Read Gangte SAM 124 Bible Online

SAM 124 - Gangte bible

SAM 124

¹Ei u lam a pang LALPA hi kimaizen le chuh, Israel te’n tiu hen;

²“Mi haw’n ei suol lai u khan I lam u a pang LALPA hi kimaizen le chuh:

³Zie petcha khan amau chun I hingsan un ei valh ta’n au. I chung u a a tawm lawh pêt u khan:

⁴Zie hun lai mah khan tui haw khan ei chup tum ta’n tin, Lei chun ka hinnau hi vuk tum in a:

⁵Zie hun lai khan tui kinawkte chun I hinnau kha vuk tum un au.”

⁶Sa peh guola peh dinga a kawm u a ei pie lo pa, LALPA chuh pahchak in um hen.

⁷Thângkam te thâng a pata vacha pawt bang in I hinnau hi a pawt tai: Thâng chuh a sie ta a, eihaw hi suokcha kha laizang I hiu hi.

⁸Ei panpihna ding chuh LALPA lei leh van siempa min ah a um hi, ti’n.