Read Gangte ESTHER 10 Bible Online

ESTHER 10 - Gangte bible

ESTHER 10

¹Khutichun, leng Ahasuer chun a gamsung leh tuisuohgiet tuikuol haw chuh leiman a chawihsak a.

²Chun, a thilhih theihna leh hatna a a thilhih chengcheng leh Mordekai lopina chungchâng, leng in a chungnun sak dân thu chuh kimtak in Media leh Persia lengte vaihawm lai chanchin zikna bu ah a kizik vek hi.

³Juda mi Mordekai chuh leng Ahasuer bân taka chuh ahi a. A unaute chun a zah u a, a mite leh a suonte phatna dingin na a sema, a chipihte kawmah lungmuonna thu a gena, Judate lak ah a lopi mah mah hi.