Read Galela 1 KORINTUS 8 Bible Online

1 KORINTUS 8 - Galela bible

1 KORINTUS 8

¹Ito kou, utoopa migaakobe ete-tai agijoopa jo-menita naija agijo mana kodo maida make inii epi, „Inii utoma epi kodo ko.” „Epi kodo ko” dimi kodaa akaato ibo awii, kodeja ipa akaga akaate dimi kodaa bo akawejake tai.

²Kou danite me idaana ani epi kodo ko dimi gapi, epi kija mana epeepite gamakai beu.

³Kodeja kou danite me idaana ka Ugatame ei egapi, Ugatame kidaa kii me kidi epi.

⁴Utoopa migaakobe ete-tai agijoopa menita naija agijo mana kodo maida make, inii epi, „utoopa migaakobe etai agijo kodo agijo puki ko beu,” daana joko ka Ugatame ena ma beu, kodeja ena kidi to.

⁵Epa maida juwa, makiida juwa, ugata bageido topai wegaigai kodeja; kou ko „ugatame” wedaba, daana „boko duwa-tai” wedaba,

⁶kodeja ineepa ko Ena kidi to, Ugatame Iniitai kidi, utoma agijo utoma epauto kidi; daana okai maida inii tope, — daana boko duwa-tai me idaana to, Jesus Keristus kidi; okai maidaiga utoma agijo utoma ewaa kijake inii maija tope kou.

⁷Kodeja me utoma kou dimi gai ko beu. Kou danite me ino utoopa migaakobe tei tita kodo ga-tojake kodo nai; tijake dimi kodo taka wija kouja peu kai.

⁸Naija agijo maida make kodo Ugatameja juma dege-dege ti nitai. Inii te nope ko peu te kija, daana nope ko enaa te kija.

⁹Kodeja epeepite gai, ikiija ka pijo mana kodo debuu bagee duwaa-duwaa te te-tita.

¹⁰Aki ki epi me kidi utoopa migaakobe te-tai owaa duba animakijake menita agijo nootigoo me ka kado-toojogo, beu, mee? okaija dimi kidi euga uu kijake utoopa migaakobe menita agijo nai kodo.

¹¹Kou danite akija epi dimiidaiga debuu me kidi peu kai; kii ko enakenekame kidi, okai maida make Keristus jabokata me kidi.

¹²Kodeja kou danite kenekame ikii peepu etijake okaija dimi kodo peu eewipa, ikii Keristus peepu etai.

¹³Okai kouja, kou danite naija agijo maida make ani keneka kidi peu kipi ani umina maa kou mugee te naita, ani keneka peepu te etaine tijake.