Read Gangte SAM 142 Bible Online

SAM 142 - Gangte bible

SAM 142

¹Ka aw hin LALPA chuh ka uou a; Ka aw hin LALPA kawmah lungsietna ka ngên sek.

²A masangah ka lungkham thu ka sungtha a; A masangah ka buoina ka hetsak sek.

³Ka sunga ka thagau a chauh lai khan, nang mah ngêi in ka lampi chuh na he a. Ka chieh na ding lampi achun ka awkna dingin thâng a gûk in a kam u a.

⁴Ka changlam ka ngaa, ka en a, himahleh, ei he a um ta puou hi; ka kihumbitna a um ta puoh a, kuomah cha’n ei ngaihsak ta puou hi.

⁵Aw LALPA ka hun uou a; “Nang chuh ka kihumbitna, mihing gama ka chanvo na hi ie!” ka ti a.

⁶Ka kiko husa hi ngatha’n la; nasa taka hihniem in ka um ta ngâl a! Ei simmawh haw apat hin ei humbit in; kei sangin a hatzaw ngâl uh a.

⁷Na min ka pahchak theihna dingin, ka hinna hi suongkul apat in la dawk inla; Tichun, mi diktatte chun ei ûmkimvel un tin; Ka chunga na phatna kiting tak ziek chun.