Read Galela 2 JAHJA 1 Bible Online

2 JAHJA 1 - Galela bible

2 JAHJA 1

¹Maakodo gai uguupuguu douto-tai me kidaa ewitokita jagamo ma, jokaane ma jamakii, ani maa kou ei egata bagee kodo; daana ani ki to beu, kodeja maakodo bokouto mana epi bagee utoma.

²Inii duba ka tota maakodo bokouto kodo maida make, kou ko ineepa kijake imo kidi to togoo.

³Kou danite jikoo bokouto ma, ipa bokouto ma, muka-muka bokouto ma Iniitai Ugatame kidaa boko nijaduwajawii, Nakame Jokame Jesus Keristus kidaa maija, maakodo bokoutoudaiga, daana ipa bokoutoudaiga.

⁴Ani umina ideide, aki jokaane me ino dani maakodo bokouto epeete edojake, Iniitai enimakita danite.

⁵Ei, ekaago jagamo, ani kadiimai, ija mana kaaebijaate ko beu kojoka, kodeja edoga kidi enimakita ka kodo, kou ko inii kede ipa akaga te-tita.

⁶Kou dou ipa mana kodo, inii okaija enimakita mana manaija ejakimakai; kou dou, tika kodaa make juwita ka enimakita mana kodo, kou ko ipa bokouto juma doodoo tai kodo.

⁷Uneune tijawii bagee ewaga uwoje makije gamedaa teegai kouja; Jesus Keristus me kijake meta mana wegai beu bagee kede. Kii ke uneune tijake Keristus akaije bokouto kidi.

⁸Ikii akaato kede gamakai, ekowamakita agijo te iga-tita, kodeja petege puki go-mote-tita.

⁹Meija mana ekagumijake Keristus nitopita manaidaiga bo te wemakipi, Ugatame ma ko beu me; meija Keristus nitopita manaidaiga bo wemakipi Nakame ma Jokame ma jago me.

¹⁰Me idaana akeepa mejake kii nitopita mana muto te dokemepi ko, aki owaapa te ejakimakai, daana kipo na te emotai.

¹¹Kipo emotija me kidaa okaija ka peu kei taidaiga ookei tai kouja.

¹²Ani mana wedaba kaaebijaine kodeja kapogeije ma ebijai uwo ma ka te kei taine, kodeja kadou jawijake enajumaapa mana kaawegaine; iniija ka ideide kodo boko duwadoke te-tita kodaa.

¹³Aki keneka jagamo ewitokita kodo jokaaneido kojáá tou katii.