Read Gangte SAM 137 Bible Online

SAM 137 - Gangte bible

SAM 137

¹Babulon lui pang haw achun, Zie chun ka chuu a, ahi, ka kap sek ui, Zion ka ngaihtuoh tieng u leh.

²Lui pang a huisum bâk haw a chun ka kingkang hawu ka bang sek u a.

³“Zion la khat ei sak sak tiem u,” ti’n, Zie tak achun sala ei puite chun la sa dingin ei sawl u a, Ei sugimthei te chun lawp ding in ei sawl u a.

⁴Mi gam ah LALPA la bangti’n ka sa thei ding u?

⁵Aw Jerusalem, ka hun hetngilh le chuh, Ka khut changlam hin a thil thiem hi hengilh hen.

⁶Ka hun hetzing loh a, Ka lawpna pên sanga Jerusalem ka deih zawk loh le chuh; Ka lei hi ka khadang ah bek chak kêi hen.

⁷Aw LALPA, Jerusalem ni chuh Edom suonte chungah a sie lam in hezing in la; A suongvuih nasan in le, hihchim un, hihchim un tite khah.

⁸Aw sukmang a um ding, Babulon chanu, Ka chung u a na hih banga nang chunga hih dingte chuh kipâk takin um in a.

⁹Na chasen hawu hun chuh tha a, suongpi khetna a mang ding pa chuh kipâk takin um hen.