Read Gangte EZRA 10 Bible Online

EZRA 10 - Gangte bible

EZRA 10

¹Chun, Ezra chuh Pathien In lam zuon in bawkkhup a kap kawm in a paucham a, ti a chuh thupha chawia a paucham lai chun Israel chate chuh a mei-apa, a si a sen in a kawma chun a hung kikhawm u a, tichun, mipite chuh ngeih tak in a kap tau a.

²Chun, Elam chapate laka khat, Jehiel chapa Shekania chun a hun dâwng a, Ezra kawma chun, “Ka Pathien chung u ah chun thil ka na hihkhiel ta ngêi u a, tichun, gamdang numeite chuh zi’n ka nei u a; himahlele, Israel mite a dingin zie thu ahin kinepna a um nalai hi.

³Khutichun hung tiem u, I leng pau thupiek dungzui leh I Pathien thupiek a kilang taphawtte lemguot bang zel in, zie a I ziteu leh amau a hung pieng taphawt chuh khen tha dingin, I Pathien kawm u ah thugawlh siem hitiu; tichun, zie chuh dân dungzui a hih hi hen.

⁴Kipan unla, zie thu hi nangmah chan ahi ngâla; kei u le na kieng ah um zing ing ka tingun, hangsan takin um unla, sem mai un,” a ti a.

⁵Khutichun, Ezra chuh a kipana, thiempu liente leh Levi chite leh Israel mipite chuh zie tawbanga hih ding chun a kitiem saka; khutibang chun a kipautiem chiet tau hi.

⁶Khutichun, Ezra chuh Pathien inmai a kipat chuh a kipan dawka, Eliashib chapa Jehohanan pindan a zuona, tichun, zie chun zan khuo’n saltâng vaikit te thilhihkhelh zieka lungkham in bangmah a ne’n a dâwn puoi.

⁷Chun, Juda leh Jerusalem gam chengchenga saltâng vaikit chengcheng chu Jerusalem a hung khawm dingin thu a thâk viel tau a,

⁸Ni thum sunga hung lote chuh leng leh a upate lemguot dungzui in a neihlelam chengcheng lâksak hiu in tin, amah le saltâng vaikitte laka pata paih dawk hiding ahi, ti’n thu a phuong u a.

⁹Khutichun, Juda leh Benjamin mite chengcheng chuh ni thum sungin Jerusalem achun a hung khawm suok u a, zie chuh tha kuona, ni sawmnih ni ahi. Khutichun, Pathien In mai mun âwng lien tak achun mipite chuh a chuu a; zie thu ziek leh guohpi nasa tak ziek chun a kithing a kithing mai u a.

¹⁰Chun, thiempu Ezra chuh a dinga, a kawm u ah, “Thil na hihkhiel tau a, Israel chate gitloh na behlap dingin nam dang numei te chuh zi dingin na nei u a.

¹¹Zieziekchun, LALPA na pileputeu Pathien kawm achun thupha chawi unla, a kipah lam sem un; chun, zie gama nam dang leh a numei teu laka kipat hin kikiengkawih un,” a ti a.

¹²Khutichun, mipi kikhawm chengcheng te chun a dâwng u a, “Na tih guol chun hih ung kau,” ti’n ngeih tak in a kiko u a.

¹³Himahlele, mi tampi ka hiu a, guoh a hah zuk ziekin pawlam ah ka ding zing thei puou a, ni nih ni khat thu a vak hih mai theih le ahi diek puoh a; zie thu ahin ka na hihkhiel nasa mah mah ngâl u a.

¹⁴Tuhin, mipite thasang dingin ka lawiupa teu guot hi hen la, I Pathien uh lungnat na’n ei taihsan a, zie thu hi sukbeih a hih masang sieh; I khawpi teu a nam dang numei zi a neite a dingin hunbi guot saka, khawpi chenga upate tawh, a vaihawm teu cheng tawh hung khawm u hen, a tiu a.

