Read Gangte JOB 20 Bible Online

JOB 20 - Gangte bible

JOB 20

¹Zophar, Naamath mi chun a dâwng a:

²Ka ngaihtuohna te na subuoi a, Kintaka ka hun dâwn ahi.

³Na thugen chuh nei suohsalhna thu ahi a, Himahleh a hun dâwn ding dân ka he nai.

⁴Ma a leichung a mihiemte um a thâk in, Zie hi a na helo na hi maw?

⁵“Mi nunsiete zawhna chuh a chawm sek a, Pathien helote kipahna chu le mitphetkal mai ahi,” tih hi.

⁶A phatna chun van suhiel henla, A luchang chun mei lak khu va pha mah leh,

⁷Amau êk guolin kumkhuo’n beimang den in au. Amah a na musate chun, “Khawia um ahi tau hi?” ti’n au.

⁸Mang bangin leng mang intin, Muhphak hita puo’n a: Ahi, zan a kilâkna bangin delhmang hi’n a.

⁹Amah mu sek mit khan mu ta puo’n tin, A muh inle mu kha diek ta puo’n a,

¹⁰A chate’n mi gimtheite lungsietna ngên untin, A khut in a sumlepai chu pie kit ta’n a.

¹¹A guh te chuh tanglak gitlohna’n a dima, Mahleh, ziehaw chuh a kawma leivui achun kuol ta’n a.

¹²Nunsietna hi a kam ah thum hen la, A lei nuoi u achun selgu mahleu,

¹³Kawih zing u henla thahdawk phal lo in, A kam sung ah muom zing mah leu le,

¹⁴A an nêk chuh a gil sung ah hung zatchuom intin, A sung ah gûl gu hattak a hung suok ta a.

¹⁵Amau chun hauhsakna chuh a valh u a, luodawk kit untin, a gil u apat in Pathien in lâkdawk sak in a.

¹⁶Gûl gu chuh châwp intin, Gulsie gu chun amah that in a.

¹⁷Luipi haw chuh mu ta puo’n tin, Khuoizu leh bâwngnawi tuikan a luong luite chuh.

¹⁸A khut sepgim gah chuh chân un tin, A sumdawnna veilawkte chuh nuom takin valh lut puo’n a.

¹⁹Mi chagahte chuh a musit in a ngaihsak puoh a, In, a sak lohpiu chuh a pawng lak ziekun.

²⁰A huoihamna chuh a lungkimpih theih loh ziekin, A kipahna thilte chuh bangmah khawl diek puo’n a.

²¹A nêk zawh loh bangmahcha a um puoh a, Zieziekchun, a sumlepai chun thuok puo’n a.

²²Akibutit lai tak u chuh a lungzîn lai tak uh hung hi’n tin, Lungkhamna chitin in hun delh khum in a.

²³A gilpi chuh vakvah kêi ding ahih phat chuleh, Pathien in a lungnatna chuh a chungah hun sungtha’n tin, A nek dingin a chungah guohzuk in zuk sak in a.

²⁴Thik gâlvan lau in tai un tin, Sumeng thalpi chun amah chuh kaplet in a.

²⁵A zûk dawk a, a taksa apat in a hung pawt a, Ahi, a mûk zum val liklek chuh a thinkha apat in a zûk dawk a, Thil lauh-umte chuh amah chunga chun a hung tung ta a.

²⁶A go dingin thim sah tak khawlkhawm ahi a, Kuomah mûtkuong loh mei in katum intin, A puon-In a thil kitaihsan taphawt chuh hih mangthai hi’n a.

²⁷Van haw chun a manlohnau phuong untin, Lei chun amah chuh do in a.

²⁸A In a a neihlelam chun amah taihsan intin, Pathien lungnat ni chun a thuomphuo haw chuh tawl mang in a.

²⁹Ziehi Pathien a pata mi nunsie chanvo ahi a, Go luoh ding, Pathien in amah a dinga a guot sak chuh ahi.