Read Gaddi तीतुस 2 Bible Online

तीतुस 2 - Gaddi bible

तीतुस 2

¹पर तीतुस तू विस्वासी जो ऐस तरह शिक्षा दे जैड़ी सच्ची भून।

²बजुर्ग मणु जो सखा कि सो संयमी भून आदर योग्य भून अतै बुद्धिमानी सोगी जिन्दगी बीताणै बाळा भूणा चहिन्दा। तंयारा विस्वास खरा भूणा चहिन्दा अतै प्‍यार अतै धीरज सोगी भरूरै भूणा चहिन्‍दै।

³इन्‍नी साहबै बजुर्ग जनानी जो सखा कि तंयारा चाल-चलन पवित्र मणु सांईयै भोआ, दोष लाणै बाळी अतै पियक्कड़ ना भून पर खरी गल्ला सखाणै बाळी भून।

⁴ताकि सो जवान जनानी जो भी सलाह दी सकन कि सो अपणै घरवाळै अतै बच्चै सोगी प्‍यार रखा।

⁵हरेक जवान जनानी अपणै आपा पुर काबू रखन, पवित्र बणी रैहन, घरा रा कारोबार करनै बाळी, भली अतै अपणै-अपणै घरवाळै रै अधीन रैहणै बाळी भून ताकि प्रमात्मैं रै कम्मा री निन्दा ना भोआ।

⁶इन्‍नी साहबै जवान मर्दा जो भी सखा कि सो भी अपणै आपा पुर काबू रखन।

⁷सबी गल्ला मन्ज अपणै आपा जो भलै कमां जो करनै बाळा आर्दश बणान। जैहणै तुहै प्रमात्मैं रै बारै मन्ज विस्वासी जो सखान्दै हिन ता आदर अतै खरै इरादै सोगी सखा।

⁸सच्चाई जो ऐस तरीकै सखा कि तेरी शिक्षा री कोई बुराई ना करी सका। जैड़ा तेरै विरोधी हिन तिन्या लज्जित भूणा अतै तिन्या बलै इन्दै बारै मन्ज बुरा बलणै जो कुछ ना भूणा।

⁹तिन्या विस्वासी जो समझा जैड़ै दास हिन कि सो अपणै मालका रै अधीन रैहन अतै सबी कमां मन्ज तियां जो खुश रख अतै फेरी करी जवाव मत दे।

¹⁰चोरी चलाकी मत करदा, पर सबी गल्ला मन्ज विस्वासयोग्य अतै भला कम कर। तां तिन्या इन्दै उद्धारकर्ता प्रमात्मैं रै उपदेशा री होर शोभा करनी हा।

¹¹प्रमात्मैं रा अनुग्रह सबी मणु पुर प्रकट हा जैडा कि सबी रै उद्धार री व्जहा हा।

¹²प्रमात्मैं रै अनुग्रह री वजह तिनी असिओ सखाऊ हा कि अहै तिन्या बुरै रस्तै अतै तिन्या बुरी अभिलाषा पुर चलनै थऊँ मना करन अतै ऐस संसार मन्ज ईमानदार अतै खरी जिन्दगी जिणै री कोशिश करन।

¹³अतै तैसा धन्य उम्मीद री मतलब अपणै महान प्रमात्मैं अतै उद्धारकर्ता यीशु मसीह री महिमा सोगी प्रकट भूणै री भाळ करदै रैहन।

¹⁴यीशु मसीह अपणै आप रा बलिदान असु तांई करी दिता, कि असिओ पाप री शक्ति थऊँ छुटकारा दे अतै अहै तसेरै खास मणु बणी गान, जिन्या मन्ज खरै कमा करनै री बड़ी इच्छा भोआ।

¹⁵ठेरैतांये हे तीतुस विस्वासी जो पूरै अधिकार सितै ईयां गल्ला जो सुधारदा अतै सखान्‍दा रैह कि सो इन्या गल्ला रै अनुसार चलन, अतै कोई तेरी इन्या गल्ला घटिआ ना समझा।