Read Gangte EZRA 2 Bible Online

EZRA 2 - Gangte bible

EZRA 2

¹Ziehaw hi Babulon leng Nebuknezar in Juda leh Jerusalem a kipat a sala a puihdawk Juda, gama vaikit te, mitin amau khaw lam chieta vaikit te chuh ziehaw hi ahiu hi.

²Ziehaw hi Jerubabel, Jeshua, Nehemia, Seraiah, Reelai, Mordekai, Bilsan, Mispar, Bigvai, Rehum, Baanah te tawh vaikit haw chuh ahiu hi; Israel mite laka piting tam dân chuh:

³Parosh suonte chuh sangnih leh zakhat leh sawm sagih leh nih,

⁴Sephatia suonte chuh zathum leh sawm sagih leh nih.

⁵Ara suonte chuh zasagih leh sawmsagih leh nga.

⁶Pahath-moab suonte laka Jeshua leh Joab suonte chuh sangnih leh zagiet leh sawmlenih.

⁷Elam suonte chuh sangkhat leh zanih leh sawmnga leh li.

⁸Zattu suonte chuh zakuo leh sawmli leh nga.

⁹Zakai suonte chuh zasagih leh sawmgup.

¹⁰Bani suonte chuh zagup leh sawmli leh nih

¹¹Bebai suonte chuh zagup leh sawm nih leh thum,

¹²Azgad suonte chuh sangkhat leh zanih leh sawmnih leh nih;

¹³Adonikam suonte chuh zagup leh sawmgup leh gup,

¹⁴Bigvai suonte chuh sangnih leh sawmnga leh gup;

¹⁵Adin suonte chuh zali leh sawmnga leh li,

¹⁶Ater, Hezekia le kiti sek suonte chuh sawmkuo leh giet

¹⁷Bezai suonte chuh zathum leh sawmnih leh thum,

¹⁸Jora suonte chuh zakhat leh sawmlenih,

¹⁹Hashum suonte chuh zanih leh sawmnih leh thum,

²⁰Gibar suonte chuh sawmkuo leh nga,

²¹Bethlehem mite chuh zakhat leh sawmnih leh thum,

²²Netophah mite sawmnga leh gup,

²³Anathoth mite chuh zakhat leh sawmnih leh giet,

²⁴Azmaveth mite chuh sawmli leh nih,

²⁵Kiriath-arim mite, Kephirah leh Beeroth mite chuh zasagih leh sawmli leh thum,

²⁶Ramah leh Gaba mite chuh zagup leh sawmnih leh khat,

²⁷Mikmas mite chuh zakhat leh sawmnih leh nih,

²⁸Bethel leh Ai mite chuh zanih leh sawmnih leh thum,

²⁹Nebo mite chuh sawmnga leh nih,

³⁰Magbis suonte chuh zakhat leh sawmnga leh gup,

³¹Elam apat midang suonte chuh sangkhat leh zanih leh sawmnga leh li,

³²Harim suonte chuh zathum leh sawmnih,

³³Lod, Hadid leh Ono suonte chuh zasagih leh sawmnih leh nga,

³⁴Jerikoh suonte chuh zathum leh sawmli leh nga.

³⁵Senah suonte chuh sangthum leh zagup leh sawmthum,

³⁶Thiempu Jeshua inkuon laka Jedaia suonte chuh zakuo leh sawmsagih leh thum,

³⁷Imer suonte chuh sangkhat leh sawmnga leh nih,

³⁸Pashur suonte chuh sangkhat leh zanih leh sawmli leh sagih,

³⁹Harim suonte chuh sangkhat leh sawmlesagih ahiu hi,

⁴⁰Levi chi, Hadavi inkuon leh Jeshua leh Kadmiel suonte chuh sawmsagih leh li ahiu,

⁴¹Lasa te: Asaph suonte chuh zakhat leh sawmnih leh giet,

⁴²Kawtkhak ngakte; Shallum suonte, Talmon suonte, Akub suonte, Hatita suonte, Shobai suonte haw chuh abawn un zakhat leh sawmthum leh kuo ahiu hi.

