Read Galela MATIUS 1 Bible Online

MATIUS 1 - Galela bible

MATIUS 1

¹Kou dou Jesus Keristus mijo ekebata mana, Daud ma Ibrahim ma ka ekebajawijake.

²Ibrahimja Isak ekebajawii; daana Isakja Jakub ekebajawii; daana Jakubja Jahuda ma kenekaane ma ekebajawii.

³Jahuda ma Tamar ma ka Paris ma Zarah ma aekebajawai; daana Parisja Ezrom ekebajawii; daana Ezromja Aram ekebajawii;

⁴daana Aramja Aminadab ekebajawii; daana Aminadabja Nahsjun ekebajawii; daana Nahsjunja Salmun ekebajawii;

⁵daana Salmun ma Rahab ma ka Boaz aekebajawai; Boaz ma jagamome Rut ma ka Obed aekebajawai; daana Obedja Jisai ekebajawii;

⁶daana Jisaija maki jakimake-tai me Daud kidi ekebajawijake Daudja Uria jagamome ma Suleman aekebajawai;

⁷daana Sulemanja Rehabiam ekebajawii; daana Rehabiamja Abia ekebajawii; daana Abiaja Asa ekebajawii;

⁸daana Asaja Josapat ekebajawii; daana Josapatja Joram ekebajawii; daana Joramja Uzia ekebajawii;

⁹daana Uziaja Jotam ekebajawii; daana Jotamja Ahaz ekebajawii; daana Ahazja Hizkia ekebajawii;

¹⁰daana Hizkiaja Manaseh ekebajawii; daana Manasehja Amun ekebajawii; daana Amunja Josia ekebajawii;

¹¹daana Josiaja Jechonja ma kenekaane ma ekebajawii, Babil ka maki jinita gaa.

¹²Babil ka maki jajinita gaa wadouto Jechonjaja Sjaaltiel ekebajake Sjaaltielja Zarubabil ekebajawii;

¹³daana Zarubabilja Abihud ekebajawii; daana Abihudja Eljakim ekebajawii; daana Eljakimja Azur ekebajawii;

¹⁴daana Azurja Saduk ekebajawii; daana Sadukja Achim ekebajawii; daana Achimja Elihud ekebajawii;

¹⁵daana Elihudja Eliazar ekebajawii; daana Eliazarja Mattan ekebajawii; daana Mattanja Jakub ekebajawii;

¹⁶daana Jakubja Jusuf ekebajawii, Marjam waka kidi; okaija Jesus epamakita, eka Keristus eebatita me kidi.

¹⁷Kou utoma mijo ekebata kou ko Ibrahim tota gaa make Daud tota gaa to utuuja, me kakade wii ma gaati mijo ekebata. Daana Daud tota gaa make Babil ka jajinita gaa to utuuja me kakade wii ma gaati mijo ekebata. Daana Babil ka jajinita gaa make Keristus to utuuja, me kakade wii ma gaati mijo ekebata.

¹⁸Jesus Keristus epata mana kii dani: Ukame Marjam kodo Jusuf wii ete-tai. Okejai enaida aatou beu gaa kodaa Marjam kodo Rohulkudus ka modo kai.

¹⁹Tijake jameme Jusuf kidi kegepa doodoo me kouja, daana ego te eewiine tijake okai gabo gabo ejaikaine dimi gai.

²⁰Kodeja okai kou dani dimi gaatigo, Tuhan jaetigo-tai me idaana bagumeidaiga ewaa kijake eteete mana, „Ei, Jusuf, Daud jokame, gaagaa te tijake Marjam waka ebukai. Okaija modo kou ko Rohulkudus ka modo kojoka.

²¹Okai jame joka idaana paita, daana aki eka Jesus eebatai, okaija bagee ka peu awitaido japipikajawiitagi kouja,” etii.

²²Okai kou utoma kei tidoke tijake Tuhanja tikauwa ka gokobaki tijawiidaiga wegai tita me kidiidaiga wegata mana kobatijake:

²³Beu maa kou, api idaana modo kijake Jame joka idaana paita. Eka ki Imanuel eebataitai, me manaida awi-toojogo ko, Ugatame inii wa enaimo tou.

²⁴Tijake Jusuf uno anigojake Tuhan jaetigo-tai me ka etita kidi danite kei taine tijake Marjam waka ebukai.

²⁵Daana Jusuf Marjam ma enaimo aatou beu teete, jame joka idaana pamakitaida to; tijake eka Jesus eebatai.