Read Gangte SAM 138 Bible Online

SAM 138 - Gangte bible

SAM 138

¹Aw LALPA, ka lunggil chengcheng in na kawmah kipahthu gen ing ka ting: Nangmah pakcha’n pathien haw âng achun la sang ka.

²Na Ho-In thiengtho lam nga’n hun ho ing ka ting, Na zaidawhna leh na thutak ziek in na min pakcha’ng ka: Na thu chuh na min dungzui zelin na chawisâng ta ngâl a.

³Ka hun uou ni’n nang in nei dâwng a, Ka hinna hihhat in nei tîlkhoh a.

⁴Aw LALPA, lei a leng chengcheng chun kipahthu hun hilh un au. Na kam a thu pawtte chuh a he ngâl u a.

⁵Ahi, LALPA umdan thu haw chuh la’n sa’n au; LALPA lopina chuh a nasa ngâl a.

⁶LALPA chuh chungnung tak ahi na a, mineute le a limsak zel sek a: Himahleh, mi kisathei haw chuh gamla taka kipan in a muchien sek hi.

⁷Buoina lak ah leng mahleng le, ka melmate lungnatna lak apat nangin nei vengbit a: Ei dote lungnatna suol ding in na khut zak in na tin, Na khut changlam in nei hukdam in la.

⁸LALPA chun ka chung a ahih ding chu guitun sak in a: Aw LALPA, na zahngaihna chuh kumlekhuo’n um in a; Na khut suok te hi hengilh ki’n.