⁴³Nethinim mite: Ziha suonte, Hasupha suonte, Taboth suonte,

⁴⁴Keros suonte, Siaha suonte, Padan suonte,

⁴⁵Lebanah suonte, Hagabah suonte, Akub suonte,

⁴⁶Hagub suonte, Shalmai suonte, Hanah suonte,

⁴⁷Giddel suonte, Gahar suonte, Reai suonte;

⁴⁸Rezin suonte, Nekoda suonte, Gazzam suonte,

⁴⁹Uzza suonte, Paseah suonte, Besai suonte,

⁵⁰Ashnah suonte, Meunim suonte, Nephusim suonte,

⁵¹Bakbuk suonte, Hakupha suonte, Harhur suonte,

⁵²Bazluth suonte, Mehida suonte, Harsha suonte,

⁵³Barkos suonte, Sisera suonte, Temah suonte,

⁵⁴Neziah suonte, Hatipha suonte.

⁵⁵Solomon suokte suon: Soat suonte, Hassophereth suonte, Peruda suonte,

⁵⁶Jaalah suonte, Darken suonte, Giddel suonte,

⁵⁷Shephatia suonte, Hattil suonte, Pokereth-hazzebaim suonte. Ami suonte,

⁵⁸Nethinim mite chengcheng leh Solomon suokte suonte chuh zathum le sawmkuo leh nih ahiu hi.

⁵⁹Khutichun, ziehaw hi Tel-melah, Ter-harsha, Kekriib, Addan leh Imer akipat a hung pawt ahiu ui; himahleh, a pileputeu leh a suonteu apat in Israel suon ahi nau hi tih a sulang thei puou hi.

⁶⁰Delaiah suonte, Tobia suonte, Nekoda suonte chuh zagup le sawmnga leh nih.

⁶¹Chun, thiempu suonte chuh: Habai suonte, Hakoz suonte, Gilead mi Barzillai chanute laka khat zi’n a nei a, amin uh lo ngâl in Barzillai a kitii.

⁶²Zie te chun khanggui sutna ah a min uh a hawl u a, himahleh a mu zo puou hi. Zieziekchun, a thienglo a ngaih in a um u a; thiempu a hih nau apat chun haihsak ahi tau hi.

⁶³Chun, Tarshath chun a kawm u ah, “Urim leh Thumim kibelh a thiempu a hung dindawk masang sieh thil thiengtho chuh ne thei puo’n lau,” a ti a.

⁶⁴Mipi chieh khawm chengcheng chuh singli leh sangnih leh zathum leh sawmgup ahiu hi.

⁶⁵A suok teu pasal leh numei sang sagih leh zathum leh sawmthum leh sagih te simloh in; lasa chi pasal leh numei zanih a nei ui.

⁶⁶A sakawl u chuh zasagih leh sawmthum leh gup ahi a, a sabiltung u chuh zanih leh sawmli leh nga ahi.

⁶⁷A sangawngsau u chuh zali leh sawmthum leh nga ahi a, sabiltungneu chi chuh sanggup leh zasagih leh sawmnih ahi.

⁶⁸Chun, Jerusalem a LALPA In a tun phet un inkuon a papen te chun Pathien In chuh amun ngei mah a tundawk kit na dingin kiphal takin a pie khawm u a.

⁶⁹A piek theih dân dungzui chiet un zie nasep na ding chun sum bawm a chun sana darik singgup le sangkhat, dangkaguo mina sangnga leh thiempute puonsilh chi zakhat a hun pie khawm u a.

⁷⁰Khutichun, thiempute leh Levi chite leh mi khenkhat, lasate leh kawtkhak vengte leh Nethinim te chuh a khuo chiet u ah a cheng u a, Israel mi chengcheng chuh amau khuo chiet ah a cheng tau hi.