹¹तांभी प्रभु मन्ज जनानी जो मर्दा री अतै मर्दा जो जनानी री जरूरत हा।

¹²ऐह सच हा कि पैहली जनानी मर्दा थऊँ बणाई गई, पर तैत थऊँ बाद सबी मर्द जनानी थऊँ पैदा भच्छुरै हिन, पर सब चिजा जो प्रमात्मैं ही बणाऊरा हा।

¹³तुहै अप्पू ही सोचा, कै जनानी जो बिना सिरा जो घटुरै प्रमात्मैं सितै प्रार्थना करना शोभा दिन्दा हा?

¹⁴कै स्वाभाविक रीति सितै भी तुहै ना जाणदै कि अगर मर्द लम्बै बाळ रखा ता तैस तांयें अपमान री गल हा।

¹⁵पर अगर जनानी लम्बै बाळ रखा ता तैहा तांयें शोभा हा, क्ओकि बाळ तैहा जो घटणै तांयें दितुरै हिन।

¹⁶पर अगर कोई ठेरै बारै मन्ज विवाद करना चाह, ता ऐह जाणी लेय्आ कि इन्दी अतै प्रमात्मैं री कलीसिया री ऐसी ही रीति हा।

¹⁷जैड़ी गल्ला अऊँ अगो लिखणै बाळा हा तठेरै बारै मन्ज अऊँ तुन्दी तरीफ ना करी सकदा क्ओकि तून्दै इकट्ठै भूणै सितै भलाई ना पर हानि भून्दिआ।

¹⁸मैंई ऐह हुणुरा हा कि जैहणै तुहै कलीसिया मन्ज इकट्ठै भुन्दै हिन ता तूसु मन्ज फूट भुन्दी हा अतै मिन्जो पक्का पता हा कि जैड़ा मैंई हुणुरा हा तैत मन्ज कुछ गल्ला सच हिन।

¹⁹तूसु मन्ज ऐस तरह री फूट भूणा चहिन्दी हा कि पता लगी गच्छा कि कुण प्रमात्मैं री नजरा मन्ज सही हिन।

²⁰जैहणै तुहै अक्क जगह प्रभु-भोज खाणै तांयें इकट्ठै भुन्दै हिन ता तूसु मन्ज तैत तांयै कोई आदर निय्आ।

²¹क्ओकि तूसु मन्ज कई मणु होरी सोगी बड़णै रै बजाय झटफट अपणा-अपणा खाणा खाई लैन्दै हिन, ता ठेरी वजह थऊँ कोई ता भूखा रैहन्दा अतै कोई शराबी भूच्ची गान्दा।

²²कै खाणै-पीणै तांयें तून्दै घर ना हिन? या तुहै प्रमात्मैं री कलीसिया जो तुच्छ जाणदै हिन, या जियां बलै निय्आ तियां जो लज्जित करदै हिन? अऊँ तूसु सोगी कै बल्लू? कै ऐसा गल्ला मन्ज तुन्दी तारीफ करू? ना, अऊँ तारीफ ना करदा।

²³क्ओकि ऐह गल्ल मिन्जो प्रभु थऊँ मुळुरी, अतै मैंई तुसिओ भी पुजाई दितिआ कि प्रभु यीशुऐ जैसा राती सो पकड़ाई गो, तिनी रोटी लेई,

²⁴अतै धन्यवाद करीके तैतिओ त्रोडु अतै बल्लू, “ऐह मेरा शरीर हा, जैडा तूसु तांयें हा मेरी यादा मन्ज ऐह ही करू करा।”

²⁵ऐस ही तरीकै तिनी बियारी रै पिचो थऊँ कटोरा लैऊ अतै बल्लू, “ऐह कटोरा मेरै खूना री नौआ वायदा हा जैहणै भी पिन, ता मेरी यादा तांयें ऐह ही करू करा।”

²⁶क्ओकि जैहणै कदी तुहै ऐह रोटी खान्दै अतै ऐस कटोरै थऊँ पिन्दै हिन, ता प्रभु री मृत्यु जो जैहणै तक सो ना अईआ, प्रचार करदै हिन।

²⁷ठेरैतांये जैडा अनुचित रीति सितै प्रभु री रोटी खा या तसेरै कटोरै थऊँ पिय्आ, तैस प्रभु रै शरीर अतै खूना रा अपराधी ठहरना।

²⁸ठेरैतांये मणु अपणै आपा जो जाँची लैन अतै ऐस रीति सितै ऐस रोटी मन्ज खान, अतै ऐस कटोरै थऊँ पिन।

²⁹क्ओकि जैड़ै खान्दै-पिन्दै टैमैं प्रभु रै शरीर रा आदर ना करा, सो ऐस खाणै अतै पीणै सितै अपणै ऊपर दण्ड लैईन्दा।

³⁰ऐसा वजह थऊँ तूसु मन्ज बडै सारै कमजोर अतै रोगी हिन, अतै मतै सारै मरी भी गच्छुरै हिन।

³¹अगर अहै अपणै आपा जो जाँचदै ता अहै प्रमात्मैं थऊँ दण्ड ना पान्दै।

³²पर प्रभु असिओ दण्ड दिकरी इन्दी ताड़ना करदा हा, ठेरैतांये कि अहै ऐस संसारा सोगी दोषी ना ठहरन।

³³ठेरैतांये, हे मेरै विस्वासी भाईओ, जैहणै तुहै प्रभु भोज तांयै इकट्ठै भुन्दै ता अक्की दूये तांयें ठहरू करा।

³⁴अगर कोई भूखा भोआ ता अपणै घरा मन्ज खाई लेय्आ, जैत थऊँ तून्दा इकट्ठा भूणा दण्ड री वजह ना भोआ। बाकी गल्ला जो मुँ ईच्ची करी ठीक करना।