Read Gangte SAM 12 Bible Online

SAM 12 - Gangte bible

SAM 12

¹LALPA, ei panpih in: Pathien ngaihsak mi a um ta puoh ngâl u a, Mihiem chate lak apat hi mi muon-um chuh a bei ta ngâl u a.

²Mitin in a vengteu kawmah lepchieh thu mai a gen a gen sek u a; Kipahchak na lêm mûk leh lepbawlna lunggil pun thu a gen sek u a.

³LALPA chun pahchak lêm na mûk haw chengcheng chuh ât tha hen la, Thu chapo tak genna lei haw chuh tawh:

⁴A mah chuh, “I lei u hin zo hiting un, I mûk u hi ei mau a ngêi ahi a puo, kuo a I chung u a lal um?” a ti sek u a.

⁵“Chagahte a sukgimtheih ziek u leh, tasamte chuh a thum-amau ziekun, Tuhin kipan ding ka hi a: A utchak uh bitna mun achun kawih ding ka hi,” LALPA’n a tii.

⁶LALPA thutiem haw hi thu thiengtho tak ahi; Dangka lei chunga hâltuina mei a etchet a, Sagih vei sukthientho sa nung tawbang ahi.

⁷Aw LALPA, nangin kei uh haw hi nei veng in na tin, Zie khangthak haw lak ahin kumlekhuo’n ei humbit inla. Mihiem chate lak ahin gitlohna chuh chawihsâna a um in,

⁸Migilosalo haw chuh a vak viel hethut sek ui.