Read Gangte SAM 149 Bible Online

SAM 149 - Gangte bible

SAM 149

¹LALPA chuh pakchau in, LALPA chawiân in la thak sau inla, Mithiengthote kikhawpna achun a pahchakna la sau in.

²Israel chuh a siempa chung achun kipâk henla: Zion chate chuh a Lalpen uh chung achun lawp u hen.

³Amin chuh lam in pakchau hen la: Khuongcha leh kingkang tawh a mah pakcha’n lasau hen.

⁴LALPA chuh a mihaw chungah a kipâk sek ngâla: Nuoilutchuh haw chuh guolzawh na’n a zem hawih sek hi.

⁵Mithiengtho haw chuh lopina ah kipâk takin um u henla, A zâlkhun chung hawu ale lâwpin lasau hen.

⁶Pathien limbawla pahchakna chu a kam u ah um hen la; Chemzâm hiemtuok a khut u ah um hen.

⁷Namtin chunga phuba la a, Mitin chunga gawtna tunsak dingin;

⁸A lalteu chuh thikkawl a kân a, A mineizo teu chuh thikkawl buh sak ding leh;

⁹A chung u a thutanna umsa dungzui a vaihawm dingin: Zie chuh a mi ginum chengcheng te a ding chun a lopi hi. LALPA chuh pakchau in.