Read Gangte JOB 40 Bible Online

JOB 40 - Gangte bible

JOB 40

¹Chun, LALPA chun Job kawmah a gen a:

²“Mi nielkalhpa chun Bangakai hihtheipa chuh a niel ding ahim? Kuole, Pathien niel ta chun dâwng hen,” ti’n,

³Tichun Job in LALPA chuh a dâwng a,

⁴“Ngaitie, kei migilo hin, bangti’n ahim ka dâwn theih ding? Ka khut in ka kam ka him mai ahi.

⁵Khatvei ka gen ta a, hun dâwng ta puo’ng ka; Ahi, nihvei, a khel gen zawm ta puo’ng ka,” a ti a.

⁶Chun, LALPA’n Job chuh chînpei apat in a dâwng a:

⁷“Pasal takin na puon chêng inla, Thu hun dawng ing ka ting, ei dâwng in.

⁸Nang nasan in ka vaihawm hi ngaidau ding na him? Thiem na chan theihna dingin, Kei thiemloh nei chansak dinga ahim?

⁹Pathien bangin bân na nei a ahim? Amah tawbang in vanpi git guolin aw na suoh thei dem?

¹⁰Tuhin nang chuh lalna leh zah-umna’n vak kivan inla, Limbawlna leh lopina’n kithuom in.

¹¹Na lungnatna dimlet te chuh sungdawk inla, Mi chapo taphawtte chuh en inla, hihniem in.

¹²Mi chapo taphawtte chuh en inla, hihniem inla, Mi nunsiete chuh a dinna apat tawhden in.

¹³Leivui lak achun amau haw chuh abawn un sel khawm inla, Mun thip ah a maiteu tuom sak in.

¹⁴Tichun, na khut changlam in na hukdam thei hi tih,” Kei ngêi in hun hetsak ing ka.

¹⁵En in Behemoth nangmah banga ka siem hi, Bâwngchal guolin hampa a pet a,

¹⁶En in, a hatna chuh a kâwng ah a um a, A tha chuh a gilpi pheh laka chuh um ahi.

¹⁷A mei chuh sidar bangin a khauh a, A khelpi thaguite chuh a kiphêk khawm a,

¹⁸A guhte chuh sumeng theikhuong tawbang ahi a, A guh leh chângte chuh thiktawn bang ahi.

¹⁹Pathien thilsiem lak achun a lienpen ahi a, A siempa mai chun a chemzâm chawiin a naih thei hi.

²⁰Amah a dingin tangte chun nek ding a hun puok sak sek u a, Zie chun gamsa chengcheng te chuh a kichiem ui.

²¹Thing bawk nuoi haw achun a kuol a, Phailuong kung nuoi leh dâwp lak haw a chun le a bawk sek hi.

²²Thing bawk lîm te chun amah a lieh a, luicha a huisumte chun a ûmkimvel a.

²³Ngaitie, tui a hung let zawih zawih inle a lau puoh a, Jordan lui chuh a kam tiengin hung lien mahleh, a kimuong mah mah hi.

²⁴Kuo a ngakuoi a khaidawk thei a, a nâkhawm a thik a vit let thei ding um?