Read Galela RUM 13 Bible Online

RUM 13 - Galela bible

RUM 13

¹Me gakita boko duwa-tai bageepa ejuwidoke tai. Boko duwai ko beu topa kouja, kodeja Ugatame epauto to. Boko duwai kou ko Ugatame kidaa boko duwajawita.

²Kojoka boko duwa-tai bagee akaije ootai me kidi ki Ugatameja boko duwajawita mana kodo akaije; akaije me kidi akaato peu mejawii.

³Boko duwa-tai bagee kede enaa agijo kei tai maida make wedaago etai ko beu, kodeja peu agijo kodo wedaago etai. Aki boko duwa-tai bagee weda te egaine, mee? Enaa agijo kei tai, tijake okai juma dege-dege katija.

⁴Okai Ugatame jakei te-tai kidi, aki enaa kaawe-tijake. Kodeja aki peu kei tipe, weda gai. Okai kataana dokina tai ko wogidaa ko beu kouja. Okai Ugatame jakei te-tai kidi, okaija emoge kodo peu kei tai bagee maida jamejawe-tijake.

⁵Okai kouja ejuwidoke tai beu kai peu, emoge maida make to ko beu kodeja dimi aweida ke-tijake maija.

⁶Okai kouja ikii mege eedai maija, okei Ugatame jakei te-tai kouja, okai kou kei tai agijo maida make ko.

⁷Me gakita gowaja agijo menii; ebé kotuu te-tai bageepa ebé kodo menii; mege gowaja bageepa mege menii; weda egaja bagee weda egai; ibo ejaikija bagee ibo ejaikai.

⁸Tumaana agijo ma me idaanaapa ma ebé te jajaikai, kodeja ipa akaga kodo to. Me ipa egai me kidaa dijo douja mana kodo boko duwajawii kouja.

⁹Kou ka enimakita mana kodo: Mogai te tai, me te wagii, oma te motii, me ka agijo kibigi te jagai, daana joko ka enimakita manaido, kou utoma kou mana muto duba to duwa-motita; kou ko: Aki akaato kidi danite aki watija bagee ipa egai.

¹⁰Ipa kodaa me peepu etai beu mana kodo. Okai kouja ipa kodaa dijo douja mana kodo boko duwajawii.

¹¹Kou dani maija ito kii wagi kidi ikii gajake, uno umiida make anigou beu kai peu wagiida kodaa. Inii edoga mana jakimakita gaa ma ko ito kou iniija ajii tai bokouto kodo kapa keega kouja.

¹²Wanee kodo muumai ijeida; awe digii kaineega. Okai kouja bunita duba kei tai agijoudo neemigimakiwei, tijake aweida gaa kodaa dougai mougai neetiwei.

¹³Ipouje ijeida ume-wo neetei, agapi gaa kei tija danite; wo uwe ma, uneune ma ko beu; mogai ma, kikija epauto ma ko beu; akawage ma, boko gepumai ma ko beu.

¹⁴Kodeja Tuhan Jesus Keristus kidi makijawii, daana me ijeida kibigi dimi wo kei taine tijake ko epeepi te timakai.