Read Gangte THILSIEMBUL 36 Bible Online

THILSIEMBUL 36 - Gangte bible

THILSIEMBUL 36

¹Ziehaw hi Esau, (Edom le kiti) suonte chuh ahiu hi.

²Esau in a zite chuh Kanaan gama nungakte laka a neih ahi a; Hit mi Elon chun Ada, Hit mi mah Zibeon chapa Ana chanu Oholibamah leh,

³Ishmael chanu Nebaioth suohpihnu Basemet ahiu hi.

⁴Adah chun Eliphaz chuh Esau a hinsak a; Basemet chun Reuel a hing a;

⁵Oholibamah chun Jeush leh Jalam leh Korah a hing a. Ziehaw chuh Esau in Kanaan gama chapa a neih te chuh ahiu hi.

⁶Chun, Esau chun a zite leh a chapate leh, a chanute leh, a In a mi chengcheng leh a ganchate leh, a neih chengcheng leh, Kanaan gama a sum lamdawk haw chuh a puo a, a nau Jakob kawm apat chun gam dangah a chieh ta a.

⁷A thil neih teu chuh a tam taluo a, um khawm theilo ahiu hi; a ganguol teu ziekin a malzinna gam u chuh a kiting puoh ngâla.

⁸Khutichun Esau chuh Seir tâng achun a chênga; chun Esau chuh Edom ahi.

⁹Chun, ziehaw hi Seir tânga Edom te suonpa Esau suonte chuh ahiu hi.

¹⁰Ziehaw hi Esau chapate min ahi; Eliphaz, Esau zi Adah chapa leh Reuel, Esau zi Basemet chapa ahi.

¹¹Chun, Eliphaz chapate chuh Teman, Omar, Zepho, Gatam leh Kenaz ahiu hi.

¹²Chun, Timna chuh Esau chapa, Eliphaz mei ahi a; amah chun Eliphaz chuh Amalek a hinsak a, ziehaw chuh Esau zi Adah suonte chuh ahiu hi.

¹³Chun, ziehaw hi Reuel chapate chuh ahiu hi; Nahath, Zerah, Shamah leh Mizzah te chuh. Ziete chuh Esau zi Basemet suonte chuh ahiu hi.

¹⁴Chun, ziehaw hi Zibeon chapa, Ana chanu, Esau zi Oholibamah chapate chuh ahiu hi. Amah chun Esau chuh Jeush leh Jaalam leh Korah a hinsak hi.

¹⁵Ziehaw hi Esau chapate laka lawiupate chuh ahiu hi. Esau chapa upapen Eliphaz chun zie chite hi a hun suon hi: Teman, Omar, Zephi, Kenaz,

¹⁶Korah, Gatam leh Amalek te ahiu a, ziehaw hih Esau zi Adah suonte chuh ahiu hi.

¹⁷Chun, ziehaw hi Esau chapa Reuel suonte chuh ahiu hi; Nahath, Zerah, Shammah leh Mizzah te ahiu. Ziete chuh Edom gama Reuel suona phung upate chuh ahiu a; Ziehaw chengcheng hi Esau zi Basemet suonte chuh ahiu hi.

¹⁸Chuleh, ziehaw hi Esau zi Ana chanu Oholibamah chapate chuh ahiu hi: Jeush, Jalam, leh Kora te hi. Zie phung cheng chengte hi Esau apat a suonte chuh ahiu hi.

¹⁹Ziehaw chuh Esau chapate chu ahiu hi, ziete chu amau laka phung upate chuh ahiu a: Esau chuh Edom ahi.

²⁰Ziehaw hi Hor mi, Seir chapate zie gama umte chuh ahiu hi. Lotan, Shobal, Zebeon leh Ana te,

²¹Dison, Ezer, Dishan te hi; ziehaw hi Edom gama Seir chate Hor mite laka pawt lawiupate chuh ahiu hi.

²²Chun, Lotan chate chuh Hori leh Heman ahiu a, Lotan suohpihnu chuh Timna ahi.

²³Chun, ziehaw hi Shobal chate chuh ahiu hi; Alvan, Manahath, Ebal, Sepho leh Onam chite te ahiu hi.

²⁴Chun, ziehaw hi Zibeon chate chuh ahiu hi, Aiah leh Ana te hi. (Zie Ana hi ahi thaleka a pa sabiltung a chin lai a tui lum nak haw mudawkpa chuh).

²⁵Chun, ziehaw hi Ana chate chuh ahiu hi; Dison leh Ana chanu Oholibamah ahi.

²⁶Chun, ziehaw hi Dison chate chuh ahiu hi, Hemdan leh Eshan, Ithran leh Cheran te hi.

²⁷Ezer chate chuh Bilhan, Zavan leh Akan ahiu.

²⁸Ziehaw hi Dishan chate chuh ahiu; Uz leh Aran hi.

²⁹Ziehaw hi Hor te apat a pawt lawiupate chuh ahiu hi: Lotan, Shobal, Zibeon leh Ana te hi.

³⁰Lawiupa Dison, Ezer, Dishan te hi ziehaw chu Seir gama lawiupa dân banga pawtte chuh ahiu hi.

³¹Ziehaw hi leng himhim in Israel suonte chunga a vaihawm mau a, Edom gama vaihawm a pang lengte chuh ahiu hi.

³²Chun, Beor chapa Bela chun Edom gam ah vai a hawma; a khawpi min chuh Dinhabah ahi.

³³Chun, Bela chuh a thi a Bozrah khuo a um Zerah chapa Jobab chun a thasang in vai a hawm ta a.

³⁴Chun, Jobab chuh a thi a Teman haw gama um Hushan in a thasang in vai a hawm ta a.

³⁵Chun, Hushan chuh a thi a, Bedad chapa Hedad, Moab phul a Midian haw thatpa khan a thasang in vaiahawm ta a; a khawpi min chuh Avith ahi.

³⁶Chun, Hadad chuh a thi a, Masreah mi Samlah chun a thasang in vai a hâwm ta a.

³⁷Chun, Samlah chuh a thi a, Euphrates luipi panga Rehoboth khuo a um Shaul chun a thasang in vai a hawm ta a.

³⁸Chun, Shaul chuh a thi a, Akbor chapa Baalhanan chun a thasang in vai a hâwm ta a.

³⁹Chun, Akbor chapa Baalhanan chuh a thi a, Badar chun a thasang in vai a hawm ta a; a khawpi min chuh Pau ahi a, a zi min chuh Mehetabel ahi a, amah chuh Mezahab chanu Mared chanu ahi.

⁴⁰Ziehaw hi a Inkuon bang zel leh a chênna mun uh bang zel leh, amin uh bang zel in Esau suona lawiupate min chuh ahi; Timna, Alvah, Jetheth,

⁴¹Lawiupa Oholibamah te, Elah te, Pinon te,

⁴²Kenaz te, Teman te Mibzar te,

⁴³Magdiel leh Iram te ziehaw hi Edom lawiupate chuh ahiu hi (zie chuh Esau, Edom pa) a gam luoh nau a a chênnau bang zel chuh ahi.