Read Gangte SAM 14 Bible Online

SAM 14 - Gangte bible

SAM 14

¹Mingawlte chun a lungthim un, “Pathien a um puoi,” a tiu a. A se zo u a, thil kihdak-um tak ahih u a; Kuomah thilpha hih himhim a um puou.

²Hethiem a Pathien hawl himhim a um ui mawh, ti’n, LALPA chun van apat hin mihiem te hi a zuk en a.

³Lam diklo lam ah a kihei vek tau a; a bawn un a petmang zo tau a; Kuo mah thilpha hih himhim a um puou, khat cha le a um puou:

⁴Thil sukhielte chengcheng chun hetna mawng mawng neilo ahiu em? Chângthâk a nek tawbang un ka mite a ne vek u a, LALPA lah a sam kha puou a.

⁵Zie chun amau chuh lau mah mah in um untin; Pathien chuh mi diktat suonte laka chuh a um sek ziek in.

⁶Mi gimtheite lemguot chuh na muolpho sak sek u a, Himahleh, LALPA chuh a kihumbitnau ahi.

⁷Israel te suohchakna chuh Zion apat in hung pawt ta mai zên le chu aw! LALPA’n a mite a vangsak kit tieng chuleh, Jakob chuh kipâk ta’n tin, Israel le kipâk ta’n a.