Read Gangte SAM 23 Bible Online

SAM 23 - Gangte bible

SAM 23

¹LALPA chuh ei chingpa ahi a, tasam hiel puo’ng ka.

²A mah chun hampa hing no kiuhkeuh mun ah ei kuol sak seka: Chawlhna lui pang achun ei pui sek a.

³Ka hinna hi ei bawlphat sak zel a, Amah min ziekin diktatna lampi a ei pui sek a.

⁴Ahi, thihna lîm guom thim hawh mahleng le, Thil phalo mawngmawng lau hiel puo’ng ka; nang ka kawmah na um ngâl a, Na khetbuk leh na mawlh in nei thamuon sek ahi.

⁵Ei dote mitmuh in ka ma a hin dawhkhâng na guonggalh sek a: Ka luchang hi thau na nuh ta a, ka khawn a hin a dimlet zinga.

⁶Pêllo in phatna leh zahngaihna hin ka damsung chengin ei zui zing intin. Khutichun LALPA In ah kumlekhuo’n cheng zing ta’ng ka.