¹⁵Asahel chapa Jonathan leh Tikvah chapa Jehezia te vang chun zie thu chuh a niel u a; Levi chi Meshullam leh Shabethai te nih in amau chuh a panpih u a.

¹⁶Khutichun, saltâng vaikit te chun zie tawbang chun a hih tau a. Chun, thiempu Ezra chuh a inkuon chiet u a lawiupa khenkhat tawh a min dungzui zel un a kawih chuom u a; tha sawmna, ni khat ni chun zie thu ngaihtuoh chun a kikhawm u a.

¹⁷Tichun, tha khatna, ni khat ni chun nam dang numei zi a neite chuh a khen chien tau hi.

¹⁸Khutichun, thiempute lak achun le nam dang numei kichên pih muhdawk in a um a, ziete chuh: Jeshua chapate, Jozadak chapate leh a suohpih teu, Maaseiah, Eliezer, Jarib leh Gedalia te ahiu ui.

¹⁹Chun, amau chun le a ziteu ma dingin thugawlh a siem u a; chuleh a na gitloh tâk ziek u a gitloh thawihna dingin belam hawn laka belamchal khat in a kithawi u a.

²⁰Immer chate lak ah Hanani leh Zebadiah.

²¹Harim chate lak ah Maaseiah, Elijah, Shemaiah, Jehiel leh Uzziah,

²²Pashur chate lak ah Elioenai, Maaseiah Ishmael, Nathanel, Jozabad leh Elasa ahiu hi.

²³Levi chite lak ah Zozabad, Shimei, Kelaiah (Kelita le kiti sek) Pethahiah, Juda leh Eliezer te ahiu hi.

²⁴Lasa te lak achun le Eliashib ahi a; kawtkhak vengte lak achun le Shallum, Telem leh Uri ahiu hi.

²⁵Israel te lak achun Parosh chate lak Ramaiah, Izziah, Malkijah, Mijamin, Eleazar, Malkijah leh Benai te ahiu hi.

²⁶Elam chate lak achun Mattaniah, Zekaria, Jehiel Abdi, Jeremoth leh Elijah te ahiu hi.

²⁷Zattu chate lak achun Elioenai, Eliashib, Mattaniah, Jeremoth, Zabad leh Aziza te ahiu hi.

²⁸Bebai chate lak achun Jehohanan, Hanania, Zabbai leh Athlai te ahiu hi.

²⁹Bani chate lak achun Meshullam, Malluk, Adaiah, Jashub, Sheal leh Jeremoth ahiu hi.

³⁰Pahath-moab chate chuh Adna, Kelal, Benaiah, Maaseiah, Mattaniah, Bezalel, Binnui leh Manasseh ahiu hi.

³¹Harim chate lak achun Eliezer, Ishijah, Malkijah, Shemaiah, Simeon.

³²Benjamin, Malluk leh Shemariah ahiu hi.

³³Hashum chate lak achun Mattatah, Zabad, Eliphelet, Jeremai, Manasseh leh Shimei ahiu hi,

³⁴Bani chate lak achun Maadai, Amram leh Uel ahiu hi.

³⁵Benaiah, Bedaiah, Cheluhi,

³⁶Vaniah, Meremoth leh Eliashib,

³⁷Mattaniah, Mattenai leh Jaasua,

³⁸Bani, Binnui leh Shimei,

³⁹Shelemiah, Nathan leh Adaiah,

⁴⁰Maknedabai, Shashai leh Sharai,

⁴¹Azarel, Shelemiah leh Shemariah,

⁴²Shallum, Amaria leh Joseph,

⁴³Nebo chate lak achun Je-iel, Mattithiah, Zabad, Zebina, Iddo, Joel leh Benaiah te ahiu hi.

⁴⁴Ziehaw chengcheng hin nam dang numei zi’n a nei u a; tichun, a lak u a khenkhat vang chun chalenau a neih pih ui.