Read Gangte NEHEMIA 7 Bible Online

NEHEMIA 7 - Gangte bible

NEHEMIA 7

¹Chun, hiti hi ahi a, kulhbang ka bawl zawh phet un, a kawtkhak haw chuh ka tuoh kita; kawtkhak veng dingte, lasa dingte leh Levi chite chuh guot zawh ahi ta a.

²Ka suohpih Hanani leh leng Inpi a vaihawm Hanania te chuh Jerusalem enkawl dingin ka guot a, amah chuh mi ginum ahi a, midang cheng sanga Pathien kihcha mi ahi.

³Chun, a kawm u ah, “Jerusalem kawtkhak haw chuh ni asat masieh a hawn loh ding ahi a, gâlveng te a din sung u chuh kawt khâk chuh a bawna khâk hi henla, kam chak bikbek ding ahi. Chun, Jerusalem a mite veng ding guot unla, mitin chuh amau gâlven hun chiet leh amau in zawn chiet ah kawih in,” ka ti a.

⁴Khawpi chuh a lien a, a thupi mah mah ngâla, ahihziekin a sung a mite chu tawmchah ahiu a; a In haw le sak nailoh ahi a.

⁵Chun, ka Pathien in miliente, vaihawmte leh mipite samkhawm a, a suon teu dungzuia sim dingin ka lungthim ah ei hetsak a. A chieh to masapen te khangthu zikna bu ka mu a, zie chun hiti hin a kizik hi:

⁶Sala puih mang, Babulon leng Nebuknezar in a puih te laka saltâng vaikit a Jerusalem leh Juda gama amau khuo chieta chieh kitte leh zie gama nutsieh haw chuh ziehaw hi ahiu hi.

⁷Zeruba-bel, Jeshua, Nehemia, Azaria, Raamia, Nahamani, Mordekai, Bilsha, Mispereth, Bigvai, Nahum leh Baanah lawi a hung kitawn haw chuh; zie Israel mipite tam dân chuh hitibang hi ahi.

⁸Parosh suonte chuh sangnih leh zakhat leh sawmsagih leh nih.

⁹Shephatia suonte zathum leh sawmsagih leh nih.

¹⁰Ara suonte zagup leh sawmnga leh nih.

¹¹Jeshua leh Joab suonte laka Pahath-moab suonte chuh sangnih leh zagiet leh sawm leh giet.

¹²Elam suonte sangkhat leh zanih leh sawmnga leh li,

¹³Zattu suonte zagiet leh sawmli leh nga.

¹⁴Zakai suonte zasagih leh sawmgup.

¹⁵Binnui suonte zagup leh sawmli leh giet.

¹⁶Bebai suonte zagup leh sawmnih leh giet.

¹⁷Azgad suonte sangnih leh zathum leh sawmnih leh nih.

¹⁸Adonikam suonte zagup leh sawmgup leh sagih.

¹⁹Bigvai suonte sangnih leh zagup leh sagih.

²⁰Adin suonte zagup leh sawmnga leh nga.

²¹Hezekia suona Ater suonte sawmkuo leh giet.

²²Hashum suonte zathum leh sawmnih leh giet.

²³Bezai suonte zathum leh sawmnih leh li.

²⁴Harip suonte zakhat leh sawmlenih.

²⁵Gibeon suonte sawmkuo leh nga.

²⁶Bethlehem leh Netophah mite zakhat leh sawmgiet leh giet.

²⁷Anathoth mite zakhat leh sawmnih leh giet.

²⁸Beth-azmaveth mite sawmli leh nih.

²⁹Kiriath-jearim, Kaphir leh Beeroth mite zasagih leh sawmli leh thum.

³⁰Ramah leh Geba khuo mite zagup leh sawmnih leh khat.

³¹Mikmas khuo mite zakhat leh sawmnih leh nih.

³²Beth-el leh Ai mite zakhat leh sawmnih leh thum.

³³Nebo danga mite sawmnga leh nih.

³⁴Elam dangte suon sangkhat leh zanih leh sawmnga leh li.

³⁵Harim suonte zathum leh sawmnih.

³⁶Jerikoh suonte zathum leh sawmli leh nga.

³⁷Lod, Hadid leh Ono suonte zasagih leh sawmnih leh khat.

³⁸Senah suonte sangthum leh zakuo leh sawmthum.

³⁹Thiempu chi saltâng vaikitte chuh ziehaw hi ahiu hi: Jeshua inkuonte laka Jedaia suonte zakuo leh sawm sagih leh thum.

⁴⁰Immer suonte sangkhat leh sawmnga leh nih.

⁴¹Pashur suonte sangkhat zanih sawmli leh sagih.

