Read Gangte 1 KHANGTHUBU 6 Bible Online

1 KHANGTHUBU 6 - Gangte bible

1 KHANGTHUBU 6

¹Levi chapate chuh: Gershon te, Kohath te, Merari te ahiu hi.

²Kohath chapate chuh: Amram te, Izhar te, Hebron te, Uziel te ahiu hi.

³Amram chapate chuh: Aron leh Mosi ahiu a; chanu Miriam tawh a nei hi. Aron in chapa li a nei a: Nadab, Abihu, Eleazar leh Ithamar ahiu.

⁴Eleazar chu Phinehas pa ahung hi a, Phinehas chu Abishua pa ahung hii,

⁵Abishua chu Bukki pa ahung hi a, Bukki pa chu Uzzi a hung hii,

⁶Uzzi chu Zerahiah pa ahung hi a, Zerahiah chu Meraioth pa ahung hii,

⁷Meraioth chu Amaria pa a hung hi a, Amaria chu Ahitub pa ahung hii,

⁸Ahitub chu Zadok pa a hung hi a, Zadok chu Ahimaaz pa ahung hii,

⁹Ahimaz chu Azariah pa ahung hi a, Azariah chun Johanan pa ahung hii,

¹⁰Chun Johanan chu Azariah pa ahung hi a (amah chu Jerusalem a leng Solomon in Ho-In a sakna a thiempu nasem ahi),

¹¹Azariah chu Amaria pa ahung hi a, Amaria chu Ahitub pa ahung hii,

¹²Amaria chu Zadok pa ahung hi a, Zadok chu Shallum pa ahung hii.

¹³Shallum chu Hilkiah pa ahung hi a, Hilkiah chu Azariah pa hung hii,

¹⁴Azariah chu Seraiah pa ahung hi a, Seraiah chu Jehozadak pa a hung hii,

¹⁵Chun, LALPA’n Judate leh Jerusalem khuo a mite sala a sawl lai khan, Jehozadak chu, leng Nebuknezar in a puikhawm ta a.

¹⁶Levi chapa te chu: Gershom, Kohath leh Merari ahiu hi.

¹⁷A bawn un chapa a nei chiet u a. Gershon chu Libni leh Shimei pa ahi a,

¹⁸Kohath chu Amram te, Izhar te, Hebron te, Uzziel te pa ahi.

¹⁹Chun, Merari chu Mahli leh Mushi pa ahi.

²⁰Gershon suonte chu Libni a hi a, amah chapa chu Johath a hi a, Johath chapa chu Zimma ahi.

²¹Zimma chapa chu Joah a hi a, Joah chapa chu Iddo a hi a, Iddo chapa chu Zerah a hi a, Zerah chapa chu Jeatherai ahi.

²²Kohath suonte chu: Amminadab chapa chu Korah ahi a, Korah chapa chu Asir ahii,

²³Assir chapa chu Elkanah ahi a, Elkanah chapa chu Eliasaph ahi a, Eliasaph chapa chu Assir ahi;

²⁴Assir chapa chu Tehath ahi a, Tehath chapa chu Uriel ahi a, Uriel chapa chu Uzziah ahi a, Uzziah chapa chu Shaul ahiu hi.

²⁵Elkanah chate chu: Amasai leh Ahimoth ahiu hi.

²⁶Ahimoth suonte chuh: Elkanah, Zophai, Nahath,

²⁷Eliab, Jeroham leh Elkan ahiu hi.

²⁸Samuel in chapa nih a nei a, a upa zaw chu, Joel ahi a, a bana chu Abija ahi.

²⁹A khang dungzuia Merari suonte chu ziehaw hi ahiu: Libni te, Shimei te, Uzzah te,

³⁰Shimea te, Haggia te, Asai te ahiu hi.

³¹Ziehaw hi leng David in, Jerusalem a Pathien hona muna Thugawlh kawihna thingkuong chawn lut nunga gihawih tumgitte chunga mawhpuo dinga a guotte chu ahiu hi.

³²Leng Solomon in, Ho-In a sak ma apat in, LALPA umna puon-In achun, amau pan hun dungzui zelin na a sem u a.

³³Zie tawbang nasep a na tute chu, a inkuon uh chieh dân zelin ziehaw hi a hiu ui: Kohath phungte apat: Lapawl puite laka a masapen chu Joel chapa, lasak thiem Heman ahi. A inkuon chu, Jakob a sut lut in hiti hi ahi: Heman chu Joel chapa ahi a, Joel chu Samuel chapa ahi.

³⁴Samuel chu Elkanah chapa ahi a, Elkanah chu Jeroham chapa ahi a, Jehoram chu Eliel chapa ahi a, Eliel chu Toah chapa ahi.

³⁵Toah chu Zuph chapa ahi a, Zuph chu Elkanah chapa ahi a, Elkanah chu Mahath chapa ahi a, Mahath chu Amasai chapa ahi.

³⁶Mahath chu Elkanah chapa ahi a, Elkanah chu Joel chapa ahi a, Joel chu Azariah chapa ahi a, Azariah chu Zephania chapa ahi.

³⁷Zephania chu Tohath chapa ahi a, Tohath chu Assir chapa ahi a, Assir chu Abiasaph chapa ahi a, Abiashab chu Korah chapa ahi.

³⁸Korah chu Izhar chapa ahi a, Izhar chu Kohath chapa ahi a, Kohath chu Levi chapa ahi a, Levi chu Jakob chapa ahi.

³⁹Lapawl nihna puitu chu Asaph ahi a, a inkuon chu Levi tienga sut in hiti hi a hi: Asaph, Berekiah, Shimea,

⁴⁰Mikael, Baasei, Malkijah,

⁴¹Ethni, Zerah, Adai,

⁴²Ethan, Zimma, Shimei,

⁴³Jahath, Gershom a hi a, chun Levi ahi.

⁴⁴Merari suohpihte laka Ethan chu Lapawl thumna puitu chu ahi a, a inkuon chu Levi apat a sut in hiti hi a hi: Ethan, Kishi, Abdi, Malluk,

⁴⁵Hashabia, Amazia, Hilkiah,

⁴⁶Amzi, Bani, Shamer,

⁴⁷Mahli, Mushi, Merari, Levi ahiu hi.

⁴⁸A Levi chanpih dangteu chu, Pathien hona muna nasep ding dang cheng cheng chuh piek ahiu ui.

⁴⁹Aron leh a suonte chun, gimlim thilpiek leh, maichâm a hâlmang kithawihna kihalte chu a lân sek u a. Mun Thiengtho pena Pathien hona leh, Pathien in Israel chate gitlohna a ngaihdamna dinga kithawihna thilte chunga mawhpuo ahiu ui. Zie thilte chu Pathien suok Mosi’n a piek guolin a hih u a.

⁵⁰Ziehaw hi Aron inkuon chieh dân chu ahi: Eleazar, Phinehas, Abishua,

⁵¹Buki, Uzzi, Zerahiah,

⁵²Meraioth, Amaria, Ahitub,

⁵³Zadok, Ahimaaz te ahiu ui.

⁵⁴Ziehaw hi Kohath inkawte laka Levi suonte chênna gam dinga pieka umte chu ahi; Levi te kawma gam kipiete laka chanvo khatna chu a chang u a.

⁵⁵Juda gama Hebron leh gancha tatna gamte chu a pieu a,

⁵⁶Himahleh, khawpi daikiengte leh, a khawpite chu vang Jephuneh chapa Kaleb a pieu a.

⁵⁷Aron suonte chu kihukbitna khawpi, Hebron te, Libnah khawpi leh a kim vela gancha tatna ham hing mun tawh, Jattir leh Eshtemoa khuo leh a kimvel gam tawh;

⁵⁸Hilen khuo leh a gantatna mun tawh, Dabir khuo leh a kimvel gam tawh;

⁵⁹Ashan khuo leh a kimvel gamte tawh, Beth-shemesh khuo leh a gantatna munte tawh a pieu a.

⁶⁰Benjamin gamte apat in, Geba khuo leh a gantatna mun tawh, Alemeth khuo leh a gantatnate tawh, Anathoth khuo leh a gantatnate tawh a pieu a. A nam lak u a khawpi piek cheng chu, khuo sawm leh khuo thum ahi.

⁶¹Thanglam panga Manasseh te gama khawpi sawm chu, Kohath phungte lak achun a inkuon uh dungzui zelin phunsân in a hawm u a.

⁶²Gershom chapate chu a inkuon uh kizawt dân bang zelin, Iskar nam chanvo a haw, Aser namte chanvo a haw, Naphtali namte chanvo lak apat haw, Bashan gam suohlam gama Manasseh namte chanvo apat khawpi, sawm leh thum a pieu a.

⁶³Zie tawbang mah hun, Merari inkawte chule, a inkuon uh kizawt dân bang zelin, Reuben namte chanvo apat. Gad namte chanvo apatte, Zebulun nam chanvo apat te, chun phunsân in khuo sawmlenih a pieu a.

⁶⁴Zie tawbang hin, Israel suonte chun Levi chite chu, khawpite leh, khawpi gantatna te chu a pieu a.

⁶⁵(Tichun, Juda gam khawpi, Simeon chanvo haw, Benjamin chanvo haw, a chunga khawpi min kigenhaw chu phunsân in a pieu a.)

⁶⁶Chun, Kohath chapate nam khenkhat chu, Ephraim te gam chanvo lak apat, khawpihaw piek in a um u a.

⁶⁷Ephraim tâng gam kihumbitna khawpi Shekem chu, a kimvel gamte tawh a pieu a; Gerzer leh a gantatna munte tawh,

⁶⁸Jokmeam leh a gantatna munte tawh, Beth-horon leh a gantatna munte tawh;

⁶⁹Aijalon leh a gantatna munte tawh, Gath-Rimmon leh a gantatna munte tawh;

⁷⁰Thanglam panga Manasseh nam kimkhatte chanvo a chun Kohath inkawte nam a na um haw ding chun Aner leh a kimvel te tawh, Bileam leh a kimvela gamte tawh a pieu a.

⁷¹Suohlam a Manasseh nam kimkhatte chanvo, Gershom chapate a piek u chu, Bashan gama Golan leh a kimvel gam tawh, Ashtaroth leh a kimvel gam tawh ahi.

⁷²Issakar te gam achun, Kadesh leh a kimvela gamte tawh, Daberoth leh a kimvel gamte tawh,

⁷³Ramoth leh a kimvel gamte tawh, Anem leh a kimvel gamte tawh ahi.

⁷⁴Aser gam chanvo apat chu; Mashal leh a kimvel gam tawh, Abdon leh a kimvel gam tawh ahi a;

⁷⁵Hukok leh a kimvel gam tawh, Rehob leh a kimvel gam tawh ahi.

⁷⁶Naphtali gam chanvo gam achun: Galili gama Kadesh leh a kimvel gam tawh, Hamon leh a kimvel gam tawh, Kiriathaim leh a kimvel gam tawh a hi.

⁷⁷Merari chapate laka inkuon dangte a piek u chu, Zebulun nam gam chanvo apat chun: Rimmono khuo leh a kimvel gam tawh. Tabor khuo leh a kimvel gam tawh;

⁷⁸Jerikoh kawma Jordan gâl, Jordan suohlam panga Reuben nam chanvo lak apat in, gamthip a Bezer khuo leh a kimvel gam tawh, Jazah khuo leh a kimvel gam tawh a hi

⁷⁹Kedemoth khuo leh a kimvel gam tawh, Mephaath khuo leh a kimvel gam tawh,

⁸⁰Gad nam chanvo apat chun: Gilead gama Ramoth khuo leh a kimvel gam tawh, Mahanaim khuo leh a kimvel gam tawh,

⁸¹Heshon khuo leh a kimvel gam tawh, Jezer khuo leh a kimvel gamte tawh ahi.