Read Gangte SAM 126 Bible Online

SAM 126 - Gangte bible

SAM 126

¹LALPA’n Zion salte a puihkit lal khan, Mang a mangmathaw bang phet ka hiu a.

²Zie pêt chun ka kam u chu nuihna’n a dim a, Ka lei u chuh lawp a lasak na’n: Zie pêt chun namtin lak ah, “LALPA’n amau dingin thil lopi tak ahih sek hi,” a tiu a.

³LALPA chun thil lopi takte ei hih sak a; Ka kipâk ten ui.

⁴Aw LALPA, sala ka tan u hi ei puikit inla, Simlam a luicha haw tawbang in.

⁵Mittui kie kawma tuh haw chun lawp takin ât un au.

⁶Kap kawma buhchi tuh ding kuondawkpihte chun, A buhphal haw chawi in lawp takin In lam zuon kit in au.