⁴²Harim suonte sangkhat leh sawm leh sagih.

⁴³Levi chi saltâng hung vaikitte chuh: Jeshua leh Kadmiel suonte leh Hodeva chate sawmsagih leh li.

⁴⁴Lasate: Asaph suon a zakhat leh sawmli leh giet.

⁴⁵Kawtkhak vengte: Shallum Suonte, Ater suonte, Talmon suonte, Akub suonte leh Shobai suonte chuh zakhat leh sawmthum leh giet.

⁴⁶Nethinim te: Temple a nasemte laka vaikit te chuh, Ziha suonte, Hasupha suonte leh Tabbaoth suonte.

⁴⁷Keros suonte, Sia suonte, Padon suonte.

⁴⁸Lebanah suonte, Hagaba suonte, Shalmai suonte.

⁴⁹Hanan suonte, Giddel suonte, Ga-har suonte.

⁵⁰Reaiah suonte, Rezin suonte, Ne-koda suonte.

⁵¹Gazzam suonte, Uzzai suonte, Phaseah suonte.

⁵²Besai suonte, Me-unim-suonte, Ne-phishe-sim suonte.

⁵³Bakbuk suonte, Ha-kupha suonte, Harhur suonte.

⁵⁴Bazlith suonte, Mehida suonte, Harsha suonte.

⁵⁵Barkos suonte, Sisera suonte, Tamah suonte.

⁵⁶Neziah suonte, Hati-pha suonte.

⁵⁷Solomon suokte suon, Sotai suonte, Sophe-reth suonte, Perida suonte.

⁵⁸Jaala suonte Darken suonte, Giddel suonte;

⁵⁹Sheph-a-tiah suonte, Hattil suonte, Poke-reth Zeba-îm suonte, Amon suonte.

⁶⁰Nethinim te cheng leh Solomon suokte suon chuh zathum leh sawmkuo leh nih ahiu.

⁶¹Telmelah, Tel-haresha, Cherub, Addon leh Immer khawpi apat a hung to te chuh ziehaw hi ahiu. Himahleh, a pileputeu inkuon te leh a suon sawn teu chuh Israel a hih u leh hih loh uh sut theih a hi puou hi.

⁶²Delaiah suonte, Tobia suonte, Ne-koda suonte chuh zagup leh sawmli leh nih ahiu.

⁶³Chun, thiempute laka Hobai suonte, Hakoz suonte, Bar-zillai suonte, Gilead mi Bar-zillai chanu zi a nei amau min a kisam te chuh.

⁶⁴Ziehaw chuh a khangthu sutnau achun a min uh a hawl u a, himahleh, a mu puou a: zieziekchun, nam thienglo a ngaih ahiu a, thiempu a hihnau chuh pawm ahi puoi.

⁶⁵Chun, Tirsha-tha chun a kawm u ah, thiempu khat Urim leh Thumim tawh a hung pawt masang sieh chuh thil thiengtho pên chuh na nek loh dinguh ahi, a ti a.

⁶⁶Mipi kikhawm chengcheng chuh singli leh sangnih leh zathum leh sawmgup ahiu hi.

⁶⁷A suok numeiteu leh a suok pasalteu sang sagih leh zathum leh sawm thum leh sagih simloh in; chuleh, lasa numei leh pasal zanih leh sawmli leh nga a nei u a.

⁶⁸A sakawl u chuh zasagih leh sawmthum leh gup ahi a, a sakawlneu u chuh zanih leh sawmli leh nga ahi a;

⁶⁹A sangawngsau u chuh zali leh sawmthum leh nga ahi a, a sabiltung u chuh sanggup leh zasagih leh sawmnih ahi.

⁷⁰Chun, inkuon a lawiupa khenkhat chun zie nasep na ding chun thilpiek a pieu a. Gamawptu chun tuoklawm in sana darik sangkhat, kuongkang sawmnga, thiempute puonsilh zanga leh sawmthum a hun tuok a.

⁷¹Chun, inkuon a lawiupa khenkhat chun In sakna ding tuoklawm sana darik singnih leh dangkaguo lep sangnih leh zanih a tuok u a.

⁷²Chun, midang te piekkhawm chengcheng chuh sana darik singnih leh dangkaguo lep sangnih leh thiempute puonsilh sawmgup leh sagih ahi.

⁷³Tichun, thiempute, Levi chite, kawtkhak vengte, lasate leh midang khenkhat leh Nethinim te leh Israel chate chengcheng chuh Juda khawpi haw a chun a cheng tau a; chuleh a tha sagihna a chun Israel chate chuh amau khawpi chiet ah a cheng tau hi.