Read Galela EWAIDA 2 Bible Online

EWAIDA 2 - Galela bible

EWAIDA 2

¹Epesus maakodo gai uguupuguu ka jaetigo-tai me kidiipa kii dani jaebijai: Ijapu pituwo etikaato ganeida jaki-topi me kidaa mana; okai mas ka ebijata lampu make-taida pituwo jupi uwina te-tai.

²Akija kei tai agijo utoma ani epi; akija ee ma, kaga ma, kei tai, daana kegepa mijaanimakeige ma; ani epi aki beu bagee te jakimake; kodeja okai akaato eti-awita me, beu kidija, wegai tita bagee egaado tijake puja bagee edomakai.

³Ani epi aki kegepa mijaanimakijake aneeka maida make dokigoo to, odoo te kijake.

⁴Kodeja ani mana mutoona aki maida topa, kou ko aki edoga ka ei dimi kou ko jaikidokeetege.

⁵Okai kouja aki to-taidaapa make gootita kodo gai. Daana tedemijake edoga ka manaido kei tai; beu kipe ko, akeepa mejake akija lampu make-taida kou ko to-taidaapa make wo go-tijawiita, te tedemipe ko.

⁶Kodeja kii mana muto tope, kou ko Nikolai bagee ka manaido aki be gai, ani na be gata mana kodo.

⁷Meija gapa jago kipi, Roh ka maakodo gai uguupuguudo jawegata mana kodo juwii. Petee kija me kidi ajii tai pija uta no-tijake meniita, kou ko Ugatameja pipoga makiida ka kodo.

⁸Smirna maakodo gai uguupuguu jaetigo-tai me kidiipa kii dani jaebijai: Epautouda make momogiida to me ka mana kodo, okai bokajake ija kita me kidi:

⁹Akija gaagaa ma, daba pukaija ma, (aki tonawi kodeja) ani epi; daana okei akaato Jahudi bagee, beu kodeja, puja bagee ka wegai mana kodo ani epi; okei Teege maakodo gata uguupuguu.

¹⁰Ikii gaduwaineega mana kodo weda te gai. Juwidou, ikii me ino Teege kidaa wanee owaa duba eemigimakaineegi, kigaadotijake; tijake agapi gaati ikii gaduwaita. Bokaida to enanaa tou to, tijake ajii tai petege kaniita.

¹¹Meija gapa jago kipi Roh ka maakodo gai uguupuguudo jawegata mana kodo juwii. Petee kija me kidi wijaago ka bokai kodo te gaduwai.

¹²Pergamus maakodo gai uguupuguu jaetigo-tai me kidiipa kii dani jaebijai: Kataana aitaato jokoutaato emuu jago me kidaa mana ko:

¹³Aki umi-tojaida ani epi, Teege ka ibo animakaida kodaa; aneeka aki jaki-tojake maakodo nagai mana jaikai beu, enanauto mana naawegai tita me, Antipas kidi tota gaa maija; ikii jupi wagimakita me kidi, Teege ka to-taida kodaa.

¹⁴Kodeja mana muto wija wido aki maida topa; kou ko ikii jupi Balhum etope-tai mana jakimakita bagee topai; kii ko, Israil bagee gadi eetiine tijake Balak mana etopita, enija menita agijo nai mana ma, mogai mana ma.

¹⁵Kou danite maija ikeepa Nikolai mana etope-tai bagee topai.

¹⁶Okai kouja tedemai. Beu keetigo ko egaa kodaa ani akeepa mejake ani ebeida ka kataana kodaa wagiita.

¹⁷Meija gapa jago kipi, Roh ka maakodo gai uguupuguudo jawegata mana kodo juwii. Petee kija me kidiipa ani boonimakita ka Manna kodo meniita, daana wakijo mogo, kou mogo maida ija eka ebijata; kou ko me idaana ma epi beu, kodeja motija me to epi.

¹⁸Tiatira maakodo gai uguupuguu jaetigo-tai me kidiipa kii dani jaebijai: Kii dani Ugatame Jokaja mana; okaija peka ko bodija dani, daana bado ko pute wakii dani.

¹⁹Akija kei tai agijo utoma ani epi; akija ipa dimi ma maakodo gai ma, edadita ma, kegepa mijaanimakijake gaduwagota ma; daana akija epauto ma ko muumai jago kei tai agijo ko ibo.

²⁰Kodeja kii mana muto aki maida topa: Kou ko aki jagamo kou ko, Izebel ko ejaikai; ’Ani douja do-tai me kojoka’ mana wegajake nakei te-tai bagee monoo eteiga, tijake mogai te-tita, daana enija menita agijo no-tita mana etopai.

²¹Tedeme-tijake wagi ejaikeemega kodeja okaija mogai tei tita tedemai ko be.

²²Dodou, didi pakutaida kodaa mijo pi eetiita, daana okai ma mogai tei tita bagee kede ibo gaagaa duba eemigaita, okaija kei tita mana okei te tedemi-toojogo ko.

²³Okaija jokaane ani boka ka wagimakaita. Tijake ani ki tugo jato kegepa do-tai me kidi maakodo gai uguupuguudo kodaa epi kaitai; tijake ikii me gakita kei tita kei tita epeepeidaiga abu kipaita.

²⁴Kodeja ikii Tiatira makijo ka joko kaido, kou etope-tai mana jakimakai beu bagee kede, daana Teege ka ketagouto wegaigai manaido topii beu daniido, ani kitii, joko ka kugouto ani ti kijadokijawii,

²⁵kodeja ikeepa topa mana kou ko bida peu jaki-tou to, ani jawiitaida to.

²⁶Petee kija me kidi anija kei tija mana wiwitiida to jakimakai me kidaa ojaa bagee utoma maida bida bokouto jaduwajawiita,

²⁷tijake pute kopa ka etimakaitagi, maki tapuja gaumijawija danite, Naitai kidaa bida bokouto naduwajawita danite.

²⁸Tijake awega kodo meniita.

²⁹Meija gapa jago kipi, Roh ka maakodo gai uguupuguudo jawegata mana kodo juwii.