Read Galela 1 PETERUS 3 Bible Online

1 PETERUS 3 - Galela bible

1 PETERUS 3

¹Okai kou dani maija, ikii me ka jagamaane ikiija jamaaneepa ejuwidaa tai, okei mana kodo jakimakai beu kipai maija, jagamaane ka kei tija ijeida kodaa wo egojawii, mana te godajake;

²ikii Ugatame weda egajake ikiija ipouje ijeida kodo kijadojake.

³Ikiija ka diiti kodo ebaidaiga ka ko beu, ijo keedo-peedo ma, mas makii ma, kagaba ma;

⁴kodeja tugo jato ka mana kodo, peu te kija ka diiti, kou ko, kojáá ma jikoo ma ijeida kou ko, Ugatame pekaida ibaage kodo.

⁵Okai kou dani maija tika ka jimubeu jagamoudo Ugatame maida dimi ekotopijawijake akaato diiti awii, okei kodo jamaane ejuwidaa tijake.

⁶Sarah kodo Ibrahim kidiipa ejuwidoke tita danite, Ibo eeba-tijake. Ikii ke okaija jokaane, kou danite ikii onaa agijo kei tijake weda te ga-toojogo.

⁷Kou danite ikii me ka jamaane maija, epiidaiga ikiija ka jagamaane ma aume-wo, debee jato ka amo kodo danite ibo ejaikijake; enaimo ajii tai ka jikoo bokouto kodo aagowai kouja; ikiija sembahjang kodo watidoke na kojoka.

⁸Muumai jago, ikii utoma ena dimi akagadime tijawii; kojáá akaate tijake enakeneka bagee ipa akaga tiwei; debee kegepa, mijo kegepa awii.

⁹Peu agijo kodo peu ka abu te pai; juwa, kiwidogai kodo amo te ewidogai, kodeja mobu jaaediimai; okai kou maida make mana kitita kouja, mobu bokouto go-tita.

¹⁰Ume-wo taine me kidi, Daana enaa naagoudo doune, Okaija eta ko peu maida make munii, Daana ebe ko puja maida make.

¹¹Peu agijo maida make wouga kijake Muka-muka ubajake kou kodo juma doodoo.

¹²Tuhanja enaa bagee peka ewagimakai kouja, Daana gapa ko okeija sembahjang mana jajuwii; Kodeja peu kei tai bagee maida make Tuhanja ebepeka watidoke.

¹³Ikii enaa agijo juma doodoo kipa, meime peepu kitaine?

¹⁴Kodeja kou danite ikii enaa agijo maida make didi gaduwa-toojogo ko, ikii epaago no! Okeija ka emogaago kodo weda te gajake gaagaa te tai.

¹⁵Kodeja kegepa duba Keristus kidi e boko te boko duwa-tai me kidi ibo ejaikai. Tijake ikiija dimi kotopijawii kodo maida make kigaado tija meepa peta-meniine utoma wagiida epeepi timakai, kojáá peu kidi, weda ma.

¹⁶Ikiija kegepa jimubeu kidi munii, tijake ikii peu bagee danite kiwidogi-toojogo ko, okei ego ga-tita, ikiija Keristus duba enaa kei tai agijo puja kijakubajake.

¹⁷Enaa agijo maida make didi gaduwai ko enaa, Ugatame kou dani dimi gapi ko, kodeja peu maida make ko beu.

¹⁸Keristus maija kigeena eutoma maida make peu maida make bokai, enaa me kidi peu bagee maida make, Ugatameepa nimejawiine tijake; má jatouga wagimakita kodeja roh jatouga ija eewita.

¹⁹Rohdaiga okei ejakigoo amaawita roh daniido edou uwijake mana jaduwii;

²⁰tika te juwa bagee kede, Ugatameja kojáá peu kidi doutota wagiida, Nu tota gaa; owaa jago koma migijawita gaa kodo; kou duba me wija dani to, kou ko, me ida waguwo uwoudaiga emadagajawita.

²¹Uwo kou ko baptis tai mana ebijaabija kodo, ikii ito kou petii kitijawii mana kodo, ebaidaiga ka jimu nijawunai mana ko beu, kodeja Ugatame pekaida jimubeu kegepa ediimai mana, Jesus Keristus anigota manaidaiga.

²²Okai epaawado wado uwijake Ugatame etikaato gebo animakita me kidi; tijake jaetigo-tai bagee ma, boko duwa-tai ma, bida agijo utoma okaapa to ejuwidoke tijake.