Read Gaddi इब्रानियों 3 Bible Online

इब्रानियों 3 - Gaddi bible

इब्रानियों 3

¹ता मेरै विस्वासी भाईओ तुसै जैड़ै कि स्वर्गीय जिन्दगी मन्ज सहभागी भूणै तांयै हैदै गै हिन ता तैस प्रमात्मैं रै संदेश हुनाणै बाळै अतै महायाजक यीशु पर जैस जो अहै अंगीकार करदै हिन ध्यान करा।

²यीशु प्रमात्मैं रै प्रति विस्वासयोग्य थू जिनी ऐस कमा जो करनै तांयै यीशु जो चुणुरा थू। जिआं कि मूसा भी बफादारी सोगी प्रमात्मैं रै कमा जो पुरा करू जैड़ा तिनी दितुरा थू।

³क्ओकि यीशु मूसा थऊँ ज्यादा महिमा पाणै योग्य हा, जैस तरीकै घरा थऊँ बधी करी घरा बणाणै बाळा महिमा पान्दा हा।

⁴क्ओकि हर घरा रा बणाणै बाळा कोई ना कोई भुन्दा हा, पर जिनी सब कुछ बणऊरा सो ता प्रमात्मां हा।

⁵मूसा अक्क दास रै रूपा मन्ज प्रमात्मैं रै घरा मन्ज बफादार थू। तसेरा कम बाद मन्ज प्रकट भूणै बाळै प्रमात्मैं री सच्चाई रा उदाहरण हा।

⁶पर यीशु मसीह जैड़ा पुत्र रै रूपा मन्ज हा प्रमात्मैं रै पूरै घरा रा अधिकारी हा। अहै प्रमात्मैं रै मणु हिन अगर अहै हिम्मत रखन अतै यीशु मसीह री उम्मीद मन्ज पक्कै बणी रैहन।

⁷ता जिआं पवित्र आत्मा पवित्रग्रन्था रै द्धारा बलदा कि, “अगर अज तुसै प्रमात्मैं रा बोल हुणी लैन,

⁸ता अपणै मनां जो कठोर मत करा, जिआं कि तून्दै पूर्वजै प्रमात्मैं सोगी विरोध करू, जैहणै सो परीक्षा रै टैमैं बणा मन्ज थू।

⁹जेठी तून्दै पूर्वजै मिन्जो परखु अतै मेरै धीरज री परीक्षा लेई, ठेरै बावजूद भी तियैं चाळिआ साला तिकर मेरै कमां जो हेरू।

¹⁰ऐत तांई अऊँ तैस टैमां रै मणु थऊँ रूहुरा रैऊ अतै बल्लू कि, ‘इन्यै मिन्जो ठुकराई दिता अतै मेरी गल्ला जो मनणै थऊँ इनकार करू’

¹¹तां मैंई गुस्सै मन्ज ईच्ची सौगन्द खाई, कि ‘तियां तैसा धरती पुर ना पुजणा जेठी अऊँ तियां जो आराम दी सकदा हा’।”

¹²मेरै विस्वासी भाईओ चौकनै रेय्आ कि तूसु मन्ज इन्‍ना बुरा अतै अविस्वासी मन नां भोआ जैडा जिन्दै प्रमात्मैं रा इन्कार करन।

¹³तुसिओ अक्की दूये जो हर रोज चेतावनी दिणा चहिन्दा जैहणै तक सो अज हा, ताकि कोई भी पाप रै धोखै मन्ज ना रेय्आ अतै ना प्रमात्मैं रै विरोध मन्ज कठोर भूच्ची गच्छा।

¹⁴अगर अहै अन्त तक बफादार हिन अतै जियां अहै शुरू मन्ज प्रमात्मैं पुर भरोसा करू तियां ही बणी रैहन ता अहै तियां सबी चिजा रै भागीदार भूणै जैड़ी मसीह री हिन।

¹⁵जिआं कि पवित्रग्रन्थ मन्ज लिखुरा हा कि; “अगर अज तुसै प्रमात्मैं रा बोल हुणी लैन, ता अपणै मनां जो कठोर मत करा, जिआं कि तून्दै पूर्वजै प्रमात्मैं सोगी विरोध करू, जैहणै सो परीक्षा रै टैमैं बणा मन्ज थू।”

¹⁶भला कुणी मणुऐ प्रमात्मैं री आवाज हुणी करी भी तसेरा विरोध करू? तिऐं सबी मणुऐ जिआं जो मूसा मिस्र देशा थऊँ नकाळी करी लेई छूरा थू।

¹⁷कुणी प्रमात्मैं जो चाळी साला तिकर क्रोधित रखू? कै ऐह सो ही प्रमात्मैं रै मणु ना थियै जिन्यैं पाप करू अतै बणा मन्ज ही मरी गै?

¹⁸जैहणै प्रमात्मैं ऐह सौगन्द खाई कि तुहै तैसा धरती पुर ना पुजी सकदै जैड़ी अऊँ तुसिओ आराम दी सकदा थू? ऐह कसेरै बारै मन्ज प्रमात्मां बल्लू करदा थू? तंयारै ही बारै मन्ज जिन्यै प्रमात्मैं रा विरोध करू।

¹⁹ता अहै हेरदै हिन कि सो अविस्वासा री व्जहा थऊँ ही सो तैहा आराम दि सकणै बाळी धरती पुर दाखल ना भूच्ची सकै।