Read Gangte SAM 113 Bible Online

SAM 113 - Gangte bible

SAM 113

¹LALPA chuh pakchau in. Aw LALPA sawntawlawi te, pakchau unla, LALPA min chuh pakchau un.

²LALPA min chuh pahchak in um hen, Tu a pat in kumlekhuo’n.

³Ni suohna apat a tumna tieng in LALPA min chuh pahchak ding ahi.

⁴LALPA chuh namtin cheng chunga chungnung pên ahi, A lopina chun van nasan khule a khup hi.

⁵LALPA ka Pathien uh tawbang kuo a um? Chunglama lalchutphah ah a chu a,

⁶Vana thil um haw leh lei a thil um haw en a, Hung kum suk pa chuh.

⁷Amah chun chagah te chu leivui apat in a dawm kâng a, Tasamte chu vut lak apat a dawm kâng sek hi;

⁸Leng chate kawma a chut sak theih na ding in, A mite laka milien haw kawm ngêi a chun.

⁹Amah chun numei chîng chu In leh lo a pie a, Chate dinga nu kipâk leh nuomsa’n a siem sek a. LALPA chuh pakchau in.