Read Gangte SAM 2 Bible Online

SAM 2 - Gangte bible

SAM 2

¹Namtin chuh bang a tiu a lungna ahiu hi? Milip in bang dinga thil phachuom lo ngaihtuoh ahiu hi?

²Lei chunga lengte a hel u a, vaihawmte chuh a kihokhawm u a, LALPA leh a thaunuh chuh a kalh u a,

³“A thuneihnau chuh paih thai ting un, A vaihawmna nuoi u apat pawt hitiu,” a tiu a.

⁴Van a chu pa chuh nui intin: LALPA chun a mau haw chuh nuihsan in a.

⁵Tichun, lungna’n a kawm u ah thu gen intin, Lungnat na’n a mau haw sulau tan a:

⁶“Kei mah mawng in ka tâng thiengtho Zion achun, Ka leng siem chuh ka chut sak tai” a ti a.

⁷LALPA thutanna chuh gendawk ing ka: LALPA’n, “Nang chuh ka chapa na hi ie; Tuni hin ka hun hinthak na hi.

⁸Ei ngên in, khutichun na go luoh dingin namtin hun pie’ng ka ting, Kâwlmawng tâwp chan in na go dingin hun pie’ng ka.

⁹Amau haw chuh thik tiengkhut in suphel ing ka ting, Beldengte’n bel a paih gawp tawbang in paih gawp inla,” a ti a.

¹⁰Khutichun, aw lengte haw, ching tau inla: Lei a vaihawm te haw hilhlawk in um tau in.

¹¹Kihcha kawmin LALPA na sem unla, Ling kawm in kipâk un.

¹²Chapa chuh châwp u uo, khutilochun lungna kha’n tin, lamkal ah beimang kha’n lau; kintaka lungna phut ding ahi ngâla A mah a ginna nga chengcheng chuh a hamphau hi.