Read Gangte SAM 141 Bible Online

SAM 141 - Gangte bible

SAM 141

¹LALPA ka hun sam hi, ka kawmah hung meng in la; Ka hun sap hin ka aw hi ana ngaitha’n.

²Ka pauchamna hi thil gimlim tak guolin na masang ahin pawm in um hen la; Ka khut zak hi nitâk lam kithawihna guol in um hen.

³Aw LALPA, ka kam ahin vengpa chut sak inla; Ka mûk kawtkhak hi veng in la.

⁴Minunsie te thilhih haw achu kisubuoi lo dingin, Ka lunggil hi thil phalo lam a chun hêi sak ki’n la: A nek lim tak tak hawu chuh ei nek sak ki’n.

⁵Mi diktat chun ei zêp heh uo; Mi ginum chun ei hilhgaih heh uo, Mi nunsie te sathau chuh ka luchang ah nuh in um kihen: A thil phalo hih uh do a paucham zel ding ka hi ngâl a.

⁶Thiemlohchan sak dingte kienga piekdawk ahih tieng u leh; Ka thu haw hi a deihum dân hun he tan au;

⁷Mi’n suongpi a khet phel a leichung a a thehzak guol in, A guh hawu chuh Sheol kam ah thehzak in um ding ahi.

⁸Himahleh, Aw Pathien, ka LALPA, ka mit in nang lam en zing ing ka: Nangmah achun ka ginna ka nga sek a; ka hinna hi vengtu beiin nusieh ki’n.

⁹Ka awkna dinga thâng a kam uh apat chun ei humbit inla, Thil gilo hihte thâng a kipat chun.

¹⁰Kei mai ka suohchak lai in, Minunsiete chuh amau haw thâng ngêi a chun âwk u hen.