Read Gangte JOB 35 Bible Online

JOB 35 - Gangte bible

JOB 35

¹Chun, Elihu chun a gen zawm zel a:

²Ziehi dik in na ngai em? Pathien masangah ka diktat hi na tih hi?

³Nangin, “Keia dingin bang phatchuomna a um dinga ahim, Gitlohna nei hi ta mawng lengle bang phatchuomna a uma ahim?” na tih hi.

⁴Nang leh na guolte tawh, Ken hun dâwng ing ka,

⁵Van lam ah dâk inla, en tie, Mei haw khu en inla, nang sangin a sang zawu khu,

⁶Thil na sukkhelh inle, amah dingin banga khawk, Na sukkhelhna a pun inle, amah dingin banga khawk diek?

⁷Na diktata ahih leh, amah dingin banga na piek? Ahihloh leh, na khut apat in banga a muh?

⁸Na nunsietna chun nang tawbang mi mai a suna a, Na diktatna chun mihingte mai siempha’n a.

⁹Sukgimtheihna pun ziekin mipi a kiko u a, Mihatte bân ziek chun panpihna ngaiin a kiko u a,

¹⁰Himahleh, kuoma’n, “Ei siempa Pathien chuh khawitaka um ahim, Zan laia la ei sak sakpa chuh?

¹¹Leia gamsate sanga ei sinsak tamzaw pa chuh, Chung leng vachate sanga ching zaw a ei siempa chuh?” a ti puou hi.

¹²Zie tak achun a kiko u a, kuoma’n a dâwng puou a, Mi chapote haw uonna ziek chun.

¹³Pathien in ngetna dukdaklo chuh ngaitha puo’n tin, Bangakai hihtheipa chun ngaitha diek puo’n a.

¹⁴Nang chun la, “Amah ka mu puoh a, Thu ngaihtuoh ding chuh a masangah a um zing a, Amah ka ngak zing hi,” na vak ti vang vei a.

¹⁵Tu a lungna a a gawt zieng loh ziek leh, Chapona a vak ngaihsak zieng loh ziek hin,

¹⁶Job hin a kam a ka mai maia, Hetna nei sam lo in thu a sutam maimai hi.