Read Gangte SAM 122 Bible Online

SAM 122 - Gangte bible

SAM 122

¹“LALPA In ah chieh hitiu,” Ka kawma a tih lai u khan ka kipâk a.

²Aw Jerusalem na kulh kawtkhak sung achun Ka keng u haw chuh a ding tai;

³Jerusalem khawpi dettak leh bit taka tundin kit ahi tai:

⁴LALPA min pakcha dingin, Zie tak achun nam haw chu a chieh to sek ui, LALPA namte chuh, Israel kawma thu hetsakna ding in.

⁵Zie tak achun vaihawmna in dingin lalchutphah haw chu a tieng u a, David inkawte lalchutphah chuh.

⁶Jerusalem thamuonna ding ngetsak unla: Nang hun ngainate chu lawhting u hen.

⁷Na kulh bâng haw a chun thamuonna um hen la, Na lal In haw achun thamuon na um hen.

⁸Ka inkawte leh ka guolte ziekin, Na sung ah thamuonna um hen, ti’ng ka.

⁹LALPA I Pathien uh in ziek chun Na phatna ding hawl ing ka.