Read Gangte SAM 116 Bible Online

SAM 116 - Gangte bible

SAM 116

¹LALPA chuh ka hehpih hi, ka aw leh Lungsiet ka ngetna te chu a ngaihthak ziek in.

²Kei lama a bil a hun dawh ziek in, Ka damlai chan in amah chu sam ing ka.

³Thihna khauhuol ten ei zem a, Sheol natna chun ei man a; Lungdawnna leh lungkhamna ka thuok a.

⁴Ziephet chun LALPA min chuh ka sam a, “Aw LALPA, lungsiet takin ka hinna hi humbit inla,” ti’n.

⁵LALPA chuh mi lungsiet thei tak leh diktat tak ahi a; Ahi, I Pathien u chuh zahngai thei tak ahi.

⁶LALPA chun mimawlte chu a humbit sek a: Hih niem in ka um a, amah chun ei hukdam ta a.

⁷Aw ka hinna, na chawlhna achun vaikit in; LALPA chun na chungah phatak in a hih ta ngâl a.

⁸Ka hinna hi thihna lak ah, Ka mitte hi mittui lak ah, Ka kengte hi pukna lak apat in na hukdawk ta ngâl a.

⁹Mihing gama hin LALPA ma ah leng ing ka.

¹⁰Ka taksang a, thu gen ding ka hi hi: “Nasa taka hih gimtheih in ka um a,”

¹¹Ka humhai a, “Mi chengcheng hi lepchieh ahiu hi,” ka na ti ta a.

¹²Ka chunga a thil hihphat chengcheng ziek hin LALPA chuh bang ka piethuk ta dem?

¹³Hukdamna khawn la’ng ka ting, LALPA min lo ing ka.

¹⁴Ka thutiem chuh LALPA masang ah suguitung ka ting, Ahi, a mite chengcheng ma achun.

¹⁵A mithiengthote thihna chuh LALPA ngaih chun lul tak ahi.

¹⁶Aw LALPA, na sawntawlawi ka hi a; Na sawntawlawi, na sawntawlawi nu chapa chu ka hi;

¹⁷Kipah thu gen kithawihna chu hun pie’ng ka ting, LALPA min chuh lo ing ka.

¹⁸Ka thutiem haw chuh LALPA kawmah subuting ing ka, Ahi, a mite chengcheng masang a chun.

¹⁹LALPA ho-in huongsung inmai ah, Aw Jerusalem, na lailung tak ah guitun sak ing ka. LALPA chuh pakchau in.