Read Gangte NEHEMIA 10 Bible Online

NEHEMIA 10 - Gangte bible

NEHEMIA 10

¹Tichun, ziehaw hi suoikai te chuh ahiu hi: Hakalia chapa, gam awptu Nehemia leh Zedekia.

²Seraiah, Azaria, Jeremia.

³Pashur, Amaria leh Malkijah.

⁴Hattush, Shebna leh Malluk.

⁵Harim, Meremoth leh Obadia.

⁶Daniel, Ginethon leh Baruk.

⁷Mashullam, Abija leh Mijamin.

⁸Maaziah, Bilgai leh Shemaia, ziehaw hi thiempute ahiu hi.

⁹Chun, Levi te chuh, Azania chapa Jeshua, Henadad chate laka Bunnui leh Kadmiel.

¹⁰Chun, a suohpih Shebania, Hodija, Kelita, Pelaia leh Hanan.

¹¹Mika, Rehob leh Hashbia.

¹²Zakur, Sherebia leh Shebania.

¹³Hodija, Bani leh Baninu.

¹⁴Mipite laka hotu te, Parosh, Pahath-moab, Elam leh Zattu, Bani tawh.

¹⁵Bunni, Azagad leh Bebai.

¹⁶Adonija, Bigvai leh Adin.

¹⁷Ater, Hizkija leh Azur.

¹⁸Hodija, Hashum leh Bezai.

¹⁹Haria, Anathoth leh Nebai.

²⁰Magpias, Meshullam leh Hezir.

²¹Meshezabel, Zadok leh Jaddua.

²²Pelatia, Hanan leh Anaia.

²³Hosea, Hanania leh Hashub.

²⁴Hallohesh, Pileha leh Shobek.

²⁵Rehum, Hashabna leh Maaseiah.

²⁶Ahia, Hanan leh Anan.

²⁷Malluk, Harim leh Banna.

²⁸Chun, midang, thiempute, Levi te, kawtkhak vengte, lasate, Nethinim te leh Pathien Dan zuih guo midang te laka kikawih thiengtho haw leh a ziteu leh a chapateu leh a chanuteu, hetna leh hetthiemna nei taphawt te chun,

²⁹A suohpih teu leh a milien teu chu tawh, Pathien Dan, LALPA suok Mosi kawma a piek te, leh a vaihawmna leh a thuguot te chuh chingthei taka zui leh vawp dingin a kipautiem tau a.

³⁰Zie gam mite chuh ka chanu teu neihsak lo a, a chapa teu ka chanu teu zi a neih sak lo ding leh,

³¹Zie gama mite chun chawlhni a thil zuok ding thuomphuo ahim nek theih ahim zuok dinga a hun chawih u leh chawlhni ahim umnit ni ahim a châwksak lo ding leh kum sagihna a thaichi leh thaigah haw chuh lakhawm lo a leiba chengcheng le beng lo dingin hansie khu ngâp hielin ka kipautiem tau a.

³²Chun, ka Pathien Ho-In a nasepna dingin sekel mun thum a khen a mun khat kum chenga piek dingin dân ka siem u a.

³³Dawhkhâng a chângthâk kawih ding te, an thillat ding te, chawlhni thilpiek dingte, Tha thak guolvakna dingte, hunbi nei Kut a ding te, kithawihna thiengtho Israel chate a dinga bawl ding leh ka Pathien In a nasep na ding haw cheng a mat dingin.

³⁴Ka pileputeu inkuon dungzui a kum chenga hunbi kiguot, dân bu a kizik banga LALPA Pathien maichâm a hâl ding thilpiek lakhawm ding hetna dingin, kei uh thiempute leh Levi chite hin mipite tawh phun ka san u a.

³⁵Chuleh, kum chenga lo a thai gah masapen leh thing chitin a gah masa LALPA In a hun chawi dingin.

³⁶Dan bu a kizik banga, ka chapateu laka pieng masapen leh ka ganchateu laka pieng masapen, ka bâwngguol u leh ka belam hawn lak u a pieng masapen chuh ka Pathien In u a nasem thiempu te kawma hun chawi dingin.

³⁷Chun, ka changbuong mêk masak pên u leh pei thillat te, thing chitin gah leh, uain leh sathau haw chuh ka Pathien u in a pindan a thiempute masanga ka hun chawih dinguh ahi. Chun, ka lo u a buh sawma-khat chuh Levi te masanga ka hun chawihkhawm dinguh ahi, ka nasep na mun u leh khuo haw a sawma-khat lakhawm chuh Levi chite ahi ngâl u a.

³⁸Chun, thiempu chi Aron suon te chuh Levi chite’n sawma-khat a lâkkhâwm lai u chun a kawm u a a um dinguh ahi, chun, Levi chite chun sawma-khat a sawma-khat chuh Pathien In a go kawih khawmna mun a a kawih lut dinguh ahi.

³⁹Israel mipite leh Levi chite chun buh te, uain thak leh sathau te, ûmlebel te chuh munthiengtho a nasem thiempute, kawtkhak vengte leh lasate umna muna a hun chawih ding uh ahi; chun ei un LALPA I Pathien In chuh I ngaihthah loh dinguh ahi.