Read Gangte SAM 148 Bible Online

SAM 148 - Gangte bible

SAM 148

¹LALPA chuh pakchau in. Van haw apat khun LALPA chuh pakchau in: Chunglam aw a khun amah chuh pakchau in.

²A vânsâwlchâk chengcheng te haw, amah chuh pakchau inla: A sepaih chengcheng te haw, amah chuh pakchau in.

³Ni leh tha haw amah chuh pakchau inla: Aksi vak chengcheng haw amah chuh pakchau in.

⁴Van haw vante haw, amah chuh pakchau inla, Van chunga tui um haw, amah chuh pakchau in.

⁵Ziehaw chun LALPA min chuh pakchau hen: Amah chun thu a pie a, siem in a um ta ngâl u a.

⁶Amah chun ziehaw chule kumlekhuo a dingin a hih det ta a: Thu, mangthai lo ding chuh a guot a.

⁷Lei apat in amah chuh pakchau inla, Nang haw dragon leh tui thuk chengcheng te haw:

⁸Mei leh giel haw, vuk kie leh meipi haw, A thu zui sek huihpite haw:

⁹Tanglien leh tangneu chengcheng te: Thinggah nuom haw leh Sidar thing cheng chengte haw:

¹⁰Gamsa haw leh gan guol chengcheng te; Ganhing bawkvak leh chung leng vacha chengcheng te:

¹¹Lei a lalte leh mitin cheng te: Milien leh lei a vaihawm cheng chengte haw:

¹²Nungak leh tangval te, Teksie leh chapangte haw:

¹³Amau haw chun LALPA min chuh pakchau hen, Amah min mai chuh chawih-at in a um ngâla: A lopina chun lei leh van a khum khel pek a.

¹⁴Amah chun a mite ki chuh a dawmsang a, a mi ginum chengte chun pakchau henla; Israel chate a tel chuom te chun, LALPA chuh pakchau in!