Read Gangte SAM 11 Bible Online

SAM 11 - Gangte bible

SAM 11

¹LALPA achun ka ginna ka nga sek a: Bangti dana ka hinna kawm ahin: “Tang lam a chun, vacha bangin lengmang un.

²Entiem u, lunggil diktak pu thim nuoia a kap theihna dingun. Migilosalote chun thalpo a luoi u a, A thal u chuh a gui ah a bulh chiet ui.

³Suong vuih haw chuh suksieta a um chun, Mi diktat in bang a lawh thei die?” na tih sek uh?

⁴LALPA chuh a Ho-In thiengtho ah a um a, LALPA chuh, a lalchutphah van ah a um a; Mihiem chate hi a mit in a en a, a thilhih teu a mûi.

⁵LALPA chun mi diktat leh migilo chuh a patep sek a: Thagum suoh ngaina haw vang chuh a hinna chun a haw sek.

⁶Migilote chung achun mei leh kât zuk sak in na tin; Huihlum tak mi katum thei chuh a chanvo dinguh ahi.

⁷LALPA chuh a diktat ngâl a; diktatna thilhih chuh a ngaina sek a: Mi diktat haw chun a mel chuh hun mu’n au.