Read Gangte 2 KHANGTHUBU 15 Bible Online

2 KHANGTHUBU 15 - Gangte bible

2 KHANGTHUBU 15

¹Tichun, Pathien Thagau chuh Obed chapa Azariah chungah a hung tung a;

²Asa muok ding in a chieh dawka, A kawmah, “Asa leh Juda mi chengcheng leh Benjamin mite, ka thu hi ngaitha tiem u: A mah lama na pan sung cheng un LALPA chu nang u lam ah a panga, a mah na hawl u chun mun na tin uh, a mah na nungngatsan u chun a man le hun nungngatsan in a.

³Chun, Hun sawttak Israel mite chun, Pathien tak neilo leh sinsaktu leh thiempu neilo leh dân neilo in a um u a;

⁴Himahleh, a lungzîn u a LALPA Israel te Pathien lam a ngat u a, a hawl tieng u leh a muu hi.

⁵Zie lai chun, a pawt lam leh a lut lam te ding in gâlmuong a um na a um puoh a, gamsung a um chengcheng te ding in lungzînna nasatak ngên a hi zawi.

⁶Nam leh nam, khuo leh khuo a kisusie lem lum u a; Pathien in haksatna tin chengin a sulungzîng ahi kha.

⁷Himahlele, nang haw vang hattak in um unla, lungkie kiu unla, na thilhih man uh mu ding na hiu hi,” a ti a.

⁸Tichun, Asa’n zie thu haw chuleh thiemgau Obed thugen te chu a het in a kisuhangsan a, Juda gam leh Benjamin gam chengcheng apat leh Ephraim gama a khaw lak a pata thil kihdak umte a kawihmang suok kêi a; Ho-In huongsung a LALPA maichâm chu a tungdawk thak a.

⁹LALPA a kawmah a um hi tih a het ziekin mi tampi Israel lam apat in a hung pawt u a, Ephraim gam apat, Manasseh gam apat leh Simeon gam a mite Asa kawmah a hung u a, a lalgam achun a cheng tau a. Asa chun Juda leh Benjamin te le a bawn un a sam khawm a.

¹⁰Khutichun Asa kum sawmlenga a lal kum, a tha thum na ah Jerusalem ah a kikhawm khawm u a.

¹¹Zie ni chun a gâllâk uh bâwngchal zasagih leh belam sangsagih in LALPA kawmah a kithawi u a,

¹²A lunggil u leh a ngaihtuohnau chengcheng in LALPA a pileputeu Pathien hawl ding in,

¹³kuole LALPA Israel te Pathien hawl lo chu a lien a neu, a numei a pasal in suklup ding tih thu a thun u a.

¹⁴LALPA kawmah aw ngeih tak in, aw gi’n, pengkun gi tawh pengkun binei gi tawh a kipautiem u a.

¹⁵Chun, Juda mi chengcheng chu a kipautiem nau achun a kipâk u a, a lunggil tak u a kitiem ahiu a, LALPA hona a chu a kipâk u a, pawm le a pawm a. LALPA’n muntin ah gâlmuong a umna a pie ta a.

¹⁶Leng Asa nu Maakah chu le milim kihdak-um tak lei phatna pathien Asher a siem ziekin lengnu a hihna a haihsak a, Asa chun a milim chu a satpai a, a sunel dimdem a, Kidron lui ah a hâl ta a.

¹⁷Amahvang chuh Israel gam apat milim pathien hona munte chu a um zing a, himahlele Asa lunggil chuh vai a hawm sungin a ginum zing hi.

¹⁸A pa’n thil a na lat leh amah na lat dangkaguo te, sana te, um le belte chu Ho-In ah a kawih lut a.

¹⁹Asa lal lai kum sawmthum leh nga gei kido na himhim a um puoi.