Read Gangte SAM 10 Bible Online

SAM 10 - Gangte bible

SAM 10

¹Aw LALPA bang a tih leh gamla taka ding sek na hi? Bang a tih leh lungkham lai taka kisel sek na him?

²Migilosalote chun mi gimtheite chuh hah delh in a delh sek u a; A thil gilo ngaihtuoh dawk hawu achun amau âwk u hen.

³Migilosalo chun a lungthim deihlam u chuh a kisuonpih u a, Mi duh-âm chun hansie kilawh ding chauh in LALPA chuh a paih tha a, a musit sek.

⁴Migilosalo chun “Kisaktheih melpu’n Pathien a hawl puoh a,” a ti sek, A ngaihtuoh na chengcheng chuh, Pathien a um puoi, tih ngen cha ahi.

⁵A um dân haw chuh bangtik inle a det zinga; Na vaihawmna haw chuh chunglam gamla taka, a muh phâk loh in a um a.

⁶A lungthim chun, “Kilîng puo’ng ka: Khang chengcheng tieng inle melma nei puo’ng ka,” a ti a.

⁷A kam chuh sapsietna te, lepbawlna te, bawl gimtheihna ten a dim a: A lei nuoi a chun thil gilo hihna leh ginmawhna a um a.

⁸Khaw tin ah chângukna mun haw achun a chu sek a: Mun thip achun bangmah susie lo te a that sek: A mit in bangmah hih theilo te haw chuh a chânggu zing sek hi;

⁹Sakeibaknei in a mah kul sunga a chânguk bang in amah chun mun thip ah a chânggu zing sek a: Mi gimthei mat guo’n a châng sek a; Mi gimthei chuh a man ngêi a, tichun a lên in a luoi mang sek.

¹⁰A bawkpek a, a khun a, bangmah hih theilo te chuh a thunuoi ah a kawih sek hi.

¹¹A lungthim chun, “Pathien in a hetngilh ahi; A mai chuh a sel a; bangmah tikin mu puo’n a,” a ti seka.

¹²Aw LALPA, tho inla; aw Pathien na khut hun lam tie Mi gimthei haw chuh hengilh ki’n la.

¹³Bang zieka migilote chun Pathien nungngat a, A lungthim in, “Ngên puo’n la,” a tih sek chuh?

¹⁴Muh chuh na mu zing ta a; na khuta din dingin thil phalo leh sukbuokna na en zing sek a: Bangmah hih theilo haw chuh na kawmah a hung kivawp sak sek u a; Pa neilo panpihpa na hi sek kha.

¹⁵Migilosalo leh thil phalo hih te khut chuh subawng inla; Migilo chuh gilo salo a hihna khat le sit lo in hawldawk in,

¹⁶LALPA chuh kumlekhuo a din Lalpen ahi a: Namte chuh amah gama kipatin a bei mang tau hi.

¹⁷LALPA, kingainiem te ngetna na ngaitha a: A lungthim uh kisak sak in na tin, A bil un le zak sak in na tin,

¹⁸Pa neilo leh êngbawlna thuokte vaihawm sakna’n, Thunuoigawlh te deihlam chuh na ngaitha ta a: A lunggil u chuh guonggalh in na tin, na nakhang chuh ngaihthak sak in la.