Read Gangte SAM 16 Bible Online

SAM 16 - Gangte bible

SAM 16

¹Aw Pathien, ei humbit in nang mah achun ka ginna ka nga sek ngâla.

²LALPA kawm achun, “Nang chuh ka LALPA na hi ie, Nang lo chun phatna himhim ka nei puoi.”

³Lei a mi thiengtho umte chuh Amau chuh mi lopi, ka kipahna chengcheng umna chuh ahi, tih ahi.

⁴Pathien dang telte chuh, a lungkham nau hung pung ina: A dâwn ding thisan latteu chuh sungtha puo’ng ka ting, a min u le ka kam in suoh diek puo’ng ka.

⁵LALPA chuh ka gochan ding leh ka khawn chan ding chuh ahi. Nang in ka chanvo chuh nei sukdet sak sek a:

⁶Gamgi chuh keia dingin mun nuom tak ah akizan ta a; Ahi, goluoh ding phatak ka nei tai.

⁷Lem ei guotsak LALPA chuh, pakcha’ng ka ting: Ahi, zan lele ka lunggil in thu ei hilh sek hi.

⁸LALPA chuh ka masangah ka um sak zing sek a: Ka changlam a a um ziek in kilîng puo’ng ka.

⁹Zieziekchun ka lunggil hih a kipaka, ka thagau hi a kipâk a: Ka taksa hile bit takin kichawl in a.

¹⁰Ka thagau sheol ah nusieh puo’n na tin; Na mithiengtho hi muotna muh sak lo ding na hi.

¹¹Nangin hinna lampi chuh nei hetsak a: Na masang achun kipahna bukim a um a; Na khut changlam achun kumsawt nawpna a um ngâla.