Read Gangte SAM 114 Bible Online

SAM 114 - Gangte bible

SAM 114

¹Israel te chuh Aigupta a kipatin a pawt u a, Jakob inkawte ngêi chu pau hetloh lak ah a pawt lai u khan.

²Juda chuh Pathien mun thiengtho ana hi a, Israel chuh a vaihawmna gam ana hi.

³Tuipi chun zie chuh a mu a, a taimang a; Jordan lui chu a leh luon ta a.

⁴Tanglien haw chuh belamchal haw guol in a kithawh u a, Tangneu haw chuh belamno bang in.

⁵Aw nang tuipi, bangati a taimang na hi? Aw nang Jordan, bangati a leh luon na hi?

⁶Nanguh tângliente haw, bangti na hi ta mai u a, belam chal haw banga na kithawh tak mai uh? Nang haw tângneute haw, bang na ti ta mai u a, belamno guola na kithawh tak mai uh?

⁷Aw lei lung, LALPA âng ah kithing in, Jakob Pathien masang achun;

⁸Amah chun suongpi chuh dîl a suok sak a, Meisuong chuh tuinak a suoh sak